Nunat Avannarliit Killiit Ulluat sisamanngorpat 23. September Kalaallit Nunaanni, Savalimmiuni aamma Islandimi taakku nunat avannarliit killiit 3-t akornanni kulturikkut suleqatigiinnerup patajaallisarnissaa ersinnerulernissaalu suleqatigiiffigissavaat.
Nuummi NAPA marlunnik assiginngitsunik aaqqissuisimavoq. Siulleq tassavoq ilinniartitsisunik ataatsimeersuartitsineq qarasaasiakkut ilinniartitsissutit “Uagut tassa Nunat Avannarliit” nordeniskolen.org-ip ataaniniitut pillugit. Aappaattut aaqqissuussaq tassaavoq kikkunnut tamanut ammasoq ulequtalillu “Pinngortitarput, kinaassuserput”.
Ulloq aamma Savalimmiuni Islandimilu assigiinngitsutigut malunnartinneqassaaq. Islandimi Nordens hus Nunani Avannarlerni killerni immikkuullarissumik uleqatigiinneq pillugu ataatsimeersuartoqassaaq, kalaallit savalimmiormiullu Islandimiittut kiisalu Nunat Avannarliit Killiit Siunnersuisoqatigiiat peqatigalugit. Kingusinnerusukkut filmi SKÁLtakutinneqassaaq kingornalu taanna pillugu apeqquteqartorsinnaavoq.
NAPA-p aaqqissugai pisussat
Nal. 14-16 “Uagut tassa Nunat Avannarliit Killiit” – Angajullerni ilinniartitsisunut ataatsimeersuartitsineq
Ataatsimeersuarnermi qarasaasiakkut ilinniusiat “Uagut tassa Nunat Avannarliit Killiit” nordeniskolen.org-ip ataaniittut aallaavigineqasssapput, tassani kalaallisut, qallunaatut, inuiaqatigiilerinermi aamma inuttut ineriartornermi atuartitsissutit Angajullerni ilinniartitsisunut saaffiginnittuupput.
“Ilinniartitsissutini atuartut namminneq kinaassutsiminnik aamma nunani avannarlerni killerni allani atuartut kinaassusaannik paasisaqarnerunissaat siunertaavoq” oqarpopq NAPA-p pisortaa Anne Mette Gangsøy.
Ataatsimeersuarnermi saqqummiisoqassaaq, naatsunik filmiliaq takutinneqassalluni, eqimattakkaartumik sulisoqassaaq aamma nammineq eqqarsaatersortoqarluni. Ataatsimeersuarnerup ingerlanerani ilinniartitsisut 7.-10. klassinut ilinniusiat pillugit paasisaqarnerussapput. Aamma suliassartat atuartut isaannik isigalugit sammissavaat suliaralugillu, atuarfinni qarasaasiaq atorlugu atuartitsissutit nunanik avannarlernik killernik samminnittut atuartuutiminnut atuartitsissutiginnginneranni.
Piffissaq sumiiffissarlu: Katuami Inersuaaqqami, 23. september nal. 14.00-16.00.
Oqitsunik nerisassaqarumaarpoq. Nerisassanik inniminniinissaq eqqarsaatigalugu facebookikkut inniminniisoqarsinnaavoq.
Ataatsimeersuarneq NAPA-mit aamma Norden i Skolenimit aaqqissuunneqarpoq.
Unnukkut aaqqissuussineq
Nal. 18-21 “Pinngortitarput, kinaassuserput”
Aaqqissugaq akeqanngilaq aamma kikkulluunniit peqataasinaapput.
“Pinngortitarput, kinaassusserput”
Inuit ilaannut kinaassuseq sumiiffimmut attuumassuteqarpoq, allanullu oqaatsit oqaaserisagut kinaassutsitsinnut attuumassuteqarlutik. Ullumi Nunat Avannarliit Killiit ulluanni kinaassuseq pinngortitamut attuumassutilik misissuataassavarput. Pinngortitap Reykjavikimi, Tórshavnimi Nuummilu ulluinnarni inuunerput sunniiviginerusarpaa, Nunani Avannarlerni illoqarfissuarnut allanut Stockholmimut, Københavnimut Oslomullu naleqqiutissagaanni.
Pinngortitaqarata inuusinnaanngilagut, oqaluttuarisaanerullu ingerlanerani inuunermi atukkagut nassuiaasersortarpai. Kinaassuserput pinngortitamut qanoq atassuteqarpa? Ullumikkut pinngortitaq qanoq atortarparput tassunga ataqqinninneq annaanaveersaajutigalugu?
Pisussat
18.00 Ammaaneq, Naalakkersuisoq Peter P Olsen aamma NAPA-p pisortaa Anne Mette Gangsøy
18.10 Nordisk Koncertkor
18.15 ”Nunatsinni tuttunniartarneq: Oqaluttuarisaaneq kulturerpullu”, Angutinnguaq Olsen
18.45 Nunat Avannarlermioqatigiit, Kalaallit Nunaat
19.00 Unikkallarneq
19.15 Nordisk Koncertkor
19.20 ”Pinngortitaq, piniarneq inooriaaserlu, Peter, Laila aamma Arnaq Petersen Davidsen
19.50 ”Pinngortitaq pillugu oqaluttuara” oqaluttuarluni saqqummiineq. Eva Ritter aamma Jens Larsen , suliniummit Nordic Nature narratives aaqqissuussaq
20.50 Nordisk Koncertkor
Piffissaq sumiiffissarlu: Hans Lyngep Inersuaa, Katuaq, 23. september nal. 18.00-21.
Aaqqissuussineq akeqanngilaq aamma kikkulluunniit tikilluaqquneqarput.
Nunat Avannarliit Killiit ulluat Namminersorlutik Oqartussanit aningaasaliiffigineqarsimavoq.
Nutaarsiassat allat
Tusagassiortoq NAPA-mi attaveqatigiinnermut akisussaasunngorpoq
Ukiuni pingasuni KNR-ip nutaarsiassaqartitsivianeereerluni, Malik Brøns maanna NAPA-mi attaveqatigiinnermut akisussaasunngorpoq. Aggustip aallaqqaataani aallartippoq, nunatsinnilu eqqumiitsuliornerup piorsarsimassutsillu silarsuaanni pisorpassuit pillugit nutaarsiassiisarnissani qilanaaraa. NAPA-mi inuk nuannarineqarluartoq ilisimaneqarluartorlu suliunnaarpoq. Attaveqatigiinnermimi suleqataasoq Bula Larsen 2019-miilli allaffeqarfimmiinnikoq Danmarkimut nooqqammerpoq. Maannalu Malik Brøns NAPA-mi attaveqatigiinnermut akisussaasussanngorpoq. Malik Nuummi inunngorlunilu peroriartornikuuvoq Ilisimatusarfimmilu
Kalaallit Nunaanni inuusuttunut immakkut-angalanermi-isumannaatsuuneq pillugu suliniut naammassingajalerpoq: Puttaqutit kiapequtit atortarnissaannut pikkorinnerusariaqarpugut
Nappaat tunillaassuuttoq atuukkaluartoq, NorSafe aamma Imarsiornermik Ilinniarfik nunatsinni meeqqat atuarfiini angajullernut immakkut-angalanermi-isumannaatsuuneq pillugu pikkorissartitsinernik iluatsitsilluarsimapput. Ukiut pingasut ingerlanerini suliniutaasimasoq Kalaallit Nunaanni Nunanut Allanut Naalakkersuisoqarfimmit aamma Nunani Avannarlerni Ministerit Suinnersuisoqatigiivinit qallunaat nunani avannarlerni siulittaasuuserannut atatillugu aallarnerlugu suliniutigisimasaat naammassingajalerpoq. Suliniut marlunnik siunertaqarsimavoq – nunani avannarlerni imarsiornermik ilinniarfinni
Attaveqaqatigiinnermi suleqataasoq ingerlariaqqilersoq
Bula Larsen NAPA-p allaffianit ilisarisimaneqarluarpoq. Tassami ukiuni 2000-mit 2004-mut NAPA-meereersimavoq. NAPA-mut uterusulluni eqqarsaatigisarsimallugu 2019-imi inuttassarsiuutaq takugamiuk qinnutigaa atorfininnissaminillu neqeroorfigitilluni. Taanna nangaassuteqarani akueraa. Maannalu Bulap inuulluaqqunissaanut piffissanngungajalerpoq, tassami Danmarkimut ungasinngitsumi nuulermat. Bula Kulusumi Kitaamiunik angajoqqaaqarluni inunngorsimavoq, Ilisimatusarfimmillu Oqaasilerineq, Atuakkialerineq Tusagassiutilerinerlu Bacheloriuffigalugit. Bula sumiuunerluni aperineqaraangami akisarpoq kalaalliuni.
Siunnersuinissamut piareersimasoq
NAPA-mi siunnersortitta (Nina Skydsbjerg) erninerminut atatillugu sulinngiffeqarnerani erninermut sulinngiffeqarnermi paarlattaagallartumik atorfinitsitivugut. Tassunga atorfinippoq Pauliina Oinonen, suullu pikkoriffiginerlugit takutitsinissaminut piareersimalluinnarpoq!Pauliina Finlandimeersuuvoq, nunanili avannarlerni assigiinngitsuni arlalinni Islandimi Savalimmiuni Qallunaat Nunaanni Ålandimilu najugaqareersimavoq. Taassuma saniatigut aatsaat Kalaallit Nunaanni najugaqarluni siullermiilinngilaq. Ukiummi affaani 2019/2020-mi Nuummi najugaqareersimavoq. Kalaallit Nunaanni najugaqarnermini