NAPA-p Kulturimut Tapiisarfia ukioq manna qinnuteqarfissaq kingullermut suli agguaassassaqarpoq. Suliniutinut qinnuteqartut tamarmik 100.000 koruunit ataallugu qinnuteqartoqarsinnaapput.
Ukioq 2022 NAPA-mut eqqumiitsuliornermik kulturilerinermillu suliaqartunut
nuannerluinnarnikuuvoq, ilami ukioq ataaseq killilersuuteqartoqarnikuunngimmat.
Tamatta katerissimaaqqissinnaalluta kulturinut aaqqissukkanullu peqataaqqilersimalluta Nunani Avannarlerniit suleqatit aamma nunatsinnukartartut killersugaanatik tikittalersimapput.
Taamaakkaluartorli aningaasanik tapiiissutigisinnaasagut ukioq manna nungukkusuppagut.
Kulturimut Tapiisarfippummi suli aningaasanik agguaassisinnaammat. Taamaaammat isumassarsiaqaruit piviusunngortikkusutannik taava qinnuteqarit. Qinnuteqarfissaq decemberip 15.-ianut killeqartinneqarpoq.
NAPA-p kulturimut tapiisarfiata Nunani Avannarlerni tamaneersut inuit ataasiakkaat, suliniaqatigiiffiit aamma eqqumiitsuliornermik kulturilerinermillu Kalaallit Nunaannut attuumassuteqartunik suliaqartut tapiiffigisarpai. Taamaammat nunatsinnit minnerpaamik ataatsip aamma Nunanit Avannarlermiunit allanit ataatsip suliniutini suleqatigiinnissaat piumasaqaataavoq.
Soorlu ukioq manna nipilersoqatigiit Nuija 35.000 koruuninik immiussinissaannut tapiinikuuvugut. NAPA aamma eqqumiitsuliortut kulturilernermillu suliaqartut Nunani Avannarlernut angalanerannut aamma tapiinikuuvoq.
NAPA-p kulturimut tapiisarfiata Nunat Avannarliit nunarsuarmi ataatsimoornerpaalernissaannut aamma piujuartitsinerpaalernissaannut suleqataanissaq siunertaraa. Nunat avannarlermiut aamma nunat issittormiut akornanni suliaqartartut kulturilerinermik suliniutigisaasa piujuartitsisut tapersersornerisigut taamaaliussaagut.
Kulturimut tapiisarfiup Nunani Avannarlerni innuttaasut kulturikkut annertuumik suleqatigiinnerannik, ataatsimooqatigiinnerannik paaseqatigiinnerannillu ineriartortitsisoq qulakkiissavaa. Inuit amerlanerit aamma suliniaqatigiiffiit amerlanerit Kalaallit Nunaat ukkataralugu nunani avannarlerni kulturikkut suleqatigiinneq pillugu annerusumik ilisimasaqalernissaat soqutiginninnerulernissaallu kissaatigaarput.
Kulturimut tapiisarfik pillugu uani paasisaqarnerusinnaavutit.
Nutaarsiassat takunngitsoorpigit?
Nunani Avannarlerni kalaallisut oqaloqatigiinnerit: Politikki
Eqqumiitsuliortut atugaasa pitsanngorsaaviginissaat anguniarneqarpoq, kisianni suut tamarmik aningaasaliiffigineqarsinnaanngillat, taama oqarpoq kulturimut naalakkersuisoq, Peter P. Olsen. Oqaloqatigiinneq takuuk imaluunniit tusarnaaruk. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Immikkoortumi uani kulturimut naalakkersuisoq Peter P. Olsen, Inuit Ataqatigiineersoq oqaloqatigissavarput. Ilisarititsineq Qineqqusaartoqartillugu kulturilerisut eqqumiitsuliortullu qanoq pingaaruteqartiginerat atugaasalu
NAPA, Nunani Avannarlerni Piorsarsimassutsikkut Attaveqaat siunnersortissarsiorpoq
Nunani avannarlermiut arlalinnik kulturillit issittumi ataatsimoorfianni sulerusuppit? Uagut Nunani Avannarliit Ministeriisa Siunnersooqatigiivisa ataanni nunat avannarlermiutut suliffeqarfeeraavugut sulerusussuseqarluartunik sulisulik, suleqatitaarusuppugullu! Uagut pingaarnerpaatut suliassaraarput Issittormiut isiginnittariaasiannik takunnissitsisinnaalernissaq, tamassumalu akuersaarneqarnissaa – amerlasoorpassuartigullu taamaaliortarpugut. Illit pingaarnerpaatut suliassaraat Kulturimut tapiisarfitsinnut qinnuteqartartut siunnersortarnissaat aamma taassuminnga kiisalu nunat avannarlermiunut tapiissuteqartarfiit programmit allat
Issittumi Suleqatigiinnermut Tapiissuteqartarfik agguaassivoq: Kalaallit Nunaanni piujuartitsinermik suliniutit tapiiffigineqarput
Nunat avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, nunat avannarliit Issittumi nunallu allat iluaqutissaannut suleqatigiinnermik siuarsaanissamik siunertalik, suliniutinut pissanganartunut arlalinnut aningaasaliissuteqarsimavoq, ilaatigut Siu-Tsiu-mut aamma MIO-mut. Nunat Avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, NAPA-mit – Nunat Avannarlerni Piorsarsimassutsikku Attaveqaatimit aamma Ilisimatusarfimmit aqunneqartoq, ukioq manna suliniutinut 22-nut aningaasaliissuteqarpoq.
Nunatta Atuagaateqarfiata NAPA-llu atuakkiortut atuakkiaat pillugit oqaloqatigiitsissavaat
Atuakkiortut Niviaq Korneliussen aamma Islandimeersoq Auður Ava Ólafsdóttir atuakkiaminni sammisarisaat imminortarneq Nunatta Atuagaateqarfiata NAPAllu oqaluuseritilerpaat Marlunngorneq 27. oktober nal. 19.00, Nunatta Atuagaateqarfia Unnuk marlunnik immikkoortortaqassaaq. Immikkoortoq siulleq 19:00-imiit 20:00-ip tungaanut ingerlassaaq, tassanilu Niviaq Auðurilu oqaloqatigiissallutik. Immikkoortoq siulleq tuluttut ingerlanneqassaaq. Denne del vil foregå på engelsk. Oqaloqatigiinneq Andrea Christiansen