NAPA pisortartaarpoq – Nina pisortatut atorfia Sørenimut ingerlatikkaa
Søren Würtz 2023-imiit NAPA-mi pisortanngulerpoq. Nina NAPA-mi sulilluarsimanera qujassutigaarput.
Søren Würtz ukiortaami pisortanngoruni suliassat pisortaagallartumit Nina Paninnguaq S. Kristiansen-mit ingerlateqqinneqassapput. Naak Nina Paninnguaq S. KristiansenNAPA-mi uninniarnini nalunaarutiginikuugaluarlugu, pisortanngortussaq aallartilluarnissaanut ilinniartilluarnissaanullu piffisaqarluarumaarpoq. Nina namminersortutut sulileqqinniarluni aalajangiinikuuvoq.
– Namminersortutut sulileqqinnissannut qamannga ilunnit aallutarileqqissallugu misigaara. NAPA-miinnera assut nuannarinikooqaara, tulluusimaarutigaaralu NAPA-mi toqqammavik Sørenimut ingerlattissallugu. Qularutiginngilaralu Søren pisortaalluarumaartoq.
Nina Paninnguaq S. Kristiansen pisortamut sinniisuujunnaalersoq taama oqarpoq. Taanna martsip aallaqqaataani namminersortut sulileqqissaaq.
Nina NAPA-mi, eqqumiitsuliornikkut kulturikkullu inuussutissarsiutigalugu sulisunit aamma Nunat Avarnnarlerni suleqataanit assut nuannarineqarluartuuvoq. Taamaammat uninniarluni nalunaarmat NAPA-mi ugguangaarpugut, namminersortutulli sulerusunnera ataqqillugu.
Nina aggustimi 2021-imi NAPA-mi siunnersortitut sulilerpoq. Taamani naartulluni sulileqqammerpoq. Erneereerluni sulinngiffeqareerlunilu Nina maajimi 2022-imi NAPA-mi pisortap tullersortaatut sulilerpoq. Tamatuma kingorna aggustimi pisortap sinniisuatut inissinneqarpoq.
– Nina qaammatit kingulliit NAPA aaqqissorluarsimanera torersumillu inissilliarsimanera assut ataqqinarpoq. Assigiinngittutigut pisortanngornissara assut oqilisarnikuuaa. Pingaarnermik Nina pikkorissunik sulisunik atorfinitsitsinikuuvoq, pisortanngortussaq Søren Würtz oqarpoq.
Pisortanngortussaq misilittagaqarluartoq
NAPA-mi pisortanngortussaq Nuummi ukiuni pingasuni najugaqarnikuuvoq, Danmarkimilu peroriartornikuulluni, inuusuttuunermilu Nunat Avannerlerni kulturikkut suleqatigiinnikkut aallutaqarnikuuvoq. Søren Nunat Avannerlerni nunat assigiinngitsunilu nutaaliornermik kulturilernermilu misilittagaqartuuvoq. Søren aqutsisutut misilittagartuuvoq, ukiorpassuit ineriartortitsinermut, iliuusissatut pilersaarusiornermut suliaqarnikuuvoq aammattaaq pisortaqarfiit, nutaaliortut, suliffeqarfiillu suleqatigiinnerinut misilittagaqarpoq.
– Kommuneqarfik Sermersuumi suliassat assingi siuttuuffiginikuullugit tulluusimaarutiginikuuara ukiuni marlunni, maannalu misilittakkakka attaveqarfikkalu atorlugit NAPA siuttuufiginissaanut assut qilanaarpunga. Kalaallit Nunaat Nunat Avannarlernut ilanngussingaatsiarsinnaavoq, Nunat Avannarliit Issittormiullu kulturikkut ataqatigiinnerulernissaat periarfissaqarluartorujussuuvoq. Ukkatarerusutakka marluk tassaapput kulturi issittumi Nunat Avannarlernilu innuttaasunut allannguisinnaasoq aammalu nutaanik ilusiliisinnaasut inuussutissarsiortunut siuarsaaneq, Søren Würtz oqarpoq.
Nutaarsiassat takunngitsoorpigit?
Suliffimmut sungiusartoq pissangasoq
Isabella H. Borg NAPA-p tusagassiortunngorniaq ilinniarnerminut atatillugu suliffimmiittuutigaa nutaaq. 2022-mi februarip aallaqqaataani aallartippoq, 2022-mi julip tungaanut uagutsinniissalluni. Maanna attaveqaqatigiinnerup iluani suliassat assigiinngitsut suliarisalereerpai – pissangagaalu piffissap sinnerata ingerlanissaa qanoq isikkoqarumaanersoq. Isabella Qaqortumi inunngorsimavoq nunatsinnilu peroriartorluni. Kujataaniinnerusimalluni. Ilinniarnerminulli atatillugu angalasimaqaaq. Meeqqat atuarfianni atuareerami AFS aqqutigalugu Portugalimiissimavoq,
Kalaallit Nunaanni kulturikkut eqqumiitsuliornermillu inuussutissarsiuteqartut pisariaqartitaannik misissuineq
Nunatsinni kulturerput nukittullunilu assigiinngitsorpassuarnik tunuliaqutaqarpoq – kisiannili tamatumani sinaakkutit pisariaqartitat periarfissallu pillugit ilisimasat killeqarput. Taamaattumik NAPA 2023-mi pisariaqartitanik misissuinermik aallartitsivoq, taannalu tunngavigalugu kulturikkut eqqumiitsuliornermillu suliaqartut suliffeqarfiillu niuernikkut periarfissaat nukittorsarneqassapput. 2023-mi aamma 2024-mi NAPA apeqqutinik immersugassamik, kalaallisut, qallunaatut tuluttullu pissarsiarineqarsinnaasumik, katersuivoq. Inuit katillugit 170-it misissuinermi peqataapput.
Qinnuteqarnissamut piffissarititaasup tullia tassaavoq januarip 15-at
NAPAp Kulturimut Tapiisarfia ukioq 2023-mi aningaasaliissutissatut immikkoortitarisimasai nungupput. Taamaalilluni aamma qinnuteqarneq, decembarip 15-iat nallertinnagu qinnuteqarfiusussaagaluartoq taamaatinneqarpoq. Kulturimut Tapiisarfimmut soqutiginnittoqarsimaqaaq. Inuit amerlasuut NAPA atorluarnikuuaat, tamannalu pillugu qinnuteqartorpassuarnut tamanut qujarusuppugut. 2024-mi aningaasanik agguaasseqqinnissatsinnut qilanaarpugut, qinnuteqarnissamut piffissarititaasoq tullia pissaaq januaarip 15-ianni. 2024-mi 3.000.000 koruuninik Kulturimut Tapiisarfik aningaasaliissutissanik agguagassaqassaaq.
NAPAmi suliniutinut ataqatigiissaarisussaq sullarissoq
Maannguaq Rosing NAPAmi suliniutinut ataqatigiissaarisunngorpoq. Taanna Formel-1-imi sukkaniuttartutut sukkatigaluni aallartilluareerpoq. Ataasinngornermi aggustip 15-iani Maannguaq Rosing nuannaarluni NAPAmut iserpoq. Suliniutinut ataqatigiissaarisussatummi ulloq taanna Maannguaq sulileqqaarpoq. Maannguaq kajumissuseqarluarluni suliassaq siulleq aallartippaa. Suliassarli imaannaanngitsuuvoq. Taassumami allagarpassuit digitalinngortittussaammagit. Ullulli pingasuinnaat qaangiutereersut pappilissat tuusintilikkaat skannereerlugit suliaq naammassivaa. Maannguaq eqqissisimasuuvoq sukkasuumillu