UNLEASH Kalaallit Nunaat qinnuteqarfigineqarsinnaalerpoq
Ullut 20. aamma 27. august 2022 akornanni UNLEASH Nuummi nunap immikkoortuani pinngorartitsiffiliorniarpoq! Tassani inuusuttut piginnaanillit Issittormiut-Nunat Avannarlermiut 200-t 18-35-nik ukiullit katersuutissapput. Nunanit taakkuninnga tamanit inunnit ikiuisartunit ilisimasaqarluartunillu ikiorneqarlutit Piujuartitsilluni Ineriartortitsinissaq pillugu Nunarsuarmi anguniagassap anguneqarnissaanut pinngorartitsillutit nutaaliorlutit ineriartortitsisinnaavutit. Taakku saniatigut illit pilersaarutitit anguniarlugit eqimattani sulissaatit!
UNLEASH kattuffiuvoq 2016-imi pilersinneqartoq. Taakku Nunarsuarmi anguniagassat anguniarneranni naammassisassanik ineriartuisaput aamma nunarsuarmi inuusuttut piginnaasallit peqatigiitsilersalugit. Nunarsuaq pitsaanerusoq piujuartitsinerusorlu aamma naammassinninniarnermi ileqqutoqqat atorunnaarlugit Nunarsuarmi piginnaasallit nutaanik takorluugaqalersinnissaat maligassiuisunngortinnissaallu anguniagaasa ilagaat. Taamaalillutik kinguaariit tulliusut isumassarsiaasa ineriartortinnerini tapersersuiffigisarpaat, aamma inuit ataasiakkaat, suliffeqarfiit, NGO’t, naalakkersuisoqarfinni allaffiit, aningaasaliisartut aningaasaateqarfiillu nutaaliornermik aamma nunarsuaq tamakkerlugu ineriartortitsinermik suuliallit suleqatigilersarlugit.
Nunap Immikkoortuani Pinngorartitsiffik
Nuummi Nunap Immikkoortuani Pinngorartitsiffimmut peqataanissamut qinnuteqarnissamut killissarititaasoq ulloq tassaavoq 22. april 2022.
Sumiiffik qitiutillugu pinngorartitsiffimmi peqataasut Issittuni-Nunani Avannarlerni pissutsit piujuartitsinermik-unammillernarnerpaaffiusut aallaavigalugit suliaqassallutik periarfissaqassapput. Pinngorartitsiffik taanna sapaatip akunneranik ataatsimik sivisussuseqarluni ingerlanneqassaaq. Tassani inuusuttut piginnaasallit siunnersorteqassapput, taamaalillutillu ajornartorsiutit sinaakkutilersorsinnaalissallugit, aamma sammisassat nutaat toqqarneqarsimasut qanoq ilillutik naammassisinnaaneraat pillugu ineriartuinissaannik ilitsersortassallugit. Sammisassat Nunarsuarmi Anguniagassat uku suliaqarfigissavaat:
SDG3 – Peqqissuseq atugarissaarnerlu: ”Pinngorartitsivimmi ajornartorsiutinut nutaaliorluni aaqqiissutissat ungasianiit nakorsiartitsinermut aamma ungasianit peqqissaanermik tunngasunik qitiutitsisoqarsinnaavoq. Nunap immikkoortuani nappaatit anigorneqarsinnaanngitsut aamma tuniluuttuunngitsut nakorsarneqartarneri aamma meeqqat inuusuttullu akornanni inuuneq tamaat ileqqunik pitsaasunik qulakkeerinninneq, kiisalu tarnikkut nappaatinik aamma ajortumik tusaamanerlutsinneqarnermik unammilligassanik passussineq”.
