Atuakkiortunik oqaloqateqarneq – Niviaq Korneliussen aamma Johanne Lykke Holm
Nunani Avannarlerni Siunnersuisooqatigiit atuakkiortunut nersornaasiuttagaannut 2021-mut atatillugu atuakkiortut innersuussaasimasut oqaloqatigiissapput. Pingasunngorneq 5. maj nal. 14 (kalaallit piffissaat) Niviaq Korneliussenip svenskeq innersuussaasimasoq Johanne Lykke Holm oqaloqatigissavaa.
- april Nunani Avannarlerni Siunnersuisooqatigiit nutaamik nangeqattaartuliaani livestreami atorlugu Nunani Avannarlerni Siunnersuisooqatigiit atuakkiortunut nersornaasiuttagaannut atuakkiortut innersuunneqarsimasut atuakkiortutut oqaloqatigiittassapput. Sapaatip akunneri tamaasa atuakkiortut makkuninnga allaaserinnissimasut naapissavagut: aniguineq, kamassuaarneq, attaveqarnerit, angalajumatussuseq, nakkaanneq allallu. Nersornaaserneqartussatut innersuussat aamma atuffassisasssapput.
Ukioq manna nersornaaserneqartussatut innersuussat Nunanit Avannarlernit tamaneersuupput assigiinngitsunillu oqaasilinneersuullutik. Atuakkiat pikkunartut, imamikkut pappiliamut masattumut allanneq, kapitalismip nakkaannera aamma inooqataanermut tunngassuteqartut sammisaralugit. Tamakku saniatigut innersuunneqarsimasut ilaatigut allaaserisimavaat aniguinissamut periaatsit, qooroq plastikkinik naasunik ulikkaartoq aamma nunarsuarmi ajunaarnersuaqareersoq siunissaq.
Romanit oqaluttualiat 9-t, taallianik atuakkiat 4-t aamma oqaluttualianik katersat innersuuneqarsimapput, taakku akornannit Niviaq Korneliussen, Ursula Andkjær Olsen, Andrzej Tichý, Inga Ravna Eira aamma Vigdis Hjorth siusinnerusukkut innersuussaareersimapput.
Onlinemik naapinnerit isumassarsinartut
Atuakkiortut oqalugiarneri Nunanit Avannarlerni atuakkiortut atuakkiaannillu innersuussaasimasunik ilisimaqarnerulernissamik periarfissiissapput. Immikkoortut imarisamikkut qitiutitamikkullu assigiinngiiaarput, atuakkiortut aqutsisullu apeqqutaatillugit.
Atuakkiortoq nuannarisat tusarnaarnissaa eqqaamaniarlugu ullorsiutinni krydsiliigit. Atuakkiortut oqalulgiarneri toqqaannaq 14. april aallartittumik Facebook-imi aamma Nordisk Kulturkontakt-ip nittartaagani sapaatip akunneri tamaasa allakaatinneqartassapput.
Aallaavittut oqaloqatigiinnerit skandinaviamiusut ingerlanneqartassapput, 12. maj aamma 26. Maj eqqaassanngikkaanni, tassani tuluttut ingerlanneqassagamik.
- april: Vigdis Hjorth aamma Ursula Andkjær Olsen – aqutsisoq Yukiko Duke
21. april: Lars Amund Vaage aamma Sebastian Johans – aqutsisoq Marit Lindqvist
28. april: Andrzej Tichý – aqutsisoq Sara Nyman
5. maj: Johanne Lykke Holm aamma Niviaq Korneliussen – aqutsisoq Janne Breinholt Bak
12. maj: Pajtim Statovci aamma Guðrún Eva Mínervudóttir – aqutsisoq Sofie Hermansen Eriksdatter
19. maj: Heidi von Wright aamma Lív Maria Róadóttir Jæger – aqutsisoq Malan Marnersdóttir
26. maj: Andri Snær Magnason aamma Inga Ravna Eira – aqutsisoq Sunna Dís Másdóttir
Nunani Avannarlermiut suleqatigiillutik aallakaatitassiaraat
Digitalimik oqaloqatigiinnerit taakku nunani avannarlerni kulturikkut suliffeqarfiit suleqatigiillutik aallakaatitassiaraat: Nordisk kulturkontakt, Helsinki, Savalimmiuni Nordisk hus på Færøerne, Nunani Avannarlerni Piorsarsimassutsikkut Attaveqaat (NAPA), Nordisk institut i Åland aamma Islandimi Nordisk hus i Reykjavik, kingullermi Nunani Avannarlerni Siunnersuisooqatigiit atuakkiortunut nersornaasiuttagaat allattoqarfeqarpoq.
