Atuakkamik saqqummersitsineq: Qilaappali Viktoria Joelsenimit
NAPA Arctic Medialu atuakkamik sisamanngornermi januaarip 23-anni nalunaaqutaq 16.30 saqqummersitsisoqarnissaanut qaaqqusipput. Atuakkap Qilaappali-p, Viktoria Joelsenimit allanneqartup saqqummersinneqarnera nalliuttorsiutigissavarput.
NAPA-p atuakkialerinerup iluani suleqatigisartakkanni assigiinngitsut suleqatigalugit inuusuttut atuakkiortut allataat suliniummi “Allatta!”-meersut atuakkattut katersatullu 2013-imit saqqummersittarpai. Suliniummi Allatta!-mi kalaallit atuakkiortut nutaat aallartinnikuupput, soorlu Niviaq Korneliussen, Sørine Steenholdt aamma Pivinnguaq Mørch.
NAPA-p Allatta! sisamaat saqqummersileramiuk, inersimasut allataat, suliniummut tulluartut, ilaatissallugit toqqarpaa.
Oqaluttuat pitsaasut soqutiginartullu amerlasuut uatsinnut 2023-ip ingerlanerani nassiussuunneqarput. Taamaattoq oqaluttuaq ataaseq immikkuullarissuuvoq. Taanna tassa Viktoria Joelsenip ataatani pillugu oqaluttuai, Qilaappalip inuunera. Taamaattumik Viktoriap isumassarsiaa Allatta! inersimasunoortuanut ilanngunneqarpoq. Viktoria Joelsenip Sørine Steenholdt Oqaasileriffillu suleqatigalugit oqaluttuaq piareersarpaa saqqummernissaalu maannakkut piareerpoq.
Tamanna atuakkamik saqqummersitsineq NAPA-mi sisamanngorpat nalliuttorsiutigissavarput.
Viktoria Joelsenip atuakkiaa takisuuliaq siulleq, Qilaappali, oqaluttuaavoq soqutiginarluinnartoq. Taassuma atuakkap atuartussaq tunumi 1930-kkunni pisunut ilagissavaa.
Qilaappali ilaquttanilu tunumi asimioqarfimmi Umittivartinni taassumalu eqqaani Tiilerilaami 1930-kkunni inuupput. Taamani ileqqutoqqat upperisatoqqamut tunngassuteqartut suli takussaasarput. Taakkua piniartutut qajaqarlutik umiaqarlutillu inuupput. Sila naakkittaattaqimmat annaasaqartarsimapput, tunniutiinnarfiginagilli inuunerminnik ingerlatitseqqinniartarsimallutik. Qilaappali 1900-kkut qiteqqussimatsiareersut Kalaallit Nunaata kitaanut nuuppoq. Taanna nuannersunik, pilluarnartunik ilungersunartunillu nalaataqartarpoq, nakkaannaraluartarnerillu aqqusaartarsimallugit. Tamakkuli ilinniarfigalugit imminut sukasarpoq, tunniutiinnajuissusaalu oqaluttuami atuarsinnaavat.
Sørine Steenholdt, saqqummersitsisarfiup Arctic Media-p piginnittua, atuakkiortorlu Viktoria Joelsen, atuagaq pillugu atuakkamik saqqummersitsinermi annertunerusumik oqaluttuassapput.
Atuagaq kalaallisut oqaasertaqarluni saqqummersinneqassaaq.
Saqqummersitsinermi 279 koruuneqarluni pisiassaajumaarpoq.
Tamulugassaqarlunilu imeruersaateqassaaq.
Allatta! Inersimasunut allannermik unammisitsinermi naliliisartuupput: Sørine Steenholdt, Aviaq Fleischer aamma Minik Jerimiassen.
Suliamik aqutsisuupput NAPA aamma Kalaallit Atuakkiortut.
