Nunani Avannarlerni tapiisartut allat

Nunani Avannarlerni taperneqarfissatut periarfissat aningaasaateqarfiillu qinnuteqarfiusinnasut arlallit uani takusinnaavatit. Nittartagaat alakkarlugit atuarnerugit.

Nunani Avannarlerni Ministerit Siunnersuisoqatigiivisa ataanni puljeat

Nunani Avannarlerni Ministerit Siunnersuisoqatigiivi

Nunani Avannarlerni Ministerit Siunnersuisoqatigiivisa ataanni tapiissuteqartarfiit suliniutinut assigiinngitsunut tunngasut arlaliupput.

Nordisk Kulturkontakt

Nordisk Kulturkontaktip nunani avannarlerni suleqatigiinnermi suliniutinik tapiisartunik arlalissuarnik aningaasaateqarfinnik programmeqarpoq.

Nordisk Kulturfond

Nordisk Kulturfond nunani avannarlerni inuuniutigalugu aamma inuuniutiginagu eqqumiitsuliornikkut kulturilerinermillu suleqatigiissutinut tapiisarpoq. Suliniutinut taperneqartartunut ilisarnaatit tassaapput: Allanngorarneq, siumut isigineq, tikikkuminartuuneq aamma pitsaassuseq. Tapiissutit assigiinngitsut aqqutigalugit tapiissuteqartarput soorlu Puls, Opstart aamma Projektstøtte.

Nordplus

Nordplus inuuneq naallugu ilinniarsinnaanermut atatillugu suleqatigiissutinut assigiinngitsunut nunani avannarlerni arfineq-pingasuni aamma nunani baltiskiusuni aningaasatigut tapiisarfiuvoq.

Nordisk Film- og TV Fond

Aningaasaateqarfiup nunani avannarlerni piviusulersaarutit, filmit aliikkutassiat aamma tv-kkut nangeqattaartuliat tapiiffiginerisigut filmiliorneq tv-kkullu aallakaatitassiornerit pingaarnertut siuarsaavigissallugit siunertaraa.

NORA

Nunat avannarliit killiit sisamat akornanni ikinnerpaamik marlunnik peqataaffigineqartumik suleqatigiilluni suliniutit NORA-mit taperneqartarput (Kalaallit Nunaat, Island, Savalimmiut aamma Norge). Suliniutit ilisimatusarnerinnarmut kulturimuinnarlu tunngatitat NORA-mit nalinginnaasumik taperneqarneq ajorput.

NORLAs logo
NORLA

Norwegian Literature Abroad (NORLA) Nunat Avannarliit Siunnersuisoqatigiivisa ataanni nunat avannarlermiut akornanni sulianut tunngasunut, oqaluttualianut aamma meeqqanut atuakkianut aningaasaateqarfik ingerlappaat. Aningaasaateqarfik saqqummersitsivimmit qinnuteqarfigineqarsinnaavoq. Tamatuma saniatigut Nunani Avannarlerni inuuniutitalugu isiginnaartitsiviit isiginnaagassiat nutserneqarnissaannut taperneqarnissaminnut qinnuteqarsinnaapput.

Nunani Avannarlermiut nutserinermut tapiisarfia

Nunatsinni nunani avannarlermiut atuakkiaannik siammartiterinissap aamma ilisimasaqarnerulernissap qulakkeerneqarnissaa siunertaavoq. Aningaasaateqarfik Kalaallit Atuakkiortuisa peqatigiiffiata, Atuakkiortut, aquppaat. Inuit ataasiakkaat taperneqarnissamik qinnuteqarsinnaanngillat – atuakkanik saqqummersitsivik qinnuteqartassaaq. Qupperneq innersuussiffiusoq kalaallisut allassimavoq.

Nunani Avannarlerni tapiisartut allat

Aningaasaateqarfiit tapiisarfiillu ataaniittut suliniutinut nunatsinnut tunngassuteqartunik kalaallinillu “pinngorartitsisunik” peqataatitsisunut tapiissuteqartarput.

