Pisimasunik oqaluttuarneq (Storytelling)
Nunani Avannarlerni Pinngortitaq pillugu Oqaluttuat (Nordiske Naturfortællinger – Nordic Nature Narratives) Nunani Avannarlerni kinguaariit kulturillu akornanni inuit namminneq oqaluttuaannik pinngortitarlu pillugu isiginneriaasiannik sammisaqarpoq. Kalaallit Nunaanni, Norgep Avannaani Danmarkimilu 2021-miit 2022-mut ingerlanneqassaaq. Pinngortitap inuunitsinnut sunniutai aamma piujuartitsilluni ineriartuineq ilinniarfigineqarneranni suliniut aqqutigalugu Naalagaaffiit Peqatigiit nunarsuaq tamakkerlugu anguniagassatut siunniussaannut suleqataasinnaavoq.
Pinngortitaq Nunat Avannarliit kinnaasusaannut ilaavoq, pinngortitarlu pillugu isiginneriaatsit piujuartitsilluni ineriartortitsinermut pingaaruteqarput. Inuit namminneq oqaluttuaat aallaavigalugit nutaaliorluni workshoppertitsisoqassaaq, Nunani Avannarlerni kinguaariit kulturillu akornanni isiginneriaatsit erseqqissarneqassallutik. Nunani Avannarlerni tamani oqaluttuat podcastit (tusarnaagassiat) aqqutigalugit siammarneqassapput naggataagullu atuaganngortinneqassallutik.
Suliniummi pinngortitamik isiginneriaatsit assigiinngitsut, kitaanit Inuit kulturiannii kangianut Saamit kulturiannut: Jyllandip Avannaanit, pinngortitap nukinganit sunninaasimasumit illoqarfissuarmi Københavnimi inunnut pinngortitap qanoq pingaaruteqartigineranut. ngortitap Peqatigitillugu suliniut aqqutigalugu pinngortitamik isiginneriaaseq kinguaariinni qanoq allanngoriartigisimanersoq paasiniarneqassaaq, assersuutigalugu silap pissusaata allanngornerata unamminartortaasa inuusuttut akerliusut nutaat pilersissimagai.
Oqaluttuannik avitseqatigerusuppisigut?
Inuit 16-it – kalaallit Nunanillu Avannarlernit nunasisimasut – 16-init 80-it sinnerlugit ukiulinnut workshoppertitsinermut Nuummi septembarimi pisussami peqataanissaannut qaaqquagut. Alapernaakkuit Eva Ritter attaviguuk ugguuna eri@nordisk-info.dk imaluunniit uani atuarnerugit.
Pisimasunik oqaluttuarnermik suliniummik aaqqissuisuupput Eva Ritter (Nordisk Info-mi ulluinnarni aqutsisoq, M.A. Education and Sustainability) aamma Jens Larsen (atuakkiortoq aamma Nordic School of Arts and Health-imik aallartitseqataasoq). NAPA, aningaasaliisimasoq suleqatigalugu, Nuummi ilaatigut workshoppertitsissapput, Katuami isiginnaartitsinermik naggaserneqartussamik. Tamanna Nunat Avannarliit Killiit Ulluanni, 23. septembari 2021-imi pissaaq.
Pinngortitaq ilinnut qanoq isumaqarpa?
Pinngortitami suna misigisimaviuk?
Nutaarsiassat allat
Nordjobb aqqutigalugu Nunani Avannarlerni suliffissarsiorit!
18-it 30-llu akornanni ukioqarpit? Islandimi naasorissaasoqarfimmi, Norgemi cafémi, Savalimmiuniluunniit receptionistitut imaluunniit Finlandimi Laplandimi takornarianut takornariartitsinermik sulilernissat takorloorsinnaaviuk? Nordjobb suliffimmi misilittagaqalernissamut nunallu allat ilinniarnissamut periarfissatsialaavoq. Nordjobbimik suleqateqarnermi nunami avannarlermi allami inuuneq qanoq ittuunersoq misigissavat. 1985-imiilli ukiut 40-t ingerlaneranni Nordjobbi inuusuttunut katillugit 30.000-init amerlanerusunut piffissap ilaani suliffittaartitsisimavoq!
Issittumi Suleqatigiinnermut Tapiissuteqartarfimmut qinnuteqartarfik atulersinneqartoq!
Kalaallit Nunaata puljeap ingerlanneqarneranut akisussaaffik tigummaguli NAPA-p aamma Ilisimatusarfiup Issittumi Suleqatigiinnermut Tapiissuteqartarfimmut nittartagaq amma qinnuteqartarfik atulersippaat. Taamaalilluni suliniutit Issittumi piujuartitsinermik ineriartortitsinermik ukkatarinnittut maanna puljeamut qinnuteqarsinnaalerput. Issittumi Suleqatigiinnermut Tapiissuteqartarfimmik Kalaallit Nunaat ingerlatsinermik akisussaalissasoq 2. november 2021 naggataarutaasumik aalajangerneqarmalli NAPA aamma Ilisimatusarfik nittartakkap qinnuteqartarfiullu naammassinissaat ulapputigisimavaat. Taamaattumik assut
Inuulluaqqusineq qujanerlu!
Malin Corlin, NAPA-mi maanna ukiut 2,5-it missaanni sulisimasoq allorialerpoq inuunerlu nutaaq aallartillugu. Ilaquttanimi ilagalugit Bornholmimut nuulerpoq, NAPA-lu majip naanerata missaani qimassallugu. Taamaattumik NAPA-mi sullissisimanera pillugu qutsavigaarput inuulluaqqullugulu! Malin ukiut sisamangajaat ilaquttanilu Nuummi najugaqarsimapput. Maanna Bornholmimut nuuttussanngorput inuunerlu nutaaq aallartillugu. Suliniutinik aqutsisutut sulisimavoq aamma Info Norden
NAPAmi suliniutinut ataqatigiissaarisussaq sullarissoq
Maannguaq Rosing NAPAmi suliniutinut ataqatigiissaarisunngorpoq. Taanna Formel-1-imi sukkaniuttartutut sukkatigaluni aallartilluareerpoq. Ataasinngornermi aggustip 15-iani Maannguaq Rosing nuannaarluni NAPAmut iserpoq. Suliniutinut ataqatigiissaarisussatummi ulloq taanna Maannguaq sulileqqaarpoq. Maannguaq kajumissuseqarluarluni suliassaq siulleq aallartippaa. Suliassarli imaannaanngitsuuvoq. Taassumami allagarpassuit digitalinngortittussaammagit. Ullulli pingasuinnaat qaangiutereersut pappilissat tuusintilikkaat skannereerlugit suliaq naammassivaa. Maannguaq eqqissisimasuuvoq sukkasuumillu