Nunani avannarlerni kulturikkut suliniutinik pilersitserusuppit? Taava NAPA-mut qinnuteqarit

NAPA-p kulturimut tapiisarfia

NAPA-p kulturimut tapiisarfiata Nunani Avannarlerni tamaneersut inuit ataasiakkaat, suliniaqatigiiffiit aamma eqqumiitsuliornermik kulturilerinermillu Kalaallit Nunaannut attuumassuteqartunik suliaqartut tapiiffigisarpai.

Ikinnerpaamik ataatsimik Kalaallit Nunaanni najugaqartup minnerpaamik ataatsimik nunanit avannarlerneersumik Sverigemi, Norgemi, Danmarkimi, Finlandimi, Islandimi, Savalimmiuni Ålandimilu najugaqartumik suleqateqartariaqarnera qinnuteqarsinnaanermut piumasaqaataavoq. Qinnuteqarniaraanni tamanna piumasaqaataavoq minnerpaaq.

Arctic Sounds

Sisimiuni festivali

Arctic Sounds

Kalaallit Nunaata Nunanilu Avannarlerni nunat allat akornanni attaveqaataasussatut Arctip Soundsip takorluugaanut NAPA-p tapiisarnera pingaaruteqarpoq. Napa-p nipilersortartut angalasarneri NORDIC PLAYGROUND-illu ataani suliniutit suliniutit tapiiffigisarsimavai. Ingammik pinngorartitseqatigiinneq aamma ernisarsuusiornerit NAPA-p tapiisarneranit iluaquserneqartarsimapput - toqqaannartumik aningaasatigut tapiisarneratigut aamma Nunani Avannarlermiut suleqatigiinneq pillugu oqaloqatigiittarnikkut, avataanit tapersersuineratigut, attaveqartarnikkut aamma siunnersuisarneratigut.

Aamma takuuk

Arctic Sounds

Sisimiuni festivali

NAPA-p kulturimut tapiisarfiata Nunat Avannarliit nunarsuarmi akuutitsinerpaalernissaannut aamma piujuartitsinerpaalernissaannut suleqataanissaq siunertaraa. Nunat avannarlermiut aamma nunat avannarlermiut-issittormiut akornanni suliaqartartut kulturilerinermik suliniutigisaasa piviujuartitsisut tapersersornerisigut taamaaliussaagut.

Kulturimut tapiisarfiup Nunani Avannarlerni innuttaasut kulturikkut atituumik suleqatigiinnerannik, ataatsimooqatigiinnerannik paaseqatigiinnerannillu ineriartortitsisoq qulakkiissavaa. Inuit amerlanerit aamma suliniaqatigiiffiit amerlanerit Kalaallit Nunaat ukkataralugu nunani avannarlerni kulturikkut suleqatigiinneq pillugu annerusumik ilisimasaqalernissaat soqutiginninnerulernissaallu kissaatigaarput.