Billede fra drømmeworkshop i Tasiilaq 2020: En af de unge har malet et billede med teksten "Jeg blev glad"
Issitor miunut sammiliviiffik, Kalaallit Nunaat, Nunat Avannarliit, Nutaarsiassat

NAPA upernaaq 2022-mi aallartittussamik attaveqatigiinnermut praktikkertussarsiorpoq

12. May 2021 | by |
0 Likes
Nunani Avannarlerni tamani Issittormiut isiginnittaasiannik siuarsaaqataarusuppit?
Nunani Avannarlerni Piorsarsimassutsikkut Attaveqaat – NAPA Katuami allaffitsinni attaveqatigiinnermut 1-2-nik praktikkertussarsiorpoq. Kalaallit Nunaanni, Nunani Avannarlerni, Issittormiuni aamma nunani baltiskiusuni kulturimik paarlaasseqatigiittarnermik suliaqartut suleqatigilissavatit. Issittormiut Nunani Avannarlerni tamani eqqumaffigineqarlutillu akuerineqarnissaat suliassatta pingaarnerit ilagaat. Tamatuma saniatigut paasissutissiisarfik Info Norden Grønland ingerlapparput, tassani Nunani Avannarlerni innuttaasut tamarmik Kalaallit Nunaannut-/ni nuunnissaq, sulinissaq, ilinniagaqarsinnaaneq imaluunniit angalasinnaaneq pillugu pillugit saaffiginnissinnaapput. NAPA-mi praktikkertutut kulturi, oqaatsit aamma kinaassutsit pillugit suliatta ersersinnerulernissaannik suliaqassaatit – qarasaasiakkut aamma aaqqissuussinerni suliniutinilu. Assigiinngiiaartunik sukkasuumillu sulisarpugut – sulinitsinnilu isumassarsianut nutaanut nuannersunullu inissaqarpugut. Illit nammineq suliassatit ullullu suliffigisat annertuumik sunneeqataaffigisinnaavatit. Neqeroorutigisinnaavagut attaveqatigiinnermi suliassat arlallit, matumani:
  • Nittartakkatsinnut napa.gl-imut nutaarsiassanik kiisalu Kalaallit Nunaat pillugu Info Nordenimut allaaserisaqarneq.
  • Tusagassiutitigut nutaarsiassanik suliaqarneq nassiussuinerlu
  • Kalaallit Nunaat pillugu Info Nordenimut saaffiginnissutinik akissuteqartarneq
  • Inuit attaveqaataasigut pingaarnerusumik facebookikkut paasissutissiisarneq
  • Suliniutit tapertakkagut pitsaasut pillugit oqaluttualiornerit (allatatigut, nipikkut videokkullu)
  • Kulturimut tapiisarfitsinnit statistikkit atorlugit oqaluttualiornerit
  • Tamatuma saniatigut videoliorneq imaluuniit podcastiliorneq soqutigigukku misilittarsinnaavatit.
Illit tusagassiortunngorniarlutit imaluuniit humanistiskimik imaluunniit inuiaqatigiilerinermi kandidatitut ilinniaqqiffiusumik ilinniagaqartuusutit takorloorpatsigit, ilinniarnerit allamut sammigaluarpalluunniit qinnuteqarnissaannik kaammattorpatsigit. Tamatuma saniatigut naatsorsuutigaarput illit:
  • Oqaatsit kalaallisut, tuluttut aamma nunani avannarlermiusut oqaatsit minnerpaamik ataatsit atorlugit pitsaasumik allassinnaallutillu oqalussinnaavutit.
  • Attaveqatigiinnermut aamma oqaluttuap pitsaasup oqaluttuarinissaanut soqutigisaqassaatit
  • Isumassarsillaqqissuuvutit, alapernaatsuullutit aamma nutaanik ilisimasaqalernissannut ammasuullutit
Iluaqutaassaaq (piumasaqaataanngilarli) makku misilittagarfigigukkit:
  • WordPress/drupal imaluunnit CMS-systemit allat
  • Video-nik aamma nipinik aaqqissuisinnaaneq
Qinnuteqaat, CV-t aamma peqaruit soraarummeernermut uppernarsaat uatsinnut nassiutereersimassavatit kingusinnerpaamik 4. januar 2022 uunga napa@napa.gl – oqaloqatiginninnerit tamatuma kingorna piaarnerpaamik ingerlanneqassapput. Paasisaqarnerorusuppit? Apeqqutissaqaruit Malin Corlin allaffigisinnaavat uunga malin@napa.gl imaluunniit uunga sianerlutit +299 532573. Aamma uagut pilluta uani atuarnerusinnaavutit www.napa.gl
Deleruk
Nutaarsiassat allat
Smilende kvinde med armene på kryds
Siunnersuinissamut piareersimasoq

