Tapiiffigineqarnissamut piumasaqaatit

Suliniummi anguniagaq ataaseq imaluunniit arlallit angunissaannut suliniut qanoq tapertaanersoq, qinnuteqaatip ersarissassavaa.

 

Suliniutit ukiumik ataatsimik imaluunniit sivisunerusumik sivisussuseqarsinnaapput, kisianni tapiiffigineqarnissamut ukiumut ataaseriarluni taamaallaat qinnuteqartoqarsinnaavoq.

 

Suliniutinut siornatigut tapiiffigineqareersunut, ukiup siulianut killiffik pillugu nalunaarusiaq qinnuteqaqqinnermi ilanngunneqartassaaq.

Ukiumut annerpaamik 500.000 DKK qinnuteqaatigineqarsinnaapput. Suliniummi piffissaliussamik ajornartorsiortoqalerpat sivitsuisinnaavutit, nalinginnaasumik ukiup affaanit sivisunerpaamik ukioq ataatsimut.

 

Anguniakkat 2025-2027

 

Anguniagaq 1: Issittumi inooqatigiinnikkut patajaassuseq

Ataatsimoorluta orniginartunik aamma Issittumi inooqatigiinnikkut nukittuunik iniuaqatigiinnik kinguaariit akimorlugit ineriartortitsiniarpugut, suliniutit makku tapersersornerisigut:

  • Issittumi najukkami inuiaqatigiit, nunap inoqqaavisa aamma meeqqat inuusuttullu akornanni inunnit-inunnut suleqatigiinnermik annertusititsisut, kiisalu innuttaasut aamma aalajangiisartut akornanni oqaloqatigiinnermik pilersitsisut
  • Issittumi timikkut tarnikkullu peqqissutsimik, inooqatigiinnikkut ataqatigiissutsimik aamma atugarissaarnissamut neqeroorutinik siuarsaasut
  • Issittumi naleqartitatigut ataatsimoorfinnik kulturimik, naligiissitaanermik aamma peqataatitsinermik ukkataqartunik tapersersuisut

 

Anguniagaq 2: Issittoq aningaasaqarnikkut patajaatsoq

Ataatsimoorluta najukkami inuussutissarsiornikkut periarfissat ineriartortinneqarnerat aamma Issittumi aningaasaqarnikkut atajuartussamik siuariartorneq tapersersorniarpavut, suliniutit makku tapersersornerisigut:

  • Isittumi siunissami piginnaasanik aamma sulisussanik ineriartortitsisut, piukkunnaatilinnik ineriartortitsinermik, piginnaasanik kivitsinermik aamma ilinniartitaanermik sammisaqartut
  • Issittumi [ilaatigut] imminut pilersornermik, takornariartitsinermik, inuussutissanik tunisassiornermik, najukkami nerisassiornermik kulturimik aamma Issittumi inuussutissat pigineqartut naammattuunissaannik sammisunik nutaaliornermik aamma aallarnisaanermik siuarsaasut
  • Issittoq akimorlugu attaveqaatinik tapersersuisut aamma pitsanngorsaasut, ilaatigut attaveqaasersuutit tigussaasutigut aamma digitalikkut

 

Anguniagaq 3: Issittoq silap pissusiatigut avatangiisitigullu patajaatsoq

Ataatsimoorluta mingutsitsinnginnerusumut allannguineq aamma atajuartussamik aningaasaqarnikkut kaaviiaartitsinissaq, suliniutit makkut tapersersornerisigut siuarsassavarput:

  • Isittumi najukkami inuiaqatigiinnut nukissiornikkut aaqqiissutsinik mingutsitsinngitsunik patajaatsunik aamma inuussutissarsiornikkut ineriartortitsinermik pilersitsisut
  • Uumassusillit assigiinngisitaarnerisa aamma uumasunik imartanillu piujuartitsinermik atuinermik annertusaanermut tapertaasut
  • Silap pissusiata aamma avatangiisit allanngoriartornerisa pinngortitamut, attaveqaasersuutinut, Issittumi nunap inoqqaavisa aamma innuttaasut inuuniarnikkut atugaannut sunniuteqarnerinik ilisimasanik annertunerulersitsisut
 
