Maanna Issittumi Suleqatigiinnermut Tapiissuteqartarfimmut qinnuteqartoqarsinnaalerpoq
1. december Nunani Avannarlerni Ministerit Siunnersuisoqatigiivisa issittunut aningaasaateqarfia ammarpoq. Ulloq 13. januar NAPA Issittumi Suleqatigiinnermut Tapiissuteqartarfik pillugu webinarertitsissaaq.
Issittumi Suleqatigiinnermut Tapiissuteqartarfimmut ukiumut qinnuteqarnissaq maanna ammarpoq. Qinnuteqartussat nutaat qinnuteqareersimasullu aningaasaliiffigineqarnissamut maanna nittartakkatsigut qinnuteqarsinnaalereerput. Qinnuteqarnissamut piffissaliussaavoq ulloq 15. februar 2023.
Aamma ullorsiutinni ulloq 13. januar nal. 10.00 krydsilereersinnaavat, tassani NAPA-mi siunnersorti, Pauliina Oinonen Issittumi Suleqatigiinnermut Tapiissuteqartarfik pillugu webinarertitsissaaq, tassani tapiissuteqartarfik aamma qinnuteqartarneq pillugu saqqummiussissaaq, kingornalu apeqquteqartoqarsinnaajumaarpoq.
Aamma ukioq kingulleq webinarerput nittartakkatsinni isiginnaarsinnaavat.
Issittumi Suleqatigiinnermut Tapiissuteqartarfik pillugu
Ukiuni 25-ni Nunani Avannarlerni Ministerit Siunnersuisoqatigiivisa Issittumi Suleqatigiinnermut Tapiissuteqartarfik ingerlatarisimavaat, maannalu programmi qulissaanik aallarteqqinneqarluni.
Issittumi Suleqatigiinnermut Tapiissuteqartarfik aningaasaateqarfiuvoq nunani avannarlermiut – Issittuni – aamma Issittunut iluaqutaasumik – nunat tamalaat akornanni suleqatigiinnerannik siusarsaanermik siunertaqartoq.
Aningaasat agguagassat taamaalillutik kisimi ilisimatusarnermut agguagassaanngillat, kisianni aamma oqartussanit, suliffeqarfinnit, ilisimatuunit, NGO’nit aamma inuussutissarsiornermik ingerlataqartunit allanit qinnutigineqarsinnaallutik.
Ukiut ingerlanerini tapiissuteqartarfik suliniutinut ineriartortitseqataanermik siunertalinnut, eqqissinermik, aalajaassusermik, illersuinermik, ineriartortitsinermik aamma atugarissaanermik ineriartortitsiffiusunut tapiissuteqartarsimavoq. Issittumi Siunnersuisoqatigiit iluanni suliniutinut suliniarnernullu tapiissuteqartarfik aamma tapiisarsimavoq.
Nunat Avannarliit 2030-mi nunarsuarmi piujuaannartitsinerpaanngornissaannut aamma akuliutsitsinerpaanngornissaannut takorluukkap nanginnerasut Issittumi Suleqatigiinnermut Tapiissuteqartarfiup siumut isigaluni iliuusissanik pingasunik angusaqarniarnermut suleqataanissaq anguniarpaa, anguniagassaat tassaallutik Nunat Avannarliiit avatangiisinut tulluarnerusunik isumalluutissanillu atuilluarnersumik ineriartortitsiffiusut, unammillersinnaassuseqartut aamma piujuartitsisut, tassani Naalagaaffiit Peqatigiit Nunarsuarmi anguniagaat 17 immikkut ittumik qitiutinneqarluni.
Tapiisarfiup ingerlanneqarnera
Nunat avannarlerni suleqatigiinnermut ministeriisa tapiisarfik pingaarnerusumik akisussaaffigaat, Nordisk Rådgivningskomite for Arktis, NRKA-p (Nunani Avannarlerni siunnersuisartoqatigiit) aningaasat agguataarnissaannut akisussaaffigalugu, taava NAPA-p aamma Ilisimatusarfiup ataatsimut suleqatigiillutik tapiisarfiup ingerlanneqarnera akisussaaffigaat.
