Tusagassiortoq NAPA-mi attaveqatigiinnermut akisussaasunngorpoq
NAPA-mi inuk nuannarineqarluartoq ilisimaneqarluartorlu suliunnaarpoq. Attaveqatigiinnermimi suleqataasoq Bula Larsen 2019-miilli allaffeqarfimmiinnikoq Danmarkimut nooqqammerpoq.
Maannalu Malik Brøns NAPA-mi attaveqatigiinnermut akisussaasussanngorpoq. Malik Nuummi inunngorlunilu peroriartornikuuvoq Ilisimatusarfimmilu tusagassiortutut ilinniarsimalluni. KNR-ip nutaarsiassaqartitsiviani tusagassiortutut aaqqissuisutullu ukiuni pingasuni atorfini qimaqqammerpaa.
KNR-mi sulinermini Malik Brøns ilaatigut coronavirusip nunatsinnit tiguaanera, Donald Trumpip nunatsinnik pisinialersaarnera inuiaqatigiinnilu sammisat allat nutaarsiassiissutigisarsimavai.
– Ukiuni pingasuni KNR-miinnera nuannersimavoq ineriartorfiulluarlunilu. Maanna NAPA-mi sulilernissara qilanaareqaara, Malik Brøns oqarpoq.
Suliffeqarfiup iluani avataanilu attaveqatigiinneq, nittartakkatigut inuit naapittarfiini quppernitsinnut nittartakkatsinnilu nutaarsiassat suliarisassavai.
– Nutaarsiassiissutigineqartartut tassaasinnaapput suliniutit NAPA-mit tapersersorneqartut. Imaluunniit nunani avannarlerni suliniutit meeqqanut inuusuttunut imaluunniit eqqumiitsuliortunut kulturilerisutoqqanullu soqutiginarsinnaasut. Issittumi Suleqatigiinnermut Tapiissuteqartarfik aqqutigalugu NAPA ilaatigut kalaallit eqqumiitsuliaannik kulturiannillu siuarsaaqataasinnaavoq, Nunani Avannarlerni takuneqarlutillu nersorneqarniassammata, tamannalu tulluusimaarutigaarput, NAPA-mi pisortatut sinniisoq, Nina Paninnguaq S. Kristiansen taama oqarpoq.
– Ukiuni kingullerni kalaallit ilisimasaat isiginnittariaasaallu soqutigineqaraluttuinnalersimapput. Suliniutit NAPA-mit tapersersorneqartut inunnut amerlanernut apuunneqarnissaannut suleqataarusuppunga. Taamaattumik kalaallit eqqumiitsuliaannik kulturitsinnillu Nunanut Avannarlernut siammarterinermik suliaqalernissannut qilanaaqaanga, Malik Brøns oqarpoq.
Sunngiffimmini Maliup isikkamik arsarneq nuannaraa. Angerlarsimagaangami ilaannikkut qarasaasiakkut ikinngutini nittartakkakkut spilleqatigisarpai. Aammattaaq skakkerneq Maliup nuannarisarivaa unammillerneqaraangamilu nuannaartarpoq.
NAPA pillugu
Nunani Avannarlerni Piorsarsimassutsikkut Attaveqaat, naalisarlugu NAPA tassaavoq suliffeqarfik kulturimut tunngasunik suliaqartartoq, Nunani Avannarlerni Ministerit Siunnersuisoqatigiit ataanni inissisimasoq, kalaallit nunanilu avannarlermiut kulturikkut inuunerannik ineriartortitseqataasoq, tapiissuteqartartoq uummarissaasuusorlu, meeqqanut inuusuttunullu suliniutit salliutillugit.
NAPA Kalaallit Nunaanni inuuniutigalugu inuuniutiginagulu kulturilerinermik ingerlataqartunut tapiissuteqartarpoq. Kisianni aningaasaqarnikkut tapiissuteqartarneq NAPA-p suliaata ilaminiinnannguaraa.
NAPA-mi kulturilerinermik suliaqartut kulturikkut suliniutiginiakkaminnut atatillugu siunnersorneqarlutillu ilitsersorneqarsinnaapput. NAPA assersuutigalugu nunani avannarlerni aningaasaateqarfinnut kulturimut tunngasunut qinnuteqartarneq pillugu akeqanngitsumik siunnersuisarpoq, aamma nunani avannarlermiunik allanik imaluunniit kalaallinik attaveqarfissanik pitsaasunik nassaarniarnissamut siunnersuisinnaavoq ikiuussinnaallunilu.
Nutaarsiassat takunngitsoorpigit?
ALLATTA! 4.0-mut ersinartulersaarlutit oqaluttuat oqaluttuariuk
Allalluni unammitsitsineq Allatta! maanna ukiami aallartilerpoq, unammisitsinermi inuusuttut atuakkiornermut ilippanaatiminnik sammisaqarsinnaapput. Tassani oqaluttuat ersinartulersaarutit sammineqassapput. NAPA, Nunani Avannarlerni Piorsarsimassutsikkut Attaveqaatip Kalaallit Atuakkiortut peqatigalugit allannermik unammisitsinermik ”Allatta!-“mik, qallunaatut ”Lad os skrive!” isumaqartumik unammisitsissapput. Unammisitsinermi inuusuttut 15-25-t akornanni ukiullit peqataasinnaapput. Kalaallisut, qallunaatut tuluttulluunniit allattoqarsinnaavoq. Allatta!-mut qulequtaq pingaarneq
Creative Business Academy International Weekend taamaatiinnarneqarpoq
Ajuusaarutigalugu nalunaarutigerusupparput NAPA-p Creative Business Academy – International Mentor Weekend, nunanit tamalaanit peqataaffigineqartussaasimagaluartup apriilip naanerani pisussatut pilersaarutaagaluartoq taamaatitsiinnartariaqaratsigu. Taamaattoqalerneranut pissutaasoq tassaavoq pilersaarutaanngitsumik aaqqissuussamut aningaasartuutit annertuallaalerneri. Taamatut nalunaartariaqarnerput ajuusaarutigaarput, sapinngisarpulli tamaat iliuuseqaraluarluta allatut aaqqiissutissarsisinnaanngilagut. Aaqqissuussamut tapersersuinersi soqutiginninnersilu qujamasuutigaavut, ajuusaarpugullu maannakkut ilimagisasitut iliorsinnaannginnatta. Ingerlateqqiguk Nutaarsiassat takunngitsoorpigit?
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu
Suliniutit Issittumi suleqatigiinnermut tungasut manna tikillugu 17-nit aningaasaliiffigineqartut
Ukioq manna Issuttumi Suleqatigiinnermut Tapiissuteqarfik, NAPAp aamma Ilisimatusarfiup ingerlataa, suliniutit 17-it tapiisuteqarfigai, katillugu 7 millionit koruuninik aningasaliivoq. Issittumi Suleqatigiinnermut Tapiissuteqartarfiup inuit ataasiakkaat, kattuffiit aamma Issittumi piujuartitsinermik ineriartortitsinermut iluaqutaasussanik suliniutillit tapiiffigisarpai. Issittumi nunat avannarlerninngaanniit suleqataasut suliniutiminnut aningaasaliiffigineqarnissamut piumasaqaatit issittumut iluaqutaasinnaasut ukuninnga sammisaqartut tapiiffigisarpai: · Nunarsuaq /