New Arctic Kitchen – Issittumi najukkani nerisassat nutaaliorfigalugit
Nunani Avannarlerni Ministerit Siunnersuisoqatigiivisa New Arctic Kitchen, nerisassat takornariallu pillugit suliniut tapersersorsimavaat, tassani Issittumi najukkani igaassat pisariitsumik mamarunarsarlugit takornarianut neqeroorfigineqartarput. Tamanna piviusunngorsimavoq Nunat Avannarliit Issittumut tapiissuteqartarfiat aqqutigalugu. New Arctic Kitchenip siunertaraa ileqqutoqqat malillugit neqinik aamma aalisakkanik nerisassiassanik, Issittumi najukkani pisiniarfigisartakkat, takornarialerisartut aamma igasut takornarialerinermik inuussutissarsiutillit takornarialerinermik inuussutissarsiutilinnut amerliartuinnartunut nerisassiarisinnaasaannik najukkani tanngassimaaruteqarnissaq.
Rasmus Holm ukiuni arlalinni Issittumi najukkani nerisassiornermut ileqqutoqqanik aamma igaassanik ineriartortitseqqiilluni suliaqarsimavoq. New Arctic Kitchenimut isumassarsiaq Inuit Sila pillugu paasisitsiniaanermit 2012-imi aallartittumit tunngaveqarpoq, taanna Kalallit Nunaanni Aalisartut Piniartullu inuussutissarsiortut Kattuffiannik suleqateqarneq tunuliaqutaralugu aallartinneqarsimavoq. Kingusinnerusukkut isumassarsiat siaruaassimapput, aamma Rasmus Holm maanna najukkani pisiniarfigisartakkanik aamma Nunani Avannarlernit tamanit igasunik attaveqalersimavoq, imminnut isumassarsioqatigiitarnissaq aamma oqaluttuat, isumassarsiat aamma periaatsit avitseqatigiittarnissaat siunertaralugu.
New Arctic Kitchen maanna takornariaqarnermik suliaqartartunut isumassarsitsinermut ilitsersuummik ineriartortitsisimavoq. Tassunga Nunat Avannarliit Issittumut tapiissuteqartarfianit aningaasaliissutit atorneqarsimapput.
Ramus Holm oqarpoq: ”Nerisassat kulturikkut oqaluttuarisaaneq kinaassuserlu pillugit attaveqaqatigiinnissamut sakkuupput nukittuut. Nerisartakkatta oqaluttuarisaanerput ingerlappaa aamma siulitta inooriaaserisimasaannut annattarnerannullu attavilertarluta. Taamaattumik najukkani nerisassiortarnermut kulturi takornariaqarnerup nutaaliap ilaatut pissusissamisoorpoq aamma assut piumaneqartarluni.”
Kalaallit Nunaat ukkaralugu: Nerisassat nutaat, tanngassimaarutissaat nutaat
Kalaallit Nunaat nunat killermiut nerisassaataanik eqqussuisarnera kisiat isigissagutsigu taava erngiinnaq misiginartarpoq Kalaallit Nunaata ileqqutoqqat malillugit nerisassaataat inuinnaat ulluinnaannit tammarsimasut. Kisianni tamanna ilumuunngilaq. Inuppassuit suli kalaalimerngit – aalisakkat, timmissat aamma miluumasut Kalaallit Nunaanneersut, assut nuannaarlutik tanngassimaarlutillu piniartarpaat, piareersarlugit nerisarlugillu.
New Arctic Kitchenip igaassat nuannarineqaqisut nutaaliorluni piareersartarnissaat ukkatarai, aamma peqatigitillugu takornarianut avammut nioqqutissatut tunineqarsinnaasunik nioqqutissiorluni. Taamaalilluni nuna, taassuma uumasui, piniartarnermut kulturi aamma annattarneq pillugu allaanerusumik oqaluttualiornermik pilersitsisoqarpoq. Nerisassat takornarissanut Kalaallit Nunaannik qanilllinissaminnut erinisuttunut sianissutsikkut misigisassaqartitsissapput.
New Arctic Kitchen Nuummi Nunat Avannarliit Ulluanni 2026-mi naapissiuk
NAPA-p pisortaata, Susanne Andreasenip, Kalaallit Nunaanni, Nunani Avannarlerni Issittumilu nerisassiat ineriartortinneqarnerata aamma najukkani nerisassianut kulturip pitsaasumik ukkatarineqarnera assut soqutigaa. Taamaattumik NAPA-p takornarialerinermik aamma igasutut inuussutissarsiuutillit kiisalu Nuummi innuttaasut, Rasmus Holmip aamma allat New Arctic Kitchenimeersut naapinnissaannut Nunat Avannarliit Ulluani ulloq 23. marts 2026-mi qaaqqunissaat pillugu maanna suliaqarpoq.
