Nunat Avannarlermioqatigiit NAPA-lu nunat avannarlermiut kaffillernerannut qaaqqusipput
Nunat Avannarlermioqatigiit Nunat Avannarlermiut ulluanni ukioq ataasinngortorsiussapput, tassungalu atatillugu NAPA peqatigalugu kikkunnut tamanut kaffisoriartoqqusillutik. Kafillerneq ingerlanneqassaaq Katuap saqqummersitsiviani nal. 17.30 – 19.00. Kaffi, tii aamma kaageqassaaq. Kaffisornermi KIMIK-p saqqummersitai isiginnaarneqarsinnaapput.
Kaffillerneq sioqqullugu kingornalu Katuap ullutsinni qilaatersorneq pillugu Ikinngutigiit Inaanni oqallitsitsineranut aamma kingorna Alaskamiut qilaatersortartut workshoppertitsinerannut kikkulluunniit peqataasinnaapput. Qilaatersornermut tunngasut Katuap qilaatersortartunik katerisimaartitsineranut atatillugu sapaatip akunnerani aaqqissuussat ilagaat. Katuarpalaaq ilaatigut NAPA-mit taperneqarsimavoq.
Nunat Avannarliit Ulluanni Nunat Avannarliit Siunnersuisoqatigiit aqqutigalugit nunat avannarlermiut suleqatigiinnerat nalliuttorsiutigineqartarpoq, tassani nunat avannarlermiut inatsisaat tunngaviusoq, Helsingforsaftalen, ulloq 23- marts 1962-imi atsiorneqarpoq.
Nutaarsiassat takunngitsoorpigit?
Nordic Remix – qarasaasiaq atorlugu nipilersoqatigiinneq
Nipileruusiat atorlugit oqaluttuarneq, nunanit avannarlerneersunit peqataafigineqartoq, kulturit, nipilersorsinnaassutsit nunallu killeqarfiisa akornanni suliarineqassaaq. Suliniut “Nordic Remix” NAPA-p kulturimut aningaasaliissutigisartagaanit taperneqarpoq. Suliniuteqartut tassaapput ”Are We Europe” – videoliaallu uani takuneqarsinnaavoq “Suliniuteqarnitsinni siunertatsinni nipilersornerup oqaluttuarisaanera tunngavigalugu nunani avannarlerni nipilersortartut aamma tusagassiinermik suliallit suleqatigiissinnerisigut, apeqqut nipilersoriaatsit ilumut kulturikkut kingornussarsianut
Siunissamut ikaartarfik
Nunani Avannarlerni Piorsarsimassutsikkut Attaveqaat – NAPA-p ukiorpaaluit inuusuttut namminneq ineriartorsinnaanissaannut periarfissanik tuniorartarsimavai. Periarfissat eqqumiitsuliornerminnaq atuutsinngillat, ilinniagaqarnermulli aamma attuummassuteqarlutik. Taamaammat NAPA ilinniartunutNuummi allaffeqarfitsinni praktikkersinnaanissamut periarfissiisarpoq. NAPA suliffeqarfiuvoq assigiingitsunik kulturimut tunngasunik suliaqartartoq. Anguniakkatta akornanniippoq, kalaallit nunallu avannarlermiut allat kulturilerisut inuunerannik ineriatortitseqataanissaq, tapiisarneq uummarissaanerlu, meeqqanut unuusuttunullu suliniutit salliutillugit.
Nunat Avannarlermiut inuusuttai peqatigalugit weekend-camperneq
NUBF – Nordens Unge i Bæredygtige Fællesskaber – DUF, Dansk Ungdoms Fællesrådimit suliaavoq – Nunat avannarliit tamat inuusuttaasa patajaannerusumik imminnut ataqatigiilernissaannut siunertaqarluni pilersinneqartoq. NUBF 2020-mi ukiumoortumik inuusuttunik sungiusaatitsivoq, tassanilu nunat avannarlernit inuusuttut weekendimi imminnut naapeqatigiissimapput. Tassani sammisaqartitsinerit assigiinngitsut ingerlanneqartarput, ilaatigut suliniutit pillugit allaaserinninnissamut sungiusarnerit aamma nunani
NAPA Avannaanut paasisitsiniaalluni angalavoq
NAPA Avannaanut piffissami 24. august – 8. september 2021 angalavoq. NAPA-p meeqqat, innuttaasullu nunani avannarlerni periarfissaat pillugit oqaluttuutissavai, aamma meeqqat sinnattui pillugit workshoppertittassallugit. NAPA aamma nunani avannarlerni qinnuteqarfissat pillugit Tamassa aqqutigalugu ammasumik siunnersuisassaaq. Kiisalu innuttaasut nunani avannarlerni nuunnissamut, sulinissamut, suliffeqarfimmillu aallartitsinissamut aamma ilinniariarnissamut periarfissat oqaluttuarissallugit.