Aaku ukioq manna nersornaasigassatut innersuussaasimasut:
”Broarna”, Sebastian Johans. Roman. (Åland)
”Bolla”, Pajtim Statovci. Roman. (Finland)
“Autofiktiv digt af Heidi von Wright”, Heidi von Wright. Dikter. (Finland)
“Penge på lommen. Scandinavian Star. Del 1”, Asta Olivia Nordenhof. Roman. (Danmark)
”Mit smykkeskrin”, Ursula Andkjær Olsen. Digtsamling. (Danmark)
“Eg skrivi á vátt pappír”, Lív Maria Róadóttir Jæger. Digter. (Färöarna)
”Naasuliardarpi”, Niviaq Korneliussen. Roman. (Grønland)
“Um tímann og vatnið”, Andri Snær Magnason. Roman. (Island)
“Aðferðir til að lifa af”, Guðrún Eva Mínervudóttir. Roman. (Island)
“Er mor død”, Vigdis Hjorth. Roman. (Norge)
“Det uferdige huset”, Lars Amund Vaage. Roman. (Norge)
“Gáhttára Iđit”, Inga Ravna Eira, Digter. (Det Samiska språkområdet)
“Strega”, Johanne Lykke Holm. Roman. (Sverige)
”Renheten”, Andrzej Tichý. Noveller. (Sverige)
Innersuunneqartut pillugit uani atuarnerugit norden.org
Nutaarsiassat allat
Nunat Avannarliit Siunnersuisoqatigiit 74-issaa ataatsimiigiartut
Novembarip aallaqqaataaniit sisamaata tungaanut Helsinki, Finlandimi ataatsimiisitsisoqassaaq, tassanilu Doris J. Jensen aamma Mariane Paviassen peqataassapput. Ataatsimiisitsisoqarnermullu atatillugu Nunat Avannarliit Siunnersuisoqartigiivisa nersornaasittagaat novembarip aallaqqaataani aamma pissapput. Sessioni, nunat avannarlerni politikkikkut oqallitsitsineq annerpaaq, Helsinkimi, Finlandimi novembarip aallaqqaataaniit sisamaata tungaanut ingerlanneqassaaq. Nunat Avannarliit Siunnersuisoqatigiivisa ilaasortai 87-it, nunani avannarlerni
Susanne Andreasen NAPA-mi pisortanngorpoq
Susanne Andreasen Nunani Avannarlerni Piorsarsimassutsikkut Attaveqaatimi, NAPA-mi, pisortanngorpoq. Andreasen nunatsinni kulturikkut isiginnaartitsisartullu silarsuaanni ukiorpassuarni misilittagaqarluarpoq. Susanne Andreasen ilaatigut ukiuni 2016-2023 Nunatta Isiginnaartitsisarfiani pisortaasimavoq, isiginnaartitsisarfimmut isiginnaartitsisartullu ilinniarfiannut akisussaasuunikuulluni. 2023-mi oktobarimiilli kulturikkut festivalimi Suialaa Arts Festivalimi (siornatigut Nuuk Nordisk Kulturfestival) pisortaavoq. Aammattaaq ilaatigut suliniutinik aqutsisutut namminersortutut sulisimavoq,
Arctic Winter Games pillugu piviusulersaarut: Kulturimik takutitsineq ataatsimoorluni eqqaamasassanngorlugu
Kulturimik takutitsineq qanoq ililluni inuunerup sinnerani eqqaamasassanngortarpa? Piviusulersaarummi nutaami tamanna oqaluttuarineqarpoq, inuusuttut Arctic Winter Games 2026-mi Kalaallit Nunaata kulturilerinikkut takutitaanut peqataasut malinnaavigalugit. Filmi pisut tunuannut qaaqqusivoq, inuusuttullu angalanerat pillugu paasisaqartitsilluni, piareersarnerit siulliit sungiusarnerillu aallartinneranniit angalanermut, misigisassanut aamma piffissap ingerlanerani pilersimasumut ataatsimoornermut. 27. august Katuami piviusulersaarut
Tarnima nammatai
Hanne Gukkilu 2018 aasaagaa Tivolimi naapimmata suliniut naalaatsornerinnakkut pinngorpoq. Eqqumiitsuliortut taakku marluk isumaqatigiipallapput arlaanik pilersitsisariaqarlutik. Isiginnaartitsinissamik isumassarsiaat erniinnaq pingasoqiusanngorluni ineriartorpoq, isiginnaartitsissut, saqqummersitsineq atuagarlu. ”Tarnima nammatai” isiginnaartitsissusiaavoq isiginnaartunut attaveqartoq. Isiginnaartitsissussap isiginnaartitsinermini inuttaaffissani ilikkareersimallugu isiginnaartitsiffissaminut iserpoq isiginnaariartorlu isiminik attaveqarfigilereerlugu. Qungujuppoq isiminillu ilassilluni, apererususulersitsilluni, ”ajunngik?” Isiginnaartitseqatissanili saakkamigit, isiginnaarianut