Februaarimi qinnuteqarsinnaaneq februaarip aallaqqaataanut siuartinneqarpoq
Suliniutit NAPA-mut februaarimi qinnuteqarfiginiarlugu pilersaarusiorsimaguit, taava qinnuteqaatit tunniunnissaannut killigititaq allanngortoq maluginiaruk. Nalinginnaasumik qinnuteqaatit qaammatit tamaasa 15.-iat tunniunneqartarput, februaarimili 1. februaarimut tunniunneqassapput.
Sooq piffissaq killiliussaq allanngortinneqarpa?
NAPAp qinnuteqartarfittaartussaammat killiliussaq allanngortinneqarpoq. Qinnuteqarnissamut periutsip atoruminarnerunissaa pitsaanerulernissaalu sulissutigiuarparput, ineriartortitsinermullu tamatumunnga atatillugu qinnuteqarsinnaaneq piffissami februaarip aappaanniit 17-iata tungaanut matugallartariaqarparput. Suut tamarmik pilersaarutit malillugit ingerlappata naatsorsuutigaarput qinnuteqarsinnaaneq nutaaq februarip 17-iani ammaqqissinnaassallugu.
Allannguineq tamanna kikkunnut sunniuteqassava?
Februarimi 100.000 koruunit ataallugit qinnuteqarniaruit, qinnuteqaatit februarip aallaqqaataani nassiuttariaqarpat. Marsimi kingusinnerukkulluunniit qinnuteqarniaruit qaammatit tamaasa ulloq 15.-iat qinnuteqarnissamut killigititaq naliginnaavoq.
Apeqquteqaruit attavigisigut
Allannguut tamanna qinnuteqarnermullu tunngatillugu apeqqutissaqaruit uunga attavigisinnaavatsigut: NAPA@NAPA.gl
Qinnuteqaatisi tigunissaat qilanaaraarput, februaarillu ingerlanerani qinnuteqartarfittaarput nutaap saqqummiunnissaa qilanaaraarput.
Nutaarsiassat takunngitsoorpigit?
Issittormiut sapaatip akunnerat Nunallu Avannarlermiut ulluat
Ullut 21. – 26. marts 2022 arlalinnik sammisassaqartitsiffiullutillu nalliuttorsiorfiupput. Siullermik Kulturip Illorsuata Katuap Katuarpalaaq, qilaatersornermik festival ingerlappaa. Aappassaanik ulloq 23. marts Nunat Avannarlermiut ullorivaat + Nunallu Avannarlermioqatigiit ukiumik ataasinngortorsiuffigalugu! Nalliuttorsiorneq nuannersoq! Sapaatip akunneranik ataatsimik sivisussusilimmik Inuit qilaatersortarnerat pillugu ataqqinninnermik aaqqissuissagaanni, taava pikkunartukullammik aallarnertariaqarpoq! Katuarpalaaq taama
Aqqaluk Lyngep NAPA ullaakkorsioqatigalugu peqataaffigigaa
Kalaallit Nunaat nunarsuarlu sammineqqarput, kalaallip politikeriusimasup atuakkiortullu Aqqalyk Lyngep NAPA ullaakkorsioqatigalugu peqataaffigimmagu Tallimanngornerit nalinginnaasut ilaanni Nuummi aputip aattorfiani inummik ataqqinartumit NAPA-mi ullaakkorsioqatigineqarpugut. Qaammatini tallimanngornerni siullerni NAPA ullaakkorsioqatigalugu ingerlanneqartarpoq, kulturilerisup inuup saqqummiiffigisartagaanik. Aprilimi Aqqaluk Lynge nunani tamalaani “Kalaallit Nunaat aamma Inuit Issittormiut Siunnersuisoqatigiiffianni / Circumpolar Councilimi
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu
Siunissamut ikaartarfik
Nunani Avannarlerni Piorsarsimassutsikkut Attaveqaat – NAPA-p ukiorpaaluit inuusuttut namminneq ineriartorsinnaanissaannut periarfissanik tuniorartarsimavai. Periarfissat eqqumiitsuliornerminnaq atuutsinngillat, ilinniagaqarnermulli aamma attuummassuteqarlutik. Taamaammat NAPA ilinniartunutNuummi allaffeqarfitsinni praktikkersinnaanissamut periarfissiisarpoq. NAPA suliffeqarfiuvoq assigiingitsunik kulturimut tunngasunik suliaqartartoq. Anguniakkatta akornanniippoq, kalaallit nunallu avannarlermiut allat kulturilerisut inuunerannik ineriatortitseqataanissaq, tapiisarneq uummarissaanerlu, meeqqanut unuusuttunullu suliniutit salliutillugit.