Nunat Avannarliit Issittumut tapiissuteqartarfiat Issittumi inuiaqatigiinni innuttaasut akiuulluarsinnaasut nukittuullu qulakkeernissaannik ukkataqarpoq nunat avannarlerni suleqatigiinneq aamma North-to-North suleqatigiinnerit aqqutigalugit. Tapiissuteqartarfimmut aningaasaliinerit Nunani Avannarlerni Ministerit Siunnersooqatigiivinit toqqaannertumik aningaasaliissutaasarput. NAPA-p programmi pillugu ingerlatsisuuvoq.
Link uunga New Arctic Kitchen’s manual for turistoperatører
Link uunga New Arctic Kitchen’s hjemmeside
Ingerlateqqiguk
Nutaarsiassat takunngitsoorpigit?
NAPA-mi sulisut: Ivaana Olsvig Brandt
NAPA-p sunik suliaqarnera ilarpassuasi nalugunanngilaat, kisianni kikkuuvugut? NAPA-mi nunanit avannarlernit sisamanit — Kalaallit Nunaannit, Danmarkimit, Norgemit Finlandimillu — maanna sulisoqarpoq. Ullumikkut aaqqissuussinermut ataqatigiissarisutut ilinniartoq Ivaana Olsvig Brandt. Ivaana Danmarkimi Odensemi inunngorpoq, tallimanik ukioqarlunili Nuummi najugaqarsimavoq. Københavnimi NEXT-imi aaqqissuussinermik ataqatigiissaarisutut ilinniarpoq. Maannakkut NAPA-mi ilinniarpoq misilittagaqalerniarluni. NAPA-mi
Allatta!-mik ajugaasimasoq Nunani Avannarlerni Siunnersuisoqatigiit 2021-mi atuakkiortunut nersornaasiuttagaannik nersornaasigaavoq
Nunani Avannarlerni Siunnersuisoqatigiit atuakkiortunut nersornaasiuttagaat siullermeertumik atuakkiortumut kalaallimut tunniunneqarpoq, novemberip aappaani Niviaq Korneliussen nersornaasiinermut ajugaammat. Isiginnaartitsisarfik Københavnimiittoq nipaaruteqqammilerpoq. Tina Dickow Helgi Jónsson, Vocal Linelu peqatigalugit ”Hjertestorm” appisimaareerlugu scenemit ingerlaqqammerpoq. Scenip saneraaninngaanniit Naalakkersuisut siulittaasuat Múte Bourup Egede Lagmandilu Bárður á Steig Nielsen, sassarput pissanganersuaqalerporlu. Savalimmiormioq kalaalerluunniit
Issittumi suliniuteqartut tapiiffigineqarnissaminnut maanna qinnuteqarsinnaapput
Ukiut tamaasa Nunat Avannarliit Naalakkersuisuisa Siunnersuisoqatigiivi Issittumi Suleqatigiinnermut Tapiissuteqartarfik aqqutigalugu 7,3 mio. kr.-nik agguaassisarpoq. Ukkatarineqartoq tassaavoq Issuttumi suliniuteqartut piujuartitsinissamut siuarsaaqataanissaat. Qinnuteqarneq maanna ammarpoq. Februarip 15-iata tungaanut qinnuteqartoqarsinnaavoq. NAPAp Ilisimatusarfiullu tapiissuteqarfik aquppaat. Issittumi Suleqatigiinnermut Tapiissuteqartarfik 2023-imi makku ilaatigut tapiissuteqarfigaai: The Circumpolar Maternal and Child Health group,
Issittumi Suleqatigiinnermut Tapiissuteqartarfik agguaassivoq: Kalaallit Nunaanni piujuartitsinermik suliniutit tapiiffigineqarput
Nunat avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, nunat avannarliit Issittumi nunallu allat iluaqutissaannut suleqatigiinnermik siuarsaanissamik siunertalik, suliniutinut pissanganartunut arlalinnut aningaasaliissuteqarsimavoq, ilaatigut Siu-Tsiu-mut aamma MIO-mut. Nunat Avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, NAPA-mit – Nunat Avannarlerni Piorsarsimassutsikku Attaveqaatimit aamma Ilisimatusarfimmit aqunneqartoq, ukioq manna suliniutinut 22-nut aningaasaliissuteqarpoq.