Augustinus Fonden
Aningaasaateqarfik nalinginnaasumik anguniakkanut ajunngitsuliornermut aamma naakkittarnermut, eqqumiiitsuliornermut ilisimatusaatinullu siunertaqartunut aningaasaateqarfiuvoq. Aningaasaateqarfiup qinnuteqaatit ingerlaavartumik suliarisarpai.
Atuarnerugit
Koda
Koda-mi ilaasortaaguit Kodap kulturikkut tapiissutaanut qinnuteqarsinnaavutit. Koda kalaallit nipilersornikkut suliniutaannut immikkut tapiissutissaateqarpoq. Nunat Avannarliit sinnerini assinganik kattuffeqarpoq - soorlu Norge-mi TONO il.il.
Atuarnerugit
Eqqumiitsuliornermut Aningaasaateqarfik
Namminersorlutik Oqartussat Kalaallit Nunaanni eqqumiitsuliorneq kultureqarnerlu tapiissuteqartarnertigut assigiinngitsutigut tapersersugaraat. Tapiissuteqartarnerit Ilinniartitaanermut, Kultureqarnermut, Timersornermut Ilageeqarnermulllu Naalakkersuisoqarfiup aqutarai.
Atuarnerugit

Kalaallit Nunaanni kommunit tapiissuteqartarfii

 

Kalaallit Nunaanni kommunit kommunini sumiiffinni kulturimut, sunngiffimmut aamma innuttaasunik paasisitsiniaanernut tapiisarput.

Ivalu & Minik Fonden
Ivalo & Minik aningaasaateqarfiat kalaallit kunngikkormiorpalaartumik ilinniartitaanermut aningaasaateqarfigaat kalaallinut nunani allani qaffasissumik ilinniarusuttunut imaluunniit nunani allani piginnaanngorsaqqikkusuttunut aningaasanik tunissuteqartarnissamik aamma ilinniarnermut atatillugu sungiusaatigalugu nunani allani sullivinni kattuffinniluunniit sulisussanut tapiinissamik siunertalik.
Atuarnerugit
Nuummi Najukkami Ataatsimiititaliaq
Innuttaasoq, gruppit imaluunniit peqatigiiffik taakku tamarmik sammisassanut suliniutinulluunniit tapiiffigineqarnissamik qinnuteqaateqarsinnaapput, najugaqarfitta eqqaani pitsanngorsaaniarutta imaluunniit pitsaassutsimik qaffassaaniarutta imaluunniit innuttaasut najugaqarfimmi najugallit ataatsimoortillugit sammisaqartitsiniarutta.
Atuarnerugit
Den Grønlandske Fond
Aningaasaateqarfik Kalaallit Nunaanni Naalagaaffeqatigiillu akornanni kulturikkut attaveqaqatigiinnissamut siuarsaatissanut aningaasaateqarfiuvoq.
Atuarnerugit
Nuna Fonden
Aningaasaateqarfik Kalaallit Nunaanni ajunngitsuliuutaasinnaasunut tapiissuteqarsinnaanermik siunertaqarpoq. Kulturimut, timersornermut aamma inunnik isumaginninnermut, kiisalu atuartut paasisassarsiorlutik angalanissaannut assigisaannullu tapiisarpoq.
Atuarnerugit
Tapiissuteqartarfik Sermeq
Tapiissuteqartarfik Sermeq Kommuneqarfik Sermersuumi sullissiviit kulturikkut suliaqarfiusut, peqatigiiffiit suleqatigiilluunniit, aamma inuit ataasiakkaat tapiiffigisarpai.
Atuarnerugit
Namminersorlutik Oqartussat tips- aamma lotto-mit aningaasaliissutaat
Pulje C-t tassaapput siunertanut tamanut iluaqutaasussanut kulturikkullu aaqqissuussinernut tapiissutaasartut. Qinnuteqartut Kalaallit Nunaanni najugaqassapput.
Atuarnerugit
15. juni Fonden
Aningaasaateqarfiup eqqumiitsuliornermik kulturimillu suliniutit kiisalu ikiuiniarnikkut inooqataanikkullu suliniutit tapiiffigisarpai. Tamatuma saniatigut Danmarkimi naasut uumasullu ilisimatusarfiginerat ilinniartitsissutiginerallu kiisalu piniariartarnerup aamma pinngortitamik soqutigisaqartut soqutigisaasa peqqissumik oqimaaqatigiissumik ingerlanneqarnissaat immikkut ukkatarisaraat.
Atuarnerugit
Lauritzen Fonden
Aningaasaateqarfik inooqataanikkut ikiuiniarnikkullu sullissiviusunut, kulturimut, imarsiornermut aamma ilinniagaqarnermut tapiisarpoq. Aningaasaateqarfiup periusissiamini meeqqat inuusuttulllu navianartorsiortut immikkut ukkataraat.
Atuarnerugit
Bikubenfonden
Aningaasaaateqarfik eqqumiitsuliorneq, kulturi inunnillu isumaginninneq pillugu suliniutinik inerisaaqataasarpoq tapiissuteqartarlunilu. Aningaasaateqarfiup kulturikkut suliniutit aamma suliniutit Kalaallit Nunaanni meeqqanut inuusuttunullu inuuniarnermikkut atugarliortunut tunngasut tapiiffigisarpai.
Atuarnerugit