SDG4 – Ilinniartitaaneq pitsaassusilik: ”Pinngorartitsivimmi ajornartorsiutinut nutaaliorluni aaqqiissutissatut, nunamit suminngaanneeraluaraanni aamma qanorluunniit tunuliaqutaqaraluaraanni pitsaasumik-ilinniagaqarnermut assigiimmik ilinniagaqalersinnaanerup qulakkeerneqarnissaa ukkatarineqarsinnaavoq, taamaaliornikkut pissutsinut allanngorsimasunut nutaanut naleqqussarsinnaaneq pillugu inuuneq tamaat ilinniagaqarsinnaaneq pikkorissaqqissinnaanerlu periarfissaalissammata. Imaluunniit ilinniartitaaneq peqataatitsisoq ineriartortinneqarsinnaavoq”.
SDG13, 14 & 15 – Uumassusilinni assigiinngitsoqassuseq aamma silap pissusaata allanngorneri: ”Pinngorartitsivimmi uumassusilinni assigiinngitsoqassuserup pitsaaliuigineqarnissaa aamma maanna nungunnerata annikillisaavigineqarnissaa, piujuartitsilluni takornariaqartitsinermik aamma atortulersuuteqarnermik qulakkeerinninneq, eqqagassalerineq, nukissaatit ataavartut aamma aningaasaqarneq nutaaliorluni aaqqiissutaasinnaapput”.
Suna ilisimasariaqarpiuk?
UNLEASH Kalaallit Nunaat pillugu apeqqutigineqakkajuttut pillugit qupperneq alakkarsinnaavat soqutiginnikkuit.
– Aaqqissuussineq tuluttut oqaatsit atorlugit ingerlanneqassaaq. Kisianni UNLEASH Kalaallit Nunaat pillugu aaqqissuisut kalaallisut, qallunaatut tuluttullu oqalussinnaasoqarnissaa isumagissavaat, taamaattumik ikiortissaqartuaannassaaq aamma pisariaqartinneqassappat nutserisoqarsinnaalluni. Tamakku saniatigut Pinngorartitsineq aallartitsinnagu tuluttut oqalussinnaanermik pikkorissaasoqassaaq, pisariaqartitsisoqassappat. Taakku pikkorissaanerit pillugit nittartakkami paasissutissanik ikkussisoqarumaarpoq uani UNLEASH Grønlands hjemmeside.
– UNLEASH Kalaallit Nunaat timmisartornerit akiinik akiliissaaq, aamma visa pissarsiariniarnissaanik ikiuutaassalluni (pisariaqartinneqassappat), Nuup iluani angalanermut akiliissalluni, nerisaqarneq aamma najugaqarnissaq sammisassallu piffissaq tamat akilissallugit. Kisianni peqataasussuat peqataanermut akiliissapput 1.016 DKK missaannik. Taamaaliortoqassaaq peqataasut aaqqissuussinermut tamarmut peqatanissat isumannaarniarlugu, aamma aaqqissuussinerup ingerlanerani maanaannaq peqataasut uniinnannginnissaat qulakkeerniarlugu, tassami inuup allap inissaraluanik qatangiinnartitsisoqaqqunagu. Pisariaqartinneqassappat qinnuteqarnermi peqataasussat peqataanissamut akiliinnginnissamik apeqquteqarsinnaapput. Peqataanissamut akiliummik taamaallaat akiliisinnaanngikkuit taamaaliortoqarsinnaavoq.
– Taamaallaat kisimiillutit qinnuteqarsinnaavutit. Kisianni soqutigisatit aamma imminut ilisarititsissutit apeqqutaatillugit suleqatigiinnut inissinneqassaatit.
– Kalallit Nunaanni Pinngorartitsiffimmut apeqqutissaqaruit taava apeqquteqarnissannut uunga tikilluaqqusaavutit greenland@unleash.org.
UNLEASH Kalaallit Nunaat pillugu atuarnerorusukkuit aaamma aaqqissuussineq pillugu nutaarsiassanik atuarusukkuit uani malinnaasinnaavutit: Facebook, Instagram, LinkedIn aamma Twitter. Aamma paasissutissat atuarsinnaavatit nittartakkami
- Kalaallit Nunaat, Meeqqat inuusuttullu, Nunat Avannarliit, Nutaarsiassat, Pisussat, Suliniutit
- Billede af UNLEASH Greenland
Nutaarsiassat takunngitsoorpigit?
