Issittumi suliniuteqartut tapiiffigineqarnissaminnut maanna qinnuteqarsinnaapput
Ukiut tamaasa Nunat Avannarliit Naalakkersuisuisa Siunnersuisoqatigiivi Issittumi Suleqatigiinnermut Tapiissuteqartarfik aqqutigalugu 7,3 mio. kr.-nik agguaassisarpoq. Ukkatarineqartoq tassaavoq Issuttumi suliniuteqartut piujuartitsinissamut siuarsaaqataanissaat. Qinnuteqarneq maanna ammarpoq. Februarip 15-iata tungaanut qinnuteqartoqarsinnaavoq. NAPAp Ilisimatusarfiullu tapiissuteqarfik aquppaat.
Issittumi Suleqatigiinnermut Tapiissuteqartarfik 2023-imi makku ilaatigut tapiissuteqarfigaai:
- The Circumpolar Maternal and Child Health group, tassaavoq nunat inoqqaavisa ilisimasaat aamma inuunermi atugaat tunngavigalugit meeqqanut nangeqattaartumik tusarnaagassiaq.
- Seals, Stigma and Survival, tassaavoq issittumit EU-mut puisinik eqqussiunerunissamik erseqqissaanissamik suliaqartut.
- Infrastrukturel udsathed i Arktis. Issittumi attaveqaasersuutit pisariaqartinneqartut ajortoornerani qanoq inuit atugaat aamma attaveqaqatigiinnerit sunnerneqassanersut suliniutip erseqqissassavaa. Suliniutip attaveqaasersuutit navianartumiinnera qanoq inuiqatigiinni qisuariassanerluta tamanut ammasumik oqallinnermik pilersitsiniarpoq.
Issittumi nunat avannarlerninngaanniit suleqataasut suliniutiminnut aningaasaliiffigineqarnissamut piumasaqaatit issittumut iluaqutaasinnaasut ukuninnga sammisaqartut tapiiffigisarpai:
- Nunarsuaq – nunarsuup siunissaa
- Inuit – Nunani issittumi innuttaasut
- Pigissaarneq – Aningaasaqarnikkut piujuartitsineq tunngavigalugu ineriartortitsineq
Tamatuma saniatigut qinnuteqaat nunat avannarlerni minnerpaamik nunat pingasut suliniummut suleqataasassapput. Issittumi nunani allaneersut aamma suleqatigineqarsinnaapput.
Suliniutit ukiuni pingasut tikillugit ukiumut 500.000 DKK-inik qinnuteqartoqarsinnaavoq. Tapiissuteqarnermut piumasaqaatit qinnuteqarfissarlu pillugit nittartagatsinni atuarneqarsinnaapput.
Siunnersortikkusukkaanni NAPAp paasissutissiilluni naapisitsineranut januaarip 9-nni, nal. 11:00 onlinemik peqataasoqarsinnaavoq. Ugguuna NAPA aamma attavigineqarsinnaavoq: napa@napa.gl
Issittumi Suleqatigiinnermut Tapiissuteqartarfik pillugu uani atuarnerusinnaavutit.
Nutaarsiassat takunngitsoorpigit?
NAPA upernaaq 2022-mi aallartittussamik attaveqatigiinnermut praktikkertussarsiorpoq
Nunani Avannarlerni tamani Issittormiut isiginnittaasiannik siuarsaaqataarusuppit?Nunani Avannarlerni Piorsarsimassutsikkut Attaveqaat – NAPA Katuami allaffitsinni attaveqatigiinnermut 1-2-nik praktikkertussarsiorpoq. Kalaallit Nunaanni, Nunani Avannarlerni, Issittormiuni aamma nunani baltiskiusuni kulturimik paarlaasseqatigiittarnermik suliaqartut suleqatigilissavatit. Issittormiut Nunani Avannarlerni tamani eqqumaffigineqarlutillu akuerineqarnissaat suliassatta pingaarnerit ilagaat. Tamatuma saniatigut paasissutissiisarfik Info Norden Grønland ingerlapparput, tassani
Kalaallit nipilersornerat Nuummit Spaniamut aamma Amerika Kujallermut
Nipilersortartoq aamma nipilerilluni angakkuartartoq Hans-Ole Amossen Kalaallit Nunaanni nipilersortartoqatigiinilu Da Bartali Crew tusarnaartitsillutik nipilersortartut nuannarineqarnerpaaat ilagaat. Nunani Avannarlerni, Europami aamma Sydamerikami nipilersoriarlutik angalaarsimapput aamma scenemi allanik ”pulaartunik” rapperinik erinarsortartunillu nipilersoqateqartarsimalluni. 2019-imi Nunani Avannarlerni Siunnersuisoqatigiit Nipilersortartunut Nersornaasiuttagaannut innersuussaasimapput. NAPA-p Hans-Ole nipilersornerup silarsuaani aamma nipilersoriartarluni angalarsimanini pillugit
Aqqaluk Lyngep NAPA ullaakkorsioqatigalugu peqataaffigigaa
Kalaallit Nunaat nunarsuarlu sammineqqarput, kalaallip politikeriusimasup atuakkiortullu Aqqalyk Lyngep NAPA ullaakkorsioqatigalugu peqataaffigimmagu Tallimanngornerit nalinginnaasut ilaanni Nuummi aputip aattorfiani inummik ataqqinartumit NAPA-mi ullaakkorsioqatigineqarpugut. Qaammatini tallimanngornerni siullerni NAPA ullaakkorsioqatigalugu ingerlanneqartarpoq, kulturilerisup inuup saqqummiiffigisartagaanik. Aprilimi Aqqaluk Lynge nunani tamalaani “Kalaallit Nunaat aamma Inuit Issittormiut Siunnersuisoqatigiiffianni / Circumpolar Councilimi
Kalaallit Nunaanni kulturikkut eqqumiitsuliornermillu inuussutissarsiuteqartut pisariaqartitaannik misissuineq
Nunatsinni kulturerput nukittullunilu assigiinngitsorpassuarnik tunuliaqutaqarpoq – kisiannili tamatumani sinaakkutit pisariaqartitat periarfissallu pillugit ilisimasat killeqarput. Taamaattumik NAPA 2023-mi pisariaqartitanik misissuinermik aallartitsivoq, taannalu tunngavigalugu kulturikkut eqqumiitsuliornermillu suliaqartut suliffeqarfiillu niuernikkut periarfissaat nukittorsarneqassapput. 2023-mi aamma 2024-mi NAPA apeqqutinik immersugassamik, kalaallisut, qallunaatut tuluttullu pissarsiarineqarsinnaasumik, katersuivoq. Inuit katillugit 170-it misissuinermi peqataapput.