Helsinki, Finland

Nunani Avannarlerni tapiisartut allat

Nunani Avannarlerni taperneqarnissamut periarfissat aningaasaliissutillu qinnuteqarfiusinnasut uani takusinnaavatit. Nittartagaat alakkarlugit atuarnerugit.

Nunani Avannarlerni Ministerit Siunnersuisoqatigiiffiata aningaasaliissutai

Nunani Avannarlerni Ministerit Siunnersuisoqatigiiffiata tapiissuteqartarfii siunertanut aalajangersimasunut tunngasut arlaliupput.

Nordisk Kulturkontaktip programmiisa nunani avannarlerni suleqatigiinnermi suliniutit tamaasa tapiissuteqarfigisarpaat.

Nordisk Kulturfond nunani avannarlerni ilinniagaqarsimasunut aamma ilinniarsimanngitsunut eqqumiitsuliornermik kulturikkullu suleqatigiissutinut tapiisarpoq. Suliniutinut taperneqartartunut ilisarnaatit tassaapput: Allanngorarneq, siumut isigineq, tikikkuminartuuneq aamma pitsaassuseq. Tapiissutit assigiinngitsut aqqutigalugit tapiissuteqartarput soorlu Puls, Opstart aamma Projektstøtte.

Nordplus inuuneq naallugu ilinniarsinnaanermut atatillugu suleqatigiissutinut assigiinngitsunut nunani avannarlerni arfineq-pingasuni aamma nunani baltiskiusuni aningaasatigut tapiisarfiuvoq.

Aningaasaateqarfiup nunani avannarlerni piviusulersaarutit, filmit aliikkutassiat (spillefilm) aamma tv-kkut nangeqattaartuliat tapiiffiginerisigut filmiliorneq tv-kkullu aallakaatitassiornerit pingaarnertut siuarsaavigissallugit siunertaraa.

Nunat avannarliit killiit sisamat akornanni ikinnerpaamik marlunnik peqataaffigineqartumik suleqatigiilluni suliniutit NORA-mit taperneqartarput (Kalaallit Nunaat, Island, Savalimmiut aamma Norge). Suliniutit ilisimatusarnerinnarmut kulturimuinnarlu tunngatitat NORA-mit nalinginnaasumik taperneqarneq ajorput.

Kalaallit Nunaanni nunani avannarlermiut atuakkiaannik siammartiterinissap aamma ilisimasaqarnerulernissap qulakkeerneqarnissaa siunertaavoq. Aningaasanik agguaassisarfik Kalaallit Atuakkiortuisa peqatigiiffiata, Atuakkiortut, aquppaat. Inuit ataasiakkaat taperneqarnissamik qinnuteqarsinnaanngillat – atuakkanik saqqummersitsivik qinnuteqartassaaq. Qupperneq innersuussiffiusoq kalaallisut allassimavoq.

Nunani Avannarlerni tapiisartut allat

Aningaasaateqarfiit tapiisarfiillu ataani takusinnaasasi tassaapput suliniutinut Kalaallit Nunaannut tunngassuteqartunik kalaallinillu “pinngorartitsisunik” peqataatitsisunut tapiissuteqartartut.

Aningaasaateqarfik nalinginnaasumik anguniakkanut ajunngitsuliornermut aamma naakkittarnermut, eqqumiiitsuliornermut ilisimatusaatinullu siunertaqartunut aningaasaateqarfiuvoq. Aningaasaateqarfiup qinnuteqaatit ingerlaavartumik suliarisarpai.

Koda-mi ilaasortaaguit Kodap kulturikkut tapiissutaanut qinnuteqaasiorsinnaavutit. Koda kalaallit nipilersornikkut suliniutaannut immikkut tapiissutissaateqarpoq. Nunat Avannarliit sinnerini assinganik kattuffeqarpoq – soorlu Norge-mi TONO il.il.