Naliliisartoqatigiit pilersinneqarsimapput, taakku Issittumi Suleqatigiinnermut Tapiissuteqartarfimmut qinnuteqaatit nalilersortarpaat, naliliisartoqatigiit tassaapput ph.d-mik ilisimatusartut arfinillit, issittumi ilisimatusarnermik tunuliaqutallit, aamma Issittumi inuit sisamat ilisimatuujunngitsut inuussutissarsiornermik, kulturilerinermik aamma aningaasaqarnermik ingerlataqarnermik tunuliaqutallit. Naliliisartoqatigiinni nunat avannarliit arlallit sinniisuutitaqarput.
Suliniutit sorliit aningaasaliiffigineqassanersut Nordisk Rådgivningskomite, NRKA-p Nunani Avannarlerni Ministerit Siunnersuisoqatigiivisa allattaanerat suleqatigalugu aalangiunneqartarpoq.
Issittumi Suleqatigiinnermut Tapiissuteqartarfik pillugu apeqqutigineqakkajuttut nittartakkatsinni aamma atuarneqarsinnaapput.
Qinnuteqaatissi tigunissaannut qilanaarpugut aamma ulloq 13. januar webinarimi takussaagut!
Nutaarsiassat takunngitsoorpigit?
Issittumi Suleqatigiinnermut Tapiissuteqartarfik agguaassivoq: Kalaallit Nunaanni piujuartitsinermik suliniutit tapiiffigineqarput
Nunat avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, nunat avannarliit Issittumi nunallu allat iluaqutissaannut suleqatigiinnermik siuarsaanissamik siunertalik, suliniutinut pissanganartunut arlalinnut aningaasaliissuteqarsimavoq, ilaatigut Siu-Tsiu-mut aamma MIO-mut. Nunat Avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, NAPA-mit – Nunat Avannarlerni Piorsarsimassutsikku Attaveqaatimit aamma Ilisimatusarfimmit aqunneqartoq, ukioq manna suliniutinut 22-nut aningaasaliissuteqarpoq.
Kalaallit Nunaanni nersornaaserneqarnissamut innersuussat qaffasissumik pitsaassuseqarput
Ulloq 31. oktober Oslomi Operaen nunani avannarlerni eqqummiitsulianut kulturilerinermullu nalliuttorsiutiginninnermut qitiussaaq, Nunani Avannarlerni Siunnersuisoqatigiit ataqqinaammik nersornaatinik agguaalerpata. Ukiumi pisumi Nunani Avannarlerni nunanit tamanit eqqumiitsuliortut, atuakkiortut, nipilersortartut aamma filmiliortartut alutornartut katersuutsinneqassapput, nunani avannarlerni kulturilerinermut malunnaatilimmik taperseeqataanerat nersorniarlugu. Marlunngorneq ulloq 31. oktoberimi kalaallit eqqumiitsuliortut kulturilerinermillu suliaqartut arlallit
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu
Nunani Avannarlerni kalaallisut oqaloqatigiinnerit: Politikki
Eqqumiitsuliortut atugaasa pitsanngorsaaviginissaat anguniarneqarpoq, kisianni suut tamarmik aningaasaliiffigineqarsinnaanngillat, taama oqarpoq kulturimut naalakkersuisoq, Peter P. Olsen. Oqaloqatigiinneq takuuk imaluunniit tusarnaaruk. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Immikkoortumi uani kulturimut naalakkersuisoq Peter P. Olsen, Inuit Ataqatigiineersoq oqaloqatigissavarput. Ilisarititsineq Qineqqusaartoqartillugu kulturilerisut eqqumiitsuliortullu qanoq pingaaruteqartiginerat atugaasalu