Suliniut tapiiffigineqartoq: Kalaallit Nunaanni meeqqat naammagittaalliortarfiata pilersinneqarsinnaaneranik misissuineq
Meeqqat pisinnaatitaaffii pillugit Kalaallit Nunaanni sullissivik MIO 2024-miit 2025-mut Kalaallit Nunaanni meeqqat naammagittaalliortarfeqarnissaanik pilersitsinissamut periarfissanik misissuivoq. Nunavumi, Islandimi Danmarkimilu assingusunik ingerlatsivinnik oqaloqateqarneq paasisassarsiorlunilu tikeraarneq tunuliaqutigalugu MIO 15-inik inassuteqaateqarpoq, nunatsinni taamatut pilersitsinissamut qanoq atuutilersinneqarsinnaanersoq pillugu. Inernerit tunngaviusumik allakkiami aamma naatsumik politik briefimi katersorneqarput, tassani takuneqarsinnaavoq naammagittaalliornermut
Nunat Avannarliit Siunnersuisoqatigiit 74-issaa ataatsimiigiartut
Novembarip aallaqqaataaniit sisamaata tungaanut Helsinki, Finlandimi ataatsimiisitsisoqassaaq, tassanilu Doris J. Jensen aamma Mariane Paviassen peqataassapput. Ataatsimiisitsisoqarnermullu atatillugu Nunat Avannarliit Siunnersuisoqartigiivisa nersornaasittagaat novembarip aallaqqaataani aamma pissapput. Sessioni, nunat avannarlerni politikkikkut oqallitsitsineq annerpaaq, Helsinkimi, Finlandimi novembarip aallaqqaataaniit sisamaata tungaanut ingerlanneqassaaq. Nunat Avannarliit Siunnersuisoqatigiivisa ilaasortai 87-it, nunani avannarlerni
Allatta!-mik ajugaasimasoq Nunani Avannarlerni Siunnersuisoqatigiit 2021-mi atuakkiortunut nersornaasiuttagaannik nersornaasigaavoq
Nunani Avannarlerni Siunnersuisoqatigiit atuakkiortunut nersornaasiuttagaat siullermeertumik atuakkiortumut kalaallimut tunniunneqarpoq, novemberip aappaani Niviaq Korneliussen nersornaasiinermut ajugaammat. Isiginnaartitsisarfik Københavnimiittoq nipaaruteqqammilerpoq. Tina Dickow Helgi Jónsson, Vocal Linelu peqatigalugit ”Hjertestorm” appisimaareerlugu scenemit ingerlaqqammerpoq. Scenip saneraaninngaanniit Naalakkersuisut siulittaasuat Múte Bourup Egede Lagmandilu Bárður á Steig Nielsen, sassarput pissanganersuaqalerporlu. Savalimmiormioq kalaalerluunniit
ALLATTA! Inersimasunut: PIFFISSALIUSSAQ KINGULLEQ NOVEMBARIP 30-AT
Inersimasunut allannermik unammisitsineq, Allatta! Inersimasunut, siullermik ingerlanneqartumut peqataarusuttut kingusinnerpaamik novembarip 30-anni nassiussisussanngorput. Ajugaasup eqqugassai: 59.000 kr. Ajugaaniunnermut peqataarusuttut pikkorissaasuat, Sørine Steenholdt, septembarip 28-anni naggammik pikkorissaalluni workshoppertitsissaaq. Workshoppertitsineq ingerlanneqassaaq toqqaannartumik ALLATTA! Inersimasunut facebookiata qupperneratigut. NAPA, Nunani Avannarlerni Piorsarsimassutsikkut Attaveqaatip, Kalaallit Atuakkiortut, atuakkanillu saqqummertitsisarfik Arctic Media peqatigalugit