(N)ORD podcast

(N)ORD NAPA-p Nunani Avannarlerni oqaatsit pillugit nammineq podcastiliaraa, tassani nunat avannarliit kulturillu akornanni oqaatsit atorneqartut pillugit paasisaqassaagut, misissuillutalu.

 

Nunani Avannarlerni inuit katillugit 27 millionit najugaqarput, tamarmillu oqaatsit assigiinngitsut arfineq pingasut inuiaqatigiinni atorneqartut oqaaseraat. Ilaasa nunani avannarlerni oqaatsit ataatsit oqalussinnaavaat, allallu arlallit oqalussinnaallugit, kisianni nunani avannarlerni innuttaasut amerlanerit immitsinnut paasisinnaanerput ataatsimoorussutigaarput.

 

(N)ORD-imi Nunani Avannarlerni oqaatsinik atuisuusut, oqaatsinik nuannarisaqartut oqaatsillu pillugit illisimatuut naapittarlugit angalaassaagut.  Nunani avannarlernit arlalinnit ingerlaavartumik nunani avannarlerni oqaatsinik atuisorpassuit peqatigalugit immiussissaagut.

 

Podcastimi nunani avannarlerni oqaatsit nipillu tusarnaarneqarumaartut kissaatigaarput, nunanilu avannarlerni inuit oqaatsit ilisimasaqarfiginngisamik tusarnaarnissaannut qunusuinnerulernissaat kissaatigalugu. Taamaattumik podcasti skandinaviskisut oqaasertaqarpoq – tassa danskisut, svenskisut norskisullu.

(N)ORD tusarnaarfigisartakkannit tusarnaaruk

ratacast.com -imi immiussagut nassaarisinnaatit, taamaalillutit (N)ORD illit nammineq tusarnaarfigisallugu nuannarisat atorlugu tusarnaarsinnaavat. Tamatuma saniatigut uani nassaarisinnaavatsigtu:

Apple Podcast
Spotify
Soundcloud

PodBean

NAPA suliarinnittuuvoq
Mastering
Mikkel Gemzøe/Varibeat
Assiliamik ilisarnaasiortoq
Brasse Grafisk Design
  • Paasisaqarnerorusukkuit attavigiuk:
Immikkoortoq 1: Oqaatsit ilitsoqqussat puigorneqarsinnaappat?

(N)ORD-imi immikkoortumi siullermi oqaatsit ilitsoqqussaralugu oqaaserisat saniatigut nunani avannarlerni oqaatsinik allanik ilinniarneq sammineqarpoq. Oqaatsit ilitsoqqussat ulluinnarni atortanngikkaanni qanoq puigunnginnissaat ajornakusoorsinnaatigisoq eqqartorneqassaaq. Aamma nammineq oqaaserisat ilitsoqqussat atorlugit oqalunniarneq ajornakusuuleraangat misigissutsit qanoq ittut misigilertarneri sammineqarpoq.  Akissut ujartugarput tassaavoq: Oqaatsit ilitsoqqussat puigorneqarsinnaappat? Aallakaatitassiami peqataapput Pauliina Oinonen, Ivalu Rosing aamma Lena Ósk.

Immikkoortoq  2: Kalaallisut oqaatsit nunarsuarmi nalunarnersaappat?

(N)ORD-ip immikkoortuata aappaani Kalaallisut oqaatsit nunarsuarmi nalunarnerpaajunersut misissussavarput. Arnat marluk kalaallit nunani avannarlerni suleqatigiinnermi kalaallisut oqaaseqarlutik sulisimasut naapissavagut, taakkuninngalu ilisimannittunit tusassavarput ilumut kalaallisut oqaatsit nunarsuarmi nalunarnerpaajunersut.

Aallakaatitassiami peqataapput: Bula Larsen, Najâraq Egede, Rolf Theil og Per Langgård.

Immikkoortoq 3: Islandimiu savalimmiusut paasisinnaava?

(N)ORD-ip immikkoortuata pingajuanni islandimiusut savalimmiusullu oqaatsit, Nunat Avannarliit Killiit Ulluannut 2020-mut atatillugu sammissavagut. Oqaatsit allat oqaasiinit akusaannginnissaat sammissavarput, aamma sooq islandimiut savamlimmiormiullu oqaatsiminnut allamiut oqaasiinik imaaliallaannarlutik ilanngussineq ajornerat, namminerli nutaanik oqaatsinik nassaassarsiorusuttarnerat misissussavarput, aamma inuiaat taakku marluk imminnut qanoq paasitigsinnaanerat misilerassavarput.

Aallakaatitassiami peqataapput Jensia Højgaard Dam Davidsen, Snæfríð Egilson aamma Ann-Sofie Gremaud.

Suliniutit allat
Inuusuttut kulturilerinermi aallarnisaasut

Assi: Atuarfik Gammeqarfik Aasianniik ajugaanniunnermi ajugaasutut akissarsitinneqarlunilu NAPAp immikkut kulturilerinermut aallarnisaanissamut isumassarsiaat tunngavigalugu aamma akissarsitinneqarput. Kulturikkut kingornutat aallaavigalugu pinnguaatiliorput. Inuusuttut kulturilerinermi aallarnisaasut NAPA kulturilerinermi inooqatigiinnut, kulturimut aningaasaqarnikkullu piujuartitsineq tapersersuisuuvoq. Meeqqanut inuusuttunullu sulissuteqarnissarput ukkatarivarput.  Taamaammat Fonden for Entreprenørskab suleqatigalugu 8.-10. klassit tamarmik aallarnissaaneq pillugu suliaqarnissaat NAPA

Atuarnerugit »
Arctic Winter Gamesimi takutitseqataanissamut inuttassarsiorneq

Arctic Winter Gamesimi takutitseqataanissamut inuttassarsiorneq 14-it 19-illu akornanni ukioqarpit? Ukiut 2004-2009-llu akornanni inunngorpit? Piorsarsimassutsip silarsuaa nuannaraajuk?  Aappaagu marsimi Alaska, Savalimmiut Islandilu tikikkusuppigit?  Taava Arctic Winter Gamesimi kultoorerput pillugu takutinneqartussamut naqqaniit suleqataallutillu takutitseqataagit! Kikkut auditionersinnaappat?2023-imi 14-it 19-illu akornanni ukiullit qinnuteqarsinnaapput, tassa ukiut 2004-2009-illu ingerlanerini inunngortut. Inuusuttut

Atuarnerugit »
Creative Business Academy Greenland

Creative Business Academy Greenland Nunatta aningaasaqarnera aalisakkamik qalerualinnillu napatinneqarpoq. Tamanna aningaasaqarnerput sunnertiasupilussuuvoq tamannalu inuusuttut siunissami periarfissanik toqqaanissaanut killiliisuulluni. Aappaatigut nunarput kulturikkut pisuujuvoq soorlu nipilersornermik, takutitsinermik, atisaliornermik, filmiliornermik ilaalu ilanngullugit nunanut tamalaanut soqutigineqarsinnaasut. Kisianni tamanna anguneqassappat taava nunatsinni kulturilerisut aamma pinngorartitsisartut isumasioqateqatigiissinnaanermik periarfissaqassapput, nunat tamalaanut attaveqateqarnissaq

Atuarnerugit »