Nunani Avannarlerni suliniutinnut aningaasaliiffigineqarit
Nunani Avannarlerni suliniutinnut aningaasaliiffigineqarit
Nunani Avannarlerni kulturikkut suliniutinut taperneqarnissamut periarfissarpassuaqarpoq. Taakku ilagaat NAPA-p kulturimut tapiisarnera, kisianni allarpassuaqarpoq. Nordisk Kulturkontakt aqqutigalugu aningaasaateqarfiit arlallit qinnuteqarfigineqarsinnaapput, taanna Helsingforsimi Finlandimi nunat avannarliit ataanni kulturikkut suliffeqarfiuvoq
Nordisk ministerrådip kulturikkut suleqatigiinnermut aningaasaateqarfinnut arlalinnut programmia Nordisk Kulturkontaktip aqutaraa, aamma nunani avannarlerni-baltikumimi nunani kulturimik suliallat nuttarsinnaanerannut, kulturimik attaveqarfiit ineriartortinnerannut aamma eqqumiitsuliortut najugaqarfigisartagaat aqutaralugit. Programmit assigiinngitsut, katillugit 6-inik assigiinngitsunik qinnuteqarfissartallit, ukiumut 5 millioner euro missaat agguaattarpaat, illillu imaluunniit ilissi kulturikkut suliniutissinnut taperneqarnissassinnut qinnuteqarsinnaavusi..
Nordisk Kulturkontakt qeqertami Suomenlinami, Helsinkip eqqaani Finlandimi allaffeqarpoq, kisianni aamma Helsinkip qeqqani illoqarfiup immikkoortortaani Kajsaniemi allaffeqarluni. Tassani aamma Nordisk Bibliotekeqarpoq, taanna atuagarpassuarnik nunani avannarlermiut atuakkiaannik atuakkanik tusarnersulianik (oqaluttualiat taallalluunniit), suliat pillugit atuakkianik, meeqqanut inuusuttunullu atuakkianik katersaateqarpoq, kiisalu aviisiuteqarluni nunani avannarlerrmiut oqaasii tamakkerlugit allassimasunik.
Tapiisarneq sullitanut assigiinngitsunut immikkoortinneqarsimavoq (programmit), tassaasut inuuniutigalugu kulturikkut suliniuteqartunut, kisianni aamma namminneq atitunerusumillu, Nunani Avannarlerni kulturikkut suliniuteqartartunut aningaasalisarluni.
Netværksstøtte aqqutigalugu Nunani Avannarlerni aamma / imaluunniit Baltikumimi inuuniutigalugu eqqumiitsuliortut kulturimillu suliaqartartut akornanni suleqatigiissinnaanerat, aamma isumassarsianik misilittakkanillu avitseqatigiissinnaanerat periarfissinneqartarput.
Mobilitetsstøtte Nunani Avannarlerni aamma / imaluunniit Baltikumimi inuuniutigalugu eqqumiitsuliortut imaluunniit kulturikkut suliaqartartut angalasarnerannut najugaqartarnerannullu tapiisarpoq.
Kultur- og kunstprogrammet Nunani Avannarlerni suliniutit assigiinngisitaarnermik piujuartitsinermillu siuarsaasut eqqumiitsuliornikkut aamma / imaluunniit kulturikkut pitsaassusillttapiiffigisarpai.
Residensstøtte aqqutigalugu nunani avannarlerni-nunanilu baltiskiusuni eqqumiitsuliortunut najugaqartarfiit aqunneqarput. Inuuniutigalugu eqqumiitsuliortut aamma kulturikkut suliaqartartut nunani avannarlerneersut imaluunniit nunanit baltikumimeersut taakkunani najugaqarsinnaapput.
Norden 0-30 meeqqat inuusuttullu namminneq kulturikkut suliniutaannut politikkimut, kulturimut inooqataanermullu sammisanut attuumassuteqartunut peqataasarnerannut sammitinneqarpoq. Peqataasut 30-t ataallugit ukioqassapput.
VOLT tassaavoq meeqqat inuusuttullu eqqumiitsuliornermik, kulturimik oqaatsinillu alapernaassuseqarnerannik uummarissaaniarfik. Sullitat meeraapput inuusuttuullutillu 25-t tikilllugit ukiullit.
Qinnuteqarfissat ukiumut assigiinngitsunik killissarititaqarput, taakkulu Nordisk Kulturkontaktip nittartagaani atuarsinnaavatit uani
Immikkut siunnersorneqarneq
Nordisk Kulturkontaktip attaviginissaanut aamma suliniutit qinnuteqaatillu pillugit oqaloqatiginninnissannut tikilluaqqusaavutit. Nalinginnaasumik imaluunniit allanut immikkut qinnuteqarfissanut apeqquteqarsinnaavutit. Taama ilillutit illit qinnuteqarnissat pillugu ilinnut tullluarsakkamik ikiorneqarsinnaavutit. Aamma skandinaviamiusut imaluunniit tuluttut saaffiginnissinnaavutit.
Periarfissarpassuit
Nunani Avannarlerni kulturikkut tapiisarfiit assigiinngitsut amerlasuut pillugit nittartakkatsinni atuarsinnaavutit uani
Aamma qinnuteqarnissannut isumassarsitinneqarsinnaavutit qallunaatut oqaasilimmi podcastitsinni “Den gode ansøgning”, taanna tusarnaarsinnaavat uani
Aamma illit qinnuteqaatissat pillugu NAPA-mi siunnersorsinnaavatsigit isumassarsitsilllutillu. Oqarasuaatikkut, mailikkut, videokkut oqaloqatigiinnikkut imaluunniit Nuummi najugaqaruit naapilluta oqaloqatigiissinnaavugut. Suliniutinnut qinnuteqaatinnullu tunngasut suulluunniit apeqqutigisinnaavatit.
Qanoq missingersuusiortoqartarpa?
Nunani Avannarlerni suleqatissanik qanoq attaveqalertoqarsinnaava?
Suliniutiga pillugu Nunani Avannarlerni aningaasaateqarfinnut qinnuteqarsinnaavunga?
Suliniutiga piviusunngortinniarlugu qanoq iliorsinnaavunga?
Apeqqutit suulluunniit apeqqutigineqarsinnaapput – tusarfiginissat qilanaaraarput aamma Nordisk Kulturkontakt tusarfiginissannut qilanaarpoq.