NAPA takorluukkamut tassunga sisamanik qitiutitsilluni suleqataavoq
- Nunani Avannarlerni tamani Issittormiut inuunermut paasinnittariaasiat takuneqarlunilu akuerineqassaaq
- Kalaallit Nunaanni meeqqat inuusuttullu nunani avannarlerni ataatsimoorfiusumi peqataasinnaanerminnut periarfissaqarlutik misigissavaat
- Inuinnaat nunat avannarlermiuussutsimik tatiginninnerulernissaat anguniarlugu suleqataaneq
- Kulturilerisut suliniutimikkut piginnaasaamikkullu inuinnaat nunat avannarlermiut avatangiisitigut, inooqataanikkut unammilleqatigiinnikkullu kivitseqataanissaat anguniarlugu kulturilerinermi piujuartitsineq
Taamaattumik NAPA
Nunani Avannarlerni tamani Issittormiut kulturi politikkilu pillugit isummertariaasiisa paasinnittariaasiisalu erseqqinnerulersinnerannut akuerisaanerannullu suleqataassaaq:
- Nunat avannarlermiut suleqatigiinnerat Issittormiunut attaveqartoq pillugu paasissutissiissaaq aqqutissiuussissallunilu
- Oqaatsit, kulturit kinaassutsillu suliaqarfiginerisigut Nunat avannarlermioqatigiit akornanni tatiginninnerulernermik anguniagaqassaaq
- Kulturikkut inuuneq peqataatitsisoq anguniarlugu suliaqassaaq
- Inuinnaat, eqqumiitsuliortut, eqqumiitsuliortullu kattuffiisa akornanni Nunani Avannarlerni tamani qanimut suleqatigiinnermik pilersitsissaaq
Kalaallit suliniutillit amerlanerit Nunani avannarlermiut aningaasaateqarfiinut qinnuteqartalernissaat tapiiffigineqartarnissaallu anguniarlugu suliaqassaaq:
- Nunani Avannarlerni tamani aningaasaateqarfiit pillugit paasisitsiniaasassaaq
- Sullitat oqaloqatigisassavai
- Nunani avannarlermiut imminnut ataatsimoorfiusumik attaveqarfeqalernissaat pillugu suleqataassaaq
- Nunatsinni inuusuttut kulturilerinermi ineriartortitsisarnissaat ingerlatitseqqiisarnissaallu anguniarlugu suliaqartitsisassaaq kajumissaarillunilu
NAPA-p suliniutit pinngorartitsiffiusut nunat avannarlermiut issittormiulluunniit akornanni suleqatigiissutaasut, ataatsimik arlalinnilluunniit piumasaqaatinik naammassinnissimasut tapiiffigisarpai:
- Meeqqanik inuusuttunillu peqataatitsisut
- Inooqataanikkut aamma/imaluunniit unammillersinnaanikkut piujuartitsisut
- Nunani Avannarlerni tamani Issittormiunut tunngatillugu siuarsaasut
Nunat Avannarliit Issittumut Tapiissuteqartarfiata anguniagaa tassaavoq:
- Issittumi kinguaariit akimorlugit najukkani inuiaqatigiinnik orniginartunik aamma inooqatigiinnikkut attanneqarsinnaasunik ineriartortitsinermut toqqaannartumik tapersersuineq
- Najukkami inuussutissarsiornikkut ineriartornermik aamma Issittumi aningaasaqarnikkut atajuartussamik siuariartornermik tapersersuineq
- Mingutsitsinngitsumik nukissiornermut allannguinermut siuarsaanermut aamma nunap immikkoortortaani atajuartussamik aningaasaqarnikkut kaaviiaartitsinermut toqqaannartumik tapersersuineq
NAPA-p siulersuisuinut tunngasut
- Nunani Avannarlerni Ministerit Siunnersuisoqatigiiffiata aningaasaliissuteqarneranut allagaqaatit
- Kulturimut tapiisarneq pillugu quppersagaq
- Nunat Avannarliit Siunnersuisoqatigiivisa aamma Nunani Avannarlerni Ministerit Siunnersuisoqatigiivisa anguniagaat takorluugaallu
- Immikkoortortaqarfiit tamat akornanni meeqqanut inuusuttunullu iliuusissat
- Kulturi pillugu politikkeqarnikkut suleqatigiinneq
- Suliffeqarfiup iliuusissat pillugit piginnaatitaanera