NAPA siunnersortimik suliniutinullu aqutsisumik sulisussarsiorpoq (atorfik ataaseq)
Nunani avannarlernit issittumiillu kulturit arlallit ataatsimoorfianni sulinissat soqutigaajuk?
Nunani avannarlerni suliffeqarfiup mikisuuvugut, Nunani Avannarlerni Ministerit Siunnersuisoqatigiivisa ataaniittoq, maannalu tamatta sulisuusugut suleqatitaarnissarput qilanaaraarput. Suliassatta pingaarnersaat tassaavoq, issittumut tunngassutillit nunani avannarlerni takuneqarlutillu naleqartinneqarnissaat – tamanna anguniarlugu arlalinnik iliuuseqartarpugut.
Suliassatit ilaatigut tassaassapput, NAPA-p nammineerluni kulturikkut suliniutaanik suliniutinik aqutsinerit, sammisassaqartitsilluni pikialaartitsinerit, qinnuteqartunik siunnersuinerit aamma allattoqarfimmi Kulturimut Tapiissuteqartarfik pillugu nunanilu avannarlerni tapiissuteqartarfiit allat pillugit suleqataanerit.
Ima ittoq ujarparput:
- Kalaallit Nunaanni kulturikkut inuuneq pillugu ilisimasaqarluartoq.
- Pilersaarusiornernik suliniutinillu aqutsinernik piginnaasaqarluartoq, eqqumiitsuliornermik kulturilerinermillu suliaqarsimasuusinnaavoq.
- Allaffissornikkut sulianik misilittagalik.
- Aningaasaqaateqarfinnut qinnuteqarnernik misilittagalik – qinnuteqartutut sulianilluunniit isumaginnittutut.
- Attaveqaqatigiinnermik pikkoriffilik, inunnik inissaqartitsisoq aamma inunnik allanik ikiuinermik siunnersuinermillu nuannarisaqartoq.
- Kulturinik arlalinnik ilisimasaqartoq aamma kalaallisut, tuluttut nunallu avannarliit oqaasiinik ikinnerpaamik ataatsimik piginnaasalik.
Neqeroorutigaagut:
- Piginnaasat aallaavigalugit aningaasarsiaqarneq
- Suliffimmi atugassarititaasut pitsaasut, soorlu:
- Nikerartumik piffissalimmi sulineq.
- Angerlarsimaffimmit sapaatit akunnerinut arlaleriarluni sulinissamut periarfissaqarneq.
- Oqarasuaatip angerlarsimaffimmilu internetip akilerneqarnera.
- Timersornermut atuisuuffiup akilerneqarnera.
Atorfik piffissaq tamaat suliffiuvoq, sapaatit akunnerinut nalunaaquttap akunneri 40-rut.
Qinnuteqaat, CV takussutissiallu allat attuumassutillit uatsinnut kingusinnerpaamik aprilip 23-ianni apuutereersimassapput.
Paasisaqarnerorusuppit? Apeqqutissaqaruit Susanne Andreassenimut allannissannut tunuarsimaassanngilatit uunga: susanne@napa.gl imaluunniit sianerit uunga: +299 588849. Uagut pilluta uani atuarnerusinnaavutit napa.gl
Nutaarsiassat takunngitsoorpigit?
Nordjobb aqqutigalugu Nunani Avannarlerni suliffissarsiorit!
18-it 30-llu akornanni ukioqarpit? Islandimi naasorissaasoqarfimmi, Norgemi cafémi, Savalimmiuniluunniit receptionistitut imaluunniit Finlandimi Laplandimi takornarianut takornariartitsinermik sulilernissat takorloorsinnaaviuk? Nordjobb suliffimmi misilittagaqalernissamut nunallu allat ilinniarnissamut periarfissatsialaavoq. Nordjobbimik suleqateqarnermi nunami avannarlermi allami inuuneq qanoq ittuunersoq misigissavat. 1985-imiilli ukiut 40-t ingerlaneranni Nordjobbi inuusuttunut katillugit 30.000-init amerlanerusunut piffissap ilaani suliffittaartitsisimavoq!
Eqqumiitsuliorneq ataatsimoortitsisarpoq
Eqqumiitsuliorneq ataatsimoortitsisarpoq Eqqumiitsuliorneq kulturilu akiuussinnaanermut tunngatillugu oqallinnermi tamanna inerniliunneqarpoq. Ukioq manna NAPA-p Unnummi Kulturisiorfimmi internetikkut aaqqissuussivoq. Eqqumiitsuliortut kulturimillu aaqqissuussisut nunanit tamalaaneersut arfinillit qaaqquneqarput eqqumiitsuliornermut kulturimullu isiginnittaatsiminnik oqaluttuarinissaannut. NAPA-p pisortaa Susanne Andreasen internetikkut aaqqissuussinermut aqutsisuuvoq, oqaloqatigiinnerlu uani isiginnaarneqarsinnaavoq. Kuupik Kleist, politikeriusimasoq eqqumiitsuliortorlu misilittagaqarluartoq, aaqqissuussinermut peqataavoq oqaloqatigiinnerlu
Eqqumiitsuliorneq kulturilu piujuartitsinissamut siuarsaaqataasinnaapput
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund (IA) Nuuk Nordisk Kulturfestivalimi oqalugiarpoq. Pinngortitaq inunniit anginerusoq eqqaasippaa. Uagullu inuusugut iliuuseqanngikkutta nunarsuarput piuneerukkiartorumaartoq Kalistat aamma oqarpoq. Kulturi iliuuseqarnissatsinnut periarfissiisinnaavoq. Nunat Avannarliit Ministeriisa Siunnersuisooqatigiiffiat maajip 26-iani 2023 Nuuk Nordisk Festivalimi ”Nunat Avannarlerni piujuartitsineq/mingutsitsinnginnerunissaq: Eqqumiitsuliorneq kulturilu siuarsaasut?” pillugu aaqqissuusivoq. Tassunga
New Arctic Kitchen – Issittumi najukkani nerisassat nutaaliorfigalugit
Nunani Avannarlerni Ministerit Siunnersuisoqatigiivisa New Arctic Kitchen, nerisassat takornariallu pillugit suliniut tapersersorsimavaat, tassani Issittumi najukkani igaassat pisariitsumik mamarunarsarlugit takornarianut neqeroorfigineqartarput. Tamanna piviusunngorsimavoq Nunat Avannarliit Issittumut tapiissuteqartarfiat aqqutigalugu. New Arctic Kitchenip siunertaraa ileqqutoqqat malillugit neqinik aamma aalisakkanik nerisassiassanik, Issittumi najukkani pisiniarfigisartakkat, takornarialerisartut aamma igasut takornarialerinermik inuussutissarsiutillit