Allatta! Inersimasunut allannermik unammisitsineq ukunanit aningaasaliiffigineqarpoq: Tapiissuteqartarfik Sermeq, Namminersorlutik Oqartussat Tipsernermit Lottornermillu aningaasaliissutaat aamma Eqqumiitsuliornermut Aningaasaateqarfik kiisalu NAPA.
Nutaarsiassat takunngitsoorpigit?
Inuummarilluni uteqqinneq
Nina Paninnguaq Skydsbjerg Kristiansen erninerminut atatillugu sulinngiffeqareerluni maanna NAPA-mut uteqqippoq. Nina august 2021-mi siunnersortitut sulilerpoq. Maanna uteqqikkami pissutsit allanngorsimapput. Nina maana pisortap tullersortaatut atorfinitsinneqarsimavoq – aamma pisortap sinniisuatut 1. august 2022-mi atorfeqalissalluni! Nina Paninnguaq Sisimiuni inunngorsimavoq, kisianni Nuummi peroriartorsimalluni. Isiginnaartitsisunngornissani sivisunerpaamik sinnattorisimavaa – kisianni 2004-mi
Kalaallit Nunaanni inuusuttunut immakkut-angalanermi-isumannaatsuuneq pillugu suliniut naammassingajalerpoq: Puttaqutit kiapequtit atortarnissaannut pikkorinnerusariaqarpugut
Nappaat tunillaassuuttoq atuukkaluartoq, NorSafe aamma Imarsiornermik Ilinniarfik nunatsinni meeqqat atuarfiini angajullernut immakkut-angalanermi-isumannaatsuuneq pillugu pikkorissartitsinernik iluatsitsilluarsimapput. Ukiut pingasut ingerlanerini suliniutaasimasoq Kalaallit Nunaanni Nunanut Allanut Naalakkersuisoqarfimmit aamma Nunani Avannarlerni Ministerit Suinnersuisoqatigiivinit qallunaat nunani avannarlerni siulittaasuuserannut atatillugu aallarnerlugu suliniutigisimasaat naammassingajalerpoq. Suliniut marlunnik siunertaqarsimavoq – nunani avannarlerni imarsiornermik ilinniarfinni
NAPA siunnersortimik suliniutinullu aqutsisumik sulisussarsiorpoq (atorfik ataaseq)
Nunani avannarlernit issittumiillu kulturit arlallit ataatsimoorfianni sulinissat soqutigaajuk? Nunani avannarlerni suliffeqarfiup mikisuuvugut, Nunani Avannarlerni Ministerit Siunnersuisoqatigiivisa ataaniittoq, maannalu tamatta sulisuusugut suleqatitaarnissarput qilanaaraarput. Suliassatta pingaarnersaat tassaavoq, issittumut tunngassutillit nunani avannarlerni takuneqarlutillu naleqartinneqarnissaat – tamanna anguniarlugu arlalinnik iliuuseqartarpugut. Suliassatit ilaatigut tassaassapput, NAPA-p nammineerluni kulturikkut suliniutaanik suliniutinik aqutsinerit,
Kalaallit Nunaanni nersornaaserneqarnissamut innersuussat qaffasissumik pitsaassuseqarput
Ulloq 31. oktober Oslomi Operaen nunani avannarlerni eqqummiitsulianut kulturilerinermullu nalliuttorsiutiginninnermut qitiussaaq, Nunani Avannarlerni Siunnersuisoqatigiit ataqqinaammik nersornaatinik agguaalerpata. Ukiumi pisumi Nunani Avannarlerni nunanit tamanit eqqumiitsuliortut, atuakkiortut, nipilersortartut aamma filmiliortartut alutornartut katersuutsinneqassapput, nunani avannarlerni kulturilerinermut malunnaatilimmik taperseeqataanerat nersorniarlugu. Marlunngorneq ulloq 31. oktoberimi kalaallit eqqumiitsuliortut kulturilerinermillu suliaqartut arlallit