NAPA-mi siunnersortitta (Nina Skydsbjerg) erninerminut atatillugu sulinngiffeqarnerani erninermut sulinngiffeqarnermi paarlattaagallartumik atorfinitsitivugut. Tassunga atorfinippoq Pauliina Oinonen, suullu pikkoriffiginerlugit takutitsinissaminut piareersimalluinnarpoq!Pauliina Finlandimeersuuvoq, nunanili avannarlerni assigiinngitsuni arlalinni Islandimi Savalimmiuni Qallunaat Nunaanni Ålandimilu najugaqareersimavoq. Taassuma saniatigut aatsaat Kalaallit Nunaanni najugaqarluni siullermiilinngilaq. Ukiummi affaani 2019/2020-mi Nuummi najugaqareersimavoq. Kalaallit Nunaanni najugaqarnermini

Atuarnerugit »
NAPA pisortartaarpoq – Nina pisortatut atorfia Sørenimut ingerlatikkaa

Søren Würtz 2023-imiit NAPA-mi pisortanngulerpoq. Nina NAPA-mi sulilluarsimanera qujassutigaarput. Søren Würtz ukiortaami pisortanngoruni suliassat pisortaagallartumit Nina Paninnguaq S. Kristiansen-mit ingerlateqqinneqassapput. Naak Nina Paninnguaq S. KristiansenNAPA-mi uninniarnini nalunaarutiginikuugaluarlugu, pisortanngortussaq aallartilluarnissaanut ilinniartilluarnissaanullu piffisaqarluarumaarpoq. Nina namminersortutut sulileqqinniarluni aalajangiinikuuvoq. – Namminersortutut sulileqqinnissannut qamannga ilunnit aallutarileqqissallugu misigaara. NAPA-miinnera assut nuannarinikooqaara, tulluusimaarutigaaralu

Atuarnerugit »
Suliniut tapiiffigineqartoq: Kalaallit Nunaanni meeqqat naammagittaalliortarfiata pilersinneqarsinnaaneranik misissuineq

Meeqqat pisinnaatitaaffii pillugit Kalaallit Nunaanni sullissivik MIO 2024-miit 2025-mut Kalaallit Nunaanni meeqqat naammagittaalliortarfeqarnissaanik pilersitsinissamut periarfissanik misissuivoq. Nunavumi, Islandimi Danmarkimilu assingusunik ingerlatsivinnik oqaloqateqarneq paasisassarsiorlunilu tikeraarneq tunuliaqutigalugu MIO 15-inik inassuteqaateqarpoq, nunatsinni taamatut pilersitsinissamut qanoq atuutilersinneqarsinnaanersoq pillugu. Inernerit tunngaviusumik allakkiami aamma naatsumik politik briefimi katersorneqarput, tassani takuneqarsinnaavoq naammagittaalliornermut

Atuarnerugit »
Inatsisit demoktratilu pillugit atuagaq atuartitsissut

Nuummi Eqqumiitsulianik Saqqummersitsivik aamma eqqumiitsuliortoq Stine Marie Jacobsen Law Shifters pillugu atuakkamik saqqummersitsisimapput.   Law Shifters tassaavoq eqqumiitsuliornermi suliaq meeqqanut inuusuttunullu sammisoq, eqqumiitsuliortumit Stine Marie Jacobsenimit pilersinneqarsimasoq. Law Shifters 2019-imi Nuummi Eqqumiitsulianik Saqqummersitsivimmiissimavoq. Ukiuni kingullerni arfinilinni nunani arlalinni ingerlaarsimavoq. Law Shiftersip innuttaasut inuusuttunik inatsisit demokratilu

Atuarnerugit »