Creative Business Academy Greenland

Nunatta aningaasaqarnera aalisakkamik qalerualinnillu napatinneqarpoq. Tamanna aningaasaqarnerput sunnertiasupilussuuvoq tamannalu inuusuttut siunissami periarfissanik toqqaanissaanut killiliisuulluni. Aappaatigut nunarput kulturikkut pisuujuvoq soorlu nipilersornermik, takutitsinermik, atisaliornermik, filmiliornermik ilaalu ilanngullugit nunanut tamalaanut soqutigineqarsinnaasut. Kisianni tamanna anguneqassappat taava nunatsinni kulturilerisut aamma pinngorartitsisartut isumasioqateqatigiissinnaanermik periarfissaqassapput, nunat tamalaanut attaveqateqarnissaq niueqateqarsinnaanissarlu periarfissaqassapput, imminut nittarsaaneq pillugu aamma attaveqaqatigiiffiit atuinermut, pilersitseqqaartutut pisinnaatitaaneq ilaalu ilanngullugit pillugit ilisimasaqarnerussapput.


Taamaammat NAPA Creative Business Academy Greenland pilersippaa – Tassaavorlu suliniutit aningaasaqarnikkut aamma kulturikkut piujuartitsinerlu ataqatigiissaarineq. Sammisassat Nuummi aallartinniarput, kisianni nunap sinneranut aallartisarnissaa aamma pilersaarutaavoq. Nunat avannarliit nunallu Issittumiittut suleqatigiinneq nunallu tamalaanut nittarsaaneq aamma ukkatarineqassaaq.

Pilersaarutit ilaat ukuupput:

  • Angerlartinnani/Soraarnermi Grønlandsbanken suleqatigalugu ataatsimiinneq
  • Mentor-weekend tassa nunat tamalaanit kulturilerinermi niuernermut ineriartortitsisartut ilitsersuisoralugit Nuummut qaaqqussavagut
  • Iceland Music Export peqatigalugu nipilersorneq sammisaralugu USA-mut tuniniagassanik pilerisaarineq
  • Creative Business Network nunarsuaq tamakkerlugu suleqatigiinneq
Suliniutit allat
Creative Business Academy Greenland novembarip 23-ani aallarniineq

Nunatsinni kulturerput immikkuullarippoq, nunatsinnilu pinngorartitsisartut pikkorissorpassuupput. Soorlu ilusilersuisartut, eqqumiitsuliortartut, atisaliortartut, filmiliortartut aamma nipilersortartullu. Inuussutissarsiutigalugu kulturilerisut aamma pinngorartitsisut niuernermut ilippanartut atorluarneq ajorpagut. Tamanna NAPAp allanngortikkusuppaa. Taamaammat niuernermik ineriartornermut tunngasumik kulturilerisunut pinngorartitsisunullu ilinniarfik pilersipparput. Inuussutissarsiutigalugu kulturilerisut pinngorartitsisullu ineriartussagunik, taava pisariaqartitaat tunngavigalugit suliaq ingerlasariaqassaaq. Creative Business Academy novembarip

Atuarnerugit »
Nordjobb aqqutigalugu Nunani Avannarlerni suliffissarsiorit!

18-it 30-llu akornanni ukioqarpit? Islandimi naasorissaasoqarfimmi, Norgemi cafémi, Savalimmiuniluunniit receptionistitut imaluunniit Finlandimi Laplandimi takornarianut takornariartitsinermik sulilernissat takorloorsinnaaviuk?  Nordjobb suliffimmi misilittagaqalernissamut nunallu allat ilinniarnissamut periarfissatsialaavoq. Nordjobbimik suleqateqarnermi nunami avannarlermi allami inuuneq qanoq ittuunersoq misigissavat. 1985-imiilli ukiut 40-t ingerlaneranni Nordjobbi inuusuttunut katillugit 30.000-init amerlanerusunut piffissap ilaani suliffittaartitsisimavoq! 

Atuarnerugit »
Eqqumiitsuliorneq ataatsimoortitsisarpoq

Eqqumiitsuliorneq ataatsimoortitsisarpoq Eqqumiitsuliorneq kulturilu akiuussinnaanermut tunngatillugu oqallinnermi tamanna inerniliunneqarpoq. Ukioq manna NAPA-p Unnummi Kulturisiorfimmi internetikkut aaqqissuussivoq. Eqqumiitsuliortut kulturimillu aaqqissuussisut nunanit tamalaaneersut arfinillit qaaqquneqarput eqqumiitsuliornermut kulturimullu isiginnittaatsiminnik oqaluttuarinissaannut. NAPA-p pisortaa Susanne Andreasen internetikkut aaqqissuussinermut aqutsisuuvoq, oqaloqatigiinnerlu uani isiginnaarneqarsinnaavoq. Kuupik Kleist, politikeriusimasoq eqqumiitsuliortorlu misilittagaqarluartoq, aaqqissuussinermut peqataavoq oqaloqatigiinnerlu

Atuarnerugit »
Nunat Avannarliit Issittumut Tapiissuteqartarfiannut qinnuteqartut aatsaat taama amerlatigipput

Nunat Avannarliit Issittumut Tapiissuteqartarfianut qinnuteqartunut qujanaq! Ukioq manna aatsaat taama amerlatigisunik qinnuteqartoqartigisimavoq — katillugit 64-it!  NAPA-p pisortaata Susanne Andreasenip qinnuteqaatit amerlassusaat nuannaarutigaa:  “Qinnuteqaatit piukkunnaatillit aatsaat taama amerlatigisut tigusimavavut, taakkulu nunani avannarlerni issittumilu suleqatigiinnermut tunngassuteqarput. Nunat Avannarliit Issittumut Tapiissuteqartarfianni Issittumi inuiaqatigiit nukittuut pingaarnertut siunertaavoq. Tamannalu qinnuteqartunit tigulluarneqarsimaqaaq,

Atuarnerugit »