Namminersorlutik Oqartussat Kalaallit Nunaanni eqqumiitsuliorneq kultureqarnerlu tapiissuteqartarnertigut assigiinngitsutigut tapersersugaraat. Tapiissuteqartarnerit Ilinniartitaanermut, Kultureqarnermut Ilageeqarnermulllu Naalakkersuisoqarfiup aqutarai.

Kalaallit Nunaanni kommunit tapiissuteqartarfii

Kalaallit Nunaanni kommunit kommunini sumiiffinni kulturimut, sunngiffimmut aamma innuttaasunik paasisitsiniaanernut tapiisarput.

Avannaata Kommunia

Kommuneqarfik Sermersooq

Kommune Qeqertalik

Kommune Kujalleq

Qeqqata Kommunia

Tapiissuteqartarfik Sermeq kulturikkut suliaqarnermi nutaanik misileraaffiusunik pilersitsinissamut kulturimillu suliaqartut assigiinngitsut, namminersorlutik inuussutissarsiortut Kommuneqarfik Sermersuumilu innuttaasut akornanni suleqatigiinnermik siuarsaanermut atugassiaavoq.

Sammisassat suliniutilluunniit najugaqarfimminni pitsanngorsaaniarlutik, pitsaassutsimik qaffassaaniarlutik imaluunniit innuttaasut najugaqarfimmi najugallit ataatsimoortillugit sammisaqartitsiniarlutik taperneqarniarunik ataatsimiititaliamut qinnuteqarsinnaapput. Ukiumut arfinileriarluni qinnuteqartoqarsinnaavoq.

Ivalo & Minik aningaasaateqarfiat kalaallit kunngikkormiorpalaartumik ilinniartitaanermut aningaasaateqarfigaat kalaallinut nunani allani qaffasissumik ilinniarusuttunut imaluunniit nunani allani piginnaanngorsaqqikkusuttunut aningaasanik tunissuteqartarnissamik aamma ilinniarnermut atatillugu sungiusaatigalugu nunani allani sullivinni kattuffinniluunniit sulisussanut tapiinissamik siunertalik.

Aningaasaateqarfik Kalaallit Nunaanni Naalagaaffeqatigiillu akornanni kulturikkut attaveqaqatigiinnissamut siuarsaatissanut tapiisarfiuvoq.

Aningaasaateqarfik Kalaallit Nunaanni ajunngitsuliuutaasinnaasunut tapiissuteqarsinnaanermik siunertaqarpoq. Kulturimut, timersornermut aamma inunnik isumaginninnermut, kiisalu atuartut paasisassarsiorlutik angalanissaannut assigisaannullu tapiisarpoq.

Pulje C-t tassaapput siunertanut tamanut iluaqutaasussanut kulturikkullu aaqqissuussinernut tapiissutaasartut. Qinnuteqartut Kalaallit Nunaanni najugaqassapput.

Aningaasaateqarfik inooqataanikkut ikiuiniarnikkullu sullissiviusunut, kulturimut, imarsiornermut aamma ilinniagaqarnermut tapiisarpoq. Aningaasaateqarfiup periusissiaminni meeqqat inuusuttulllu navianartorsiortut immikkut ukkataraat.

Aningaasaateqarfiup eqqumiitsuliornermik kulturimillu suliniutit kiisalu ikiuiniarnikkut inooqataanikkullu suliniutit tapiiffigisarpai. Tamatuma saniatigut Danmarkimi naasut uumasullu ilisimatusarfiginerat ilinniartitsissutiginerallu kiisalu piniariartarnerup aamma pinngortimik soqutigisaqartut soqutigisaasa peqqissumik oqimaaqatigiissumik ingerlanneqarnissaat immikkut ukkatarisaraat.

Aningaasaaateqarfik eqqumiitsuliorneq, kulturi inunnillu isumaginninneq pillugu suliniutinik inerisaaqataasarpoq tapiissutqarlunilu. Aningaasaateqarfiup kulturikkut suliniutit aamma suliniutit Kalaallit Nunaanni meeqqanut inuusuttunullu inuuniarnermikkut atugarliortunut tunngasut tapiiffigisarpai.