ALLATTA! 4.0-mut ersinartulersaarlutit oqaluttuat oqaluttuariuk
Allalluni unammitsitsineq Allatta! maanna ukiami aallartilerpoq, unammisitsinermi inuusuttut atuakkiornermut ilippanaatiminnik sammisaqarsinnaapput. Tassani oqaluttuat ersinartulersaarutit sammineqassapput.
NAPA, Nunani Avannarlerni Piorsarsimassutsikkut Attaveqaatip Kalaallit Atuakkiortut peqatigalugit allannermik unammisitsinermik ”Allatta!-“mik, qallunaatut ”Lad os skrive!” isumaqartumik unammisitsissapput.
Unammisitsinermi inuusuttut 15-25-t akornanni ukiullit peqataasinnaapput.
Kalaallisut, qallunaatut tuluttulluunniit allattoqarsinnaavoq.
Allatta!-mut qulequtaq pingaarneq tassaassaaq ”Oqaluttuat ersinartut”
matumani uulikullanneq/amiilaarnartut, oqaluttuatoqqat/oqaluttuat, eqqumiitsut aamma annilaanganartut ilaallutik. Kalaallit Nunaanni oqaluinnarluni oqaluttuariaasermut ileqqoq assut patajaatsuuvoq, Allatta!-lu aqqutigalugu oqaluttuat allatat pitsaasut ukkatarissavagut.
Inuusuttut 15-25-t akornanni ukiullit oqaluttuaaraliornermut
unammisitsinermut peqataanissaminnut tikilluaqqusaapput, oqaluttualiaararlu annerpaamik quppernernik 20-nik qupperneqassaaq.
Ukiaq 2023-mi ajugaasut 10-t oqaluttualiaat inuusuttunut atuakkiamut katersorlugit saqqummersinneqassapput.
Ulloq 28. novemberimi Niviaq Korneliussen, ukioq kingulleq Nunat
Avannarlerni Ministerit Siunnersuisoqatigiivisa atuakkiortunut nersornaasiuttagaannik ajugaasoq, allannermik workshoppertitsissaaq.
Allannermut workshoppit tamarmik digitalimik ingerlanneqassapput, taamaalilluni sineriammeersut tamarmik aamma peqataasinnaaniassammata. Isigiarsuttunut aamma ussersorluni oqaatsinut nutserisoqarnissaanik periarfissaqarpoq.
Oqaluttuaaqqamik tunniussivissaq ulloq kingulleq 28. februar 2023-uvoq.
Niviaq Korneliussen peqatigalugu ajugaasunut 10-nut Nuummi upernaakkut 2023-mi bootcampertitsisoqassaaq, tassani inuusuttut oqaluttuaaraliaminnik suliareqqiinissaminnut ikiorneqassapput.
ALLATTA! 4.0 UNG maanna Facebookimi nassaassaalereerpoq, siunissami workshoppertitsinissat pillugit qupperneq malinnaavigiuk.
Allalluarnissassinnik kissaallusi!
Suliniut NAPA-mit aamma Kalaallit Atuakkiortunit pigineqarpoq.
Suleqatit allat: Arctic Media / Sørine Steenholdt, Oqaasilerinermik,
Atuakkialerinermik Tusagassiuutilerinermillu immikkoortortaqarfik,
Ilisimatusarfik.
Nutaarsiassat takunngitsoorpigit?
Nunani Avannarlerni kulturilerinermi kalaallisut oqaloqatigiinnerit: Atuakkialerineq
Atuakkiortoq Niviaq Korneliussen aamma atuakkanik naqiteritsisarfimmik piginnittoq Katti Frederiksen Kalaallit Nunaanni atuakkiortut atugassarititaat pillugit oqaloqatigiipput. Oqaloqatigiinneq takuuk imaluunniit tusarnaaruk. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Immikkoortumi uani Atuakkiortoq Niviaq Korneliussen aamma atuakkanik naqiteritsisarfimmik piginnittoq Katti Frederiksen oqaloqatigaagut. Ilisarititsineq Inuit apersorneqartut oqaloqatiginerisa oqariartuutaasalu
Naapitta – Let’s meet! NAPA Sorlak-lu Nuummi inuusuttunik saamit inuusuttut naapinnissaanut kulturikkut avitseqatigiinnissaannullu ujaarlerput
NAPA, Nunani Avannarlerni Piorsarsimassutsikkut Attaveqaat aamma Sorlak Dansk Ungdomsfællesråd peqatigalugu Saamit kulturikkut avitseqatiginissaanut suleqatigiipput. Nuummi inuusuttunut periarfissatsialak. NAPA, Nunani Avannarlerni Piorsarsimassutsikkut Attaveqaat aamma Sorlak, Kalaallit Nunaanni meeqqat inuusuttullu siunnersuisoqatigiiffiat, Dansk Ungdoms Fællesrådi peqatigalugu Nuummi inuusuttut saamillu inuusuttut kulturikkut avitseqatigiinneq pillugu suleqatigiipput. “Naapitta – Let’s meet!”-ip
NAPA juulimi aasaanerani sulinngiffeqarallarpoq
NAPA, Nunani Avannarlerni Piorsarsimassutsikkut Attaveqaat, juulimi aasaanerani sulinngiffeqarallarmat piffissami tamatumani kulturimut tapiissutinik qinnuteqaatinik suliarinninneq ajorpugut. NAPA juulimi qinnuteqaatinik suliarinninngiffeqarallarpoq, kisianni sulinngiffeqareerutta aggustip 15-at kingorna qinnuteqaatit tigusimasagut suliarigumaarpagut. Sulinngiffeqarnerup kingorna qinnuteqaatit pissanganartut takunissaat qilanaaraarput, tamassilu aasarsiorluarnissarsi kissaatigaarput! Apeqquteqaruit napa@napa.gl-imut allassinnaavutit. Ingerlateqqiguk Nutaarsiassat takunngitsoorpigit?
Kalaallit Nunaanni kulturikkut eqqumiitsuliornermillu inuussutissarsiuteqartut pisariaqartitaannik misissuineq
Nunatsinni kulturerput nukittullunilu assigiinngitsorpassuarnik tunuliaqutaqarpoq – kisiannili tamatumani sinaakkutit pisariaqartitat periarfissallu pillugit ilisimasat killeqarput. Taamaattumik NAPA 2023-mi pisariaqartitanik misissuinermik aallartitsivoq, taannalu tunngavigalugu kulturikkut eqqumiitsuliornermillu suliaqartut suliffeqarfiillu niuernikkut periarfissaat nukittorsarneqassapput. 2023-mi aamma 2024-mi NAPA apeqqutinik immersugassamik, kalaallisut, qallunaatut tuluttullu pissarsiarineqarsinnaasumik, katersuivoq. Inuit katillugit 170-it misissuinermi peqataapput.