Suleqatigiinnernut piumasaqaatit
  • Suliniut ilisimasanik, angusanik aamma suleqatigiinnernik Issittumi piujuartitsinermik aamma patajaassutsimik anguniakkamut iliuutsinik nutaaliortunik pilersitsisoq
  • Suliniut Issittumi najukkami aallaaveqartumik suleqatigiinnermik tapertaassaaq
  • Suliniut angusanik anguniakkat pingasuusuni aamma suliniummi anguniakkat immikkoortut qulingiluat ilaannik arlalinnik piviusunngortitsinermut iluaqutaasunik angusanik pilersitsissaaq
  • Suliniut minnerpaamik suliniummi pingasunik nunanit avannarlernit (Norge, Finland, Danmark, Island, Sverige, Kalaallit Nunaat, Savalimmiut imaluunniit Åland) suleqateqassaaq aamma Nunat Avannarliit avataaneersunik ataatsimik imaluunniit arlalinnik ilaneqarsinnaapput, assersuutigalugu USA-mit imaluunniit Canadamit
  • Suliniut nunap inoqqaavisa kiisalu najukkami innuttaasut pisinnaatitaaffiinik, ilisimasaannik aamma isumaannik ileqqussat nalinginnaasut aamma nunani tamalaani pitsaanerpaamik periutsinik ataqqinnissaaq
  • Suliniummit angusat sapinngisamik issittumut tunngatillugu tamanit takuneqarsinnaassapput; angusat kikkunnut tamanut paasiuminartumik, soorlu assersuutigalugu allaaserisatigut, atuakkatigut, piviusulersaarusiatigut, nittartakkatigut, inoqatinut attaveqaatitigut, saqqummiinikkut, aaqqissuussatigut imaluunniit podcast aqqutigalugit takujuminarsarneqassapput aamma ersarissumik saqqummiunneqassapput

 

 

Politikkikkut attuumassuteqarnera

Nunani Avannarlerni Ministerit Siunnersuisoqatigiivisa sulinerannut tamarmiusumut, politikkikkut oqaluuserisassanik attassinissamut, pilersitsinissamut aamma ineriartortitsinissamut suleqatigiinnermut attuumassuteqartunik iluaqutsiineq, suleqatigiinnermut tapiissuteqarnermut tunngaviuvoq.

 

Nunani Avannarlerni Ministerit Siunnersuisoqatigiivisa maanna politikkikkut oqaluuserisassaat pillugit paasisaqarnerugit

 

Nunat Avannarliit Ministeriisa Siunnersuisoqatigiiffianni suliassaqarfiit akimorlugit periusissiat paasisaqarfigikkit:

 

Nunat Avannarliit Issittumut Tapiissuteqartarfiani makku tapiiffigineqartanngillat

  • Suliniutit aallartinneqareersimasut
  • Suliffeqarfiit allat suliniutaannik aalajangersimasunik, allaffissornerannik imaluunniit attaveqaasersuutaannik ingerlatsisut.
Qinnuteqarit
  • Paasisaqarnerorusukkuit attavigiuk:
Qinnuteqaat sunik imaqassava?
Atuarnerugit
Nalunaarut sunik imaqassava?
Atuarnerugit
Aaqqissuussaaneq aamma qinnuteqarnermi periuseq
Atuarnerugit
Kisitsisit naatsorsoqqissaakkallu

Uani aningaasaateqarfiup suut angusimanerai pillugit kisitsisit aamma paasissutissat takusinnaavatit.

