Qeqertarsuup Tunuani innuttaasut NAPA naapikkaat
NAPA-p sulisui Qeqertarsuup Tunuani illoqarfinni 5-ini angalareerlutik maanna Nuummut utersimalerput
Atuartut qiimasut, ilinniartitsisut atuarfiillu pisortai atuarfinni naapisimaarpagut nunani avannarlerni periarfissaat pillugit oqaluttuullugit, matumani Nordplus aamma UAGUT TASSA NUNAT AVANNARLIIT KILLERMIUT ilanngullugit.
Unnukkut NAPA-p ammasumik siunnersuisarfia TAMASSA sumiiffiit katersortarfiini ornigarneqarpoq, tassani inuit pissanganartunik soqutiginartunillu suliniuteqarusuttut oqaloqatigaagut. Aamma utoqqaat peqatigiiffii suliaqarusussuseqaqisut ilaapput.
Illqarfinni Avannaata Kommuniata aamm Kommune Qeqertallip ataani atuarfinnut- sunngiffimmut- pitsaaliuinermut kulturimullu immikkoortortaqarfiit ataatsimeeqatigaagut.
NAPA-p angalanermini naapippai
Ilulissat: atuartut 27, ilinniartitsisut 25
Qasigiannguit: atuartut 46, ilinniartitsisut 4
Aasiaat: atuartut 34, ilinniartitsisut 15
Qeqertarsuaq: atuartut 22, ilinniartitsisut 4
Kangaatsiaq: atuartut 14, ilinniartitsisut 11
Katillugit atuartut 143 aamma ilinniartitsisut 60, tamatuma saniatigut taperneqarnissamut periarfissanik soqutiginnillutik saaffiginnittut 21.
Pisortap blogiani angalaneq pillugut atuarnerugit
Nutaarsiassat allat
NAPAmi suliniutinut ataqatigiissaarisussaq sullarissoq
Maannguaq Rosing NAPAmi suliniutinut ataqatigiissaarisunngorpoq. Taanna Formel-1-imi sukkaniuttartutut sukkatigaluni aallartilluareerpoq. Ataasinngornermi aggustip 15-iani Maannguaq Rosing nuannaarluni NAPAmut iserpoq. Suliniutinut ataqatigiissaarisussatummi ulloq taanna Maannguaq sulileqqaarpoq. Maannguaq kajumissuseqarluarluni suliassaq siulleq aallartippaa. Suliassarli imaannaanngitsuuvoq. Taassumami allagarpassuit digitalinngortittussaammagit. Ullulli pingasuinnaat qaangiutereersut pappilissat tuusintilikkaat skannereerlugit suliaq naammassivaa. Maannguaq eqqissisimasuuvoq sukkasuumillu
Nunani Avannarlerni Siunnersuisoqatigiit nersornaasiuttagaannik nersornaaserneqarnissamik innersuussaasimasut naapikkit
Ulloq 14. April Nunani Avannarlerni Siunnersuisoqatigiit Atuakkiortunut nersornaasiuttagaannik nersornaaserneqarnissamik innersuussaasimasut atuakkiortut livestreamikkut oqaloqatigineqarneri nangeqattaartut nutaat aallartissapput. Sapaatit akunneri tamaasa atuakkiortut atuakkiaminni eqqartugaat soorlu inuunermi aniguineq, silanngajaarneq, attassuteqaatit, angalajumatussuseq, pisinnaajunnaarneq aamma allat atuakkiaminni allaaserisimasaat oqaluuserineqartassapput. Nersornaasigassatut innersuussat aamma atuffassisassapput. Ukioq manna atuakkiatik pillugit nersornaasigassatut innersuunneqartut Nunanit
Nunani Avannarlerni suleqateqarneq nipilersortartunut periarfissatsialaavoq
Nipilersoqatigiit Nuija NAPA-miit tapiiffigineqareerlutik immiussileruttorput. Nuijami nipilersortartoq Magnus Biilmann Trolle tamanna atatillugu nipilersoqatigiit pillugit oqaluttuarpoq nipilersortartunullu nutaanut siunnersuuteqarusuppoq. – NAPA piorsarsimassutsikkut aningaasaateqarfittut nunatsinni tapiiffiginissatsinnut periarfissatut uagutsinnut pitsaanerpaavoq, tassami NAPA-miit tapiiffigineqarnikkut ingerlariaqqissinnaagatta. Magnus Biilmann Trolle, Nuija-mi guitarertartoq erinarsortartorlu taama oqarpoq. NAPA 35.000 koruuninik Nuija tapiiffiginikuua, taamalillutik
NAPA Arctic Winter Gamesimut inuusuttunik isiginnaartitsisussanik ujartuivoq
Inuusuttut Kalaallit Nunaanni tamaneersut Arctic Winter Games 2026-imi kulturikkut aaqqissuussamut Canadami Whitehorsemi ingerlanneqartussamut misiliinissamut qaaqquneqarput. 14-it 20-llu akornanni ukioqaruit, kulturi, isiginnaartitsineq nunanullu allanut Kalaallit Nunaat sinnerlugu peqataanissaq nuannarigukkit, maannakkut Arctic Winter Games 2026-mi Canadami Whitehorsemi kalaallit kulturikkut aallartitaannut ilaanissamut periarfissaqarputit. NAPA – Nunani Avannarlerni Piorsarsimassutsikkut