NAPA, Nunani Avannarlerni Piorsarsimassutsikkut Attaveqaat siunnersortissarsiorpoq
Nunani avannarlermiut arlalinnik kulturillit issittumi ataatsimoorfianni sulerusuppit?
Uagut Nunani Avannarliit Ministeriisa Siunnersooqatigiivisa ataanni nunat avannarlermiutut suliffeqarfeeraavugut sulerusussuseqarluartunik sulisulik, suleqatitaarusuppugullu! Uagut pingaarnerpaatut suliassaraarput Issittormiut isiginnittariaasiannik takunnissitsisinnaalernissaq, tamassumalu akuersaarneqarnissaa – amerlasoorpassuartigullu taamaaliortarpugut.
Illit pingaarnerpaatut suliassaraat Kulturimut tapiisarfitsinnut qinnuteqartartut siunnersortarnissaat aamma taassuminnga kiisalu nunat avannarlermiunut tapiissuteqartarfiit programmit allat pillugit ingerlatsisuunissat, taamaalillutik eqqumiitsuliornermut aamma kulturimut suliniutit piviusunngortinneqartarniassammata. Taakkununnga suliassat attuumassutillit aamma suliassaapput.
Illit qinerpatsigit:
- Aaqqissulluakkamik aaqqissuussaanernik suliaqartartoq
- Allaffissornermi ingerlatsinermut misilittagaqartutit aamma taakkuninnga suliarissallugit nuannarinnittoq
- IT-mut aaqqissuussinerit assigiinngitsut misilittagaqarfigaatit aamma CMS-systemit mislittagaqarfigukkit iluaqutaassaaq
- Aningaasaateqarfinnut qinnuteqartarnerit misilittagaqarfigaatit – qinnuteqartartutut imaluunniit sulianik suliarinnittartutut
- Excel assigisaalu sulillutit atorluarsinnaavaatit.
- Inunnik attaveqaqateqallaqqipputit, atituumik inunnik isiginnittariaaseqarlutik aamma allat siunnersornissaat ikiornissaallu nuannaraatit.
- Arlalinnik kultureqartunik paasinnittaaseqarputit aamma pitsaasunik oqaatsitigut piginnaasaqarlutit kalaallisut, tuluttut aamma skandinaviamiut oqaasiisa arlaannik minnerpaamik ataatsimik oqaaseqarlutit
Kalaallit Nunaanni ilinniagarnermut suliassaqarfimmut ilisimasaqarneq iluaqutaassaq, kisianni piumasaqaataanngilaq.
Neqeroorutigaagut:
- Pisinnaasat aallaavigalugit akissarsiat
- Sulinermi atugassarititaasut nalinginnaasut pitsaasut aamma nikerarsinnaasut, matumani:
Piffissaq suliffik nikerartoq
Angerlarsimaffimmi sulisinnaanermut periarfissaq
Oqarasuaat angerlarsimaffimmilu internetti akilerneqartartut
Timersorluni sungiusartarnermut pisartagaq akiligaq
Atorfik piffissaq tamaat atorfiusoq sap.ap./akunnerit 40-t.
Atorfik piaarnerpaamik inuttassarsiuunneqarpoq aamma kingusinnerpaamik ulloq 1. december 2024.
Qinnuteqaat, CV aamma allagaatit allat naleqquttut , uatsinnut nassiunneqassapput kingusinnerpaamik 27. oktober aamma ataatsimut nassiunneqassallutik uunga www.norden.org/da/karriere.
Qanimut aamma onlinekkut oqaloqateqarnerit sapaatip akunnerani 44-mi ingerlanneqassapput aamma 45-mi ingerlanneqarsinnaallutik.
Apeqqutissaqaruit, Susanne Andreasen allaffiginissaanut tikilluaqqusaavutit susanne@napa.gl imaluunniit uunga sianerlutit +299 588849. Uani pilluta atuarnerusinnaavutit napa.gl
Nutaarsiassat takunngitsoorpigit?
Qinnuteqarnissamut piffissarititaasup tullia tassaavoq januarip 15-at
NAPAp Kulturimut Tapiisarfia ukioq 2023-mi aningaasaliissutissatut immikkoortitarisimasai nungupput. Taamaalilluni aamma qinnuteqarneq, decembarip 15-iat nallertinnagu qinnuteqarfiusussaagaluartoq taamaatinneqarpoq. Kulturimut Tapiisarfimmut soqutiginnittoqarsimaqaaq. Inuit amerlasuut NAPA atorluarnikuuaat, tamannalu pillugu qinnuteqartorpassuarnut tamanut qujarusuppugut. 2024-mi aningaasanik agguaasseqqinnissatsinnut qilanaarpugut, qinnuteqarnissamut piffissarititaasoq tullia pissaaq januaarip 15-ianni. 2024-mi 3.000.000 koruuninik Kulturimut Tapiisarfik aningaasaliissutissanik agguagassaqassaaq.
Issittumi Suleqatigiinnermut Tapiissuteqartarfik agguaassivoq: Kalaallit Nunaanni piujuartitsinermik suliniutit tapiiffigineqarput
Nunat avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, nunat avannarliit Issittumi nunallu allat iluaqutissaannut suleqatigiinnermik siuarsaanissamik siunertalik, suliniutinut pissanganartunut arlalinnut aningaasaliissuteqarsimavoq, ilaatigut Siu-Tsiu-mut aamma MIO-mut. Nunat Avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, NAPA-mit – Nunat Avannarlerni Piorsarsimassutsikku Attaveqaatimit aamma Ilisimatusarfimmit aqunneqartoq, ukioq manna suliniutinut 22-nut aningaasaliissuteqarpoq.
Nunani Avannarlerni kalaallisut oqaloqatigiinnerit: Nunat Inoqqaavisa ilisimasaat (Indigenous Knowledge)
Vivi Vold, Inuiaat kulturiat oqaluttuarisaaneranilu kandidatip nunat inoqqaavisa ilisimasaasa aamma nunat killermiut ilisimasaasa akornanni aporaaffiit, unammilligassat aamma ungasissutsit oqaluuserai. Oqaloqatigiinneq takuuk imaluunniit tusarnaaruk. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Isiginnaagassiami siulleq Vivi Vold oqaloqatigaarput. Oqaloqatigiinneq videotut isiginnaarsinnaavat imaluunniit podcastitut tusarnaarsinnaavat. Malugiuk. Vivi
Nunat Avannarlermioqatigiit NAPA-lu nunat avannarlermiut kaffillernerannut qaaqqusipput
Nunat Avannarlermioqatigiit NAPA-lu Nunat Avannarlermiut ulluanni 23. marts nal. 17.30 – 19.00 kaffillernermut qaaqqusipput. Nunat Avannarlermioqatigiit Nunat Avannarlermiut ulluanni ukioq ataasinngortorsiussapput, tassungalu atatillugu NAPA peqatigalugu kikkunnut tamanut kaffisoriartoqqusillutik. Kafillerneq ingerlanneqassaaq Katuap saqqummersitsiviani nal. 17.30 – 19.00. Kaffi, tii aamma kaageqassaaq. Kaffisornermi KIMIK-p saqqummersitai isiginnaarneqarsinnaapput. Kaffillerneq