NAPA pillugu
Nunani Avannarlerni Piorsarsimassutsikkut Attaveqaat – NAPA tassaavoq suliffeqarfik kulturimut tunngasunik suliaqartartoq, Nunani Avannarlerni Ministerit Siunnersuisoqatigiivisa ataanni inissisimasoq, nunatsinnilu illoqarfiit pingaarnersaanni Nuummi allaffeqartoq. Kalaallit nunalu avannarlerni allani kulturilerisut inuunerannik ineriartortitseqataavugut, tapiisartuuvugut uummarissaasuullutalu, meeqqanut inuusuttunullu suliniutit salliutillugit. Inuuniutigalugu inuuniutiginagulu kulturilerisunut tapiisarpugut, soorlu aamma suliniutinik nammineq aallartitsisartuuvugut nunani avannarlerneersut kalaallillu kulturilerisut suleqatigalugit.
NAPA akeqanngitsumik aningaasaaateqarfinnut qanoq iliorluni nunani avannarlerni kulturimut tunngatillugu qinnuteqaasiorsinnaaneq pillugu siunnersuisarpoq. Allafippullu tamanut ammassuujuaannarnissaa anguniartuarparput, allallutit, sianerlutit imaluunniit ornigullutit kaffisorujuutaa – tiitorfiit arlaliugaluarpataluunniit – qanoq ikiorneqarusunnerlutit pillugu siunnersorneqarnissannut tikilluaqqusaavutit.
Uagut pinngorartitsinermi oqaloqatiginninnissamut, ilisimasanik avitseqatigiinnissamut attaveqaataanissamullu aallaaviorusuppugut. Aamma nunani avannarlerneersunik kalaallinilluunniit suleqatigisinnaasannik ujarliussinnaavatsigit.
NAPA Nunat Avannarliit allaffeqarfiattut nunatsinni kisiartaavoq. Taamaammat aamma allaffeqatigaagutInfo Norden Grønland, tassaasoq Nunani Avannarlerni Ministerit Siunnersuisoqatigiivisa paasissutissiisarfia. Info Nordenip Nunani Avannarlerni nuttarnermut, ilinniagaqarsinnaanermut, sulisinnaanermut periarfissat pillugit apeqqutit akissuteqarsinnaavai.