Atuarnerugit
Assersuutit takukkit

kikkut Issittumi Suleqatigiinnermut Tapiissuteqartarfimmit puljeamik ammasumit siusinnerusukkut tapiiffigitinneqarsimanersut

Atuarnerugit

Tapiisoqarnissaanut piumasaqaatit

Issittumi Suleqatigiinnermut Tapiisarfiup suliniutit Nunat Peqatigiit Nunarsuarmut anguniagaannut sisamaasunut atatillugu taperseeqataasut tapiiffigisarpai

Piujuartitsinissamut anguniakkat uku naleqqupput:

Taakku tunngavigalugit Issittumi Suleqatigiinnermik Tapiissuteqartarfiup suliniutit ukuninnga sammisaqartut tapiiffigisarpai:

  • Nukissiuutinik piujuartitsisunik nutaaliorluni aaqqiissuteqarnerit
  • Illoqarfiit piujuartitsiffiusut aamma illoqarfinnik ineriartuinerit piujuartitsiffiusut
  • Immap sillimmataanik piujuartitsilluni atuineq
  • Uumassusillit assigiinngissitaarnerisa pingaaruteqarnerannik aamma allanngoriartornerannik akuersaartut
  • Nunarsuarmik kissattoortitsisartunik gassinik annikillisaaneq, silap pissusaata allanngornerisa kinguneratut unammilligassanut naleqqussaaneq aamma inuiaqatigiit akiuussinnaasut/patajaatsut

Piujuartitsinissamut anguniakkat uku naleqqupput:

Taamaattumik Issittumi Suleqatigiinnermik Tapiisarfiup suliassaqarfinni ukunani suliniutit tapiiffigisarpai:

  • Nunat inoqqaavi aamma sumiiffinni inuiaqatigiit
  • Ilaqutariit inuuneranni atugassarititaasut, matumani meeqqat inuusuttullu atugarisaat immikkut ittumik pingaarnerutillugit
  • Naligiissitaaneq aamma suiaassutsikkut ileqqut
  • Peqqissuseq aamma inooqataanermi pissutsit
  • Ilisimatusarneq, ilinniagaqarneq aamma piginnaasanik ineriartortitsineq
  • Inuiaat akornanni suleqatigiinnerit, græsrodit aamma NGO-t suleqatigiinneri kiisalu inuiaqatigiit eqqissisimaqatigiittut, akuliutsitsisut aamma tamat oqartussaanerannik patajaallisaaniarluni inuiaqatigiinnik ineriartortitsisut

Piujuartitsinissamut anguniakkat uku naleqqupput:

Taamaattumik Issittumi Suleqatigiinnermik Tapiisarfiup suliassaqarfinni ukunani suliniutit tapiiffigisarpai:

  • Nutaaliorneq aamma nutaaliorluni aallarnisaaneq, matumani nutaaliornermi/nutaaliorluni aallarnisaanermi aamma avatangiisini aallarnisaaffiusuni ilinniagaqarnerit
  • Digitalinngortitsineq
  • Ilisimatusarneq inuussutissarsiornikkut ineriartortitsineq
  • Ileqquusumik piginnaasat aamma sumiiffinni piginnaasat
  • Sumiiffinni inuussutissarsiutinik ineriartortsinissamut periarfissat
  • Issittup piujuartitsisup siunissaani kulturip pingaaruteqassusaa
  • Issittumi inuussutissarsiutit naleqquttut, matumani assersuutigalugu takornariaqarneq, inuussutissanik atortussiorneq, Issittumi nerisaqarnikkut kulturi aamma nerisassanik avammut nioqquteqarneq.

Piujuartitsinissamut anguniakkat uku naleqqupput:

Taamaattumik Issittumi Suleqatigiinnermik Tapiisarfiup suliassaqarfinni ukunani suliniutit tapiiffigisarpai::

  • Nuttarneq aamma nunap killingisa akornanni suleqatigiinnerit
  • Piginnaasanik ineriartortitsineq aamma suliniutillit suliffeqarfiiillu assigiinngitsut akornanni suleqatigiinneq
  • Pisortat namminersortullu kiisalu inuinnaat ingerlataqarfii

Tamatuma saniatigut suliniut Nunat Avannarliit 2030-mut takorluugaanut Nunani Avannarlerni pinngortitamik avatangiisinillu illersuinermut, unammillersinnaanermut aamma inooqataanikkut piujuartitsinermut takorluugaanut kiisalu Nunat Avannarliit Ministeriisa Siunnersuisoqatigiivisa nