NAPA-p kulturimut tapiisarfianut nutaamut qinnuteqaat siulleq tigusimavaa
NAPA nutaamik nittartagartaarpoq nutaamillu Kulturimut tapiisarfimminut qinnuteqartarfittaarluni. Nittartagaq nutaaq atulerniariartoq qinnuteqaat siulleq takkuppoq: Ilulissani Maniitsumilu meeqqanik inuusuttunillu pinngorartitsinikkut workshoppertitsineq pillugu qinnuteqaat.
Qinnuteqartarfiup nutarsarneratigut NAPA-mut qinnuteqarneq ajornannginnerulerpoq. NAPA-p nittartagartaavani ilaatigut suliniutit taperneqarsimasut pillugit atuartoqarsinnaavoq aamma nammineq qinnuteqaatissamut isumassarsiortoqarsinnaalluni. Oqaatsit soorunami pingasut atorlugit atuartoqarsinnaavoq: Kalaallisut, skandinaviamiusut tuluttullu.
NAPA-p Kulturimut tapiisarfiata kulturilerinermi suliniutit Nunani Avannarlerni tamani Issittormiunik sammiviliiffeqarlutik siuarsaasut tapiiffigisarpai.
“Suliniutit meeqqanik inuusuttunillu peqataatitsisullutik piujuartitsisut imaluunniit suliniutit suleqatigiilersitsisut, suleqatigiiffiusut, pilersitseqataaffiusut aamma Nunani Avannarlerni nunat akornanni paarlaasseqatigiinnermik pilersitsisut immikkut qitiutippagut,” oqarpoq NAPA-p pisortaa Anne Mette Gangsøy.
nutaarsiassat allat
NAPA upernaaq 2022-mi aallartittussamik attaveqatigiinnermut praktikkertussarsiorpoq
Nunani Avannarlerni tamani Issittormiut isiginnittaasiannik siuarsaaqataarusuppit?Nunani Avannarlerni Piorsarsimassutsikkut Attaveqaat – NAPA Katuami allaffitsinni attaveqatigiinnermut 1-2-nik praktikkertussarsiorpoq. Kalaallit Nunaanni, Nunani Avannarlerni, Issittormiuni aamma nunani baltiskiusuni kulturimik paarlaasseqatigiittarnermik suliaqartut suleqatigilissavatit. Issittormiut Nunani Avannarlerni tamani eqqumaffigineqarlutillu akuerineqarnissaat suliassatta pingaarnerit ilagaat. Tamatuma saniatigut paasissutissiisarfik Info Norden Grønland ingerlapparput, tassani
Creative Business Academy International Weekend taamaatiinnarneqarpoq
Ajuusaarutigalugu nalunaarutigerusupparput NAPA-p Creative Business Academy – International Mentor Weekend, nunanit tamalaanit peqataaffigineqartussaasimagaluartup apriilip naanerani pisussatut pilersaarutaagaluartoq taamaatitsiinnartariaqaratsigu. Taamaattoqalerneranut pissutaasoq tassaavoq pilersaarutaanngitsumik aaqqissuussamut aningaasartuutit annertuallaalerneri. Taamatut nalunaartariaqarnerput ajuusaarutigaarput, sapinngisarpulli tamaat iliuuseqaraluarluta allatut aaqqiissutissarsisinnaanngilagut. Aaqqissuussamut tapersersuinersi soqutiginninnersilu qujamasuutigaavut, ajuusaarpugullu maannakkut ilimagisasitut iliorsinnaannginnatta. Ingerlateqqiguk Nutaarsiassat takunngitsoorpigit?
Nunatsinniit nutaaliorlutik aallarniisut nunarsuaq tamakkerlugu aaqqisuukkami peqataasut
Bolt Lamar aamma Angunnguaq Larsen nunatsinneersut 4.-5. juni nunat assigiinngitsorpassuit peqataaffigisaanni aaqqissuussami Creative Business Cup-mi peqataapput. Creative Business Cup nunat tamalaaniit nutaaliornermik aallarniisut katerinnittarfiuvoq tassanilu aaqqissuussaq niueqatigiinnissamut attaveqaqatigiissinnaalernissamullu periarfissiisarpoq. Kalaallit Nunaat kulturilerinermut nutaaliornermut tunngasuni pikkorissut amerlapput. Taakkulu nutaaliortartuni ilaat aallarniisuupput inuussutigalugulu. Nunani allani niueqateqarnissaq attaveqaqateqarnissarlu
NAPA nunat avannarliit oqaatsit pillugit ataatsimooqatigiiffii pillugit webinarimi peqataassaaq
NAPA-p nunani avannarlerni oqaatsit pillugit podcastia (N)ORD aallaavigalugu podcastiliortut Malin Corlin aamma Per Bloch Nunani Avannarlerni Ministerit Siunnersuisoqatigiivisa nunat avannarliit oqaatsit pillugit ataatsimooqatigiiffii pillugit webinarianut “Har Norden et språkfellesskab?” (Nunat Avannarliit oqaatsitigut ataatsimoorfeqarpat?) pillugu peqataanissamut qaaqqusaasimapput. Webinari pissaaq sisamanngorneq 18. marts nal. 13-14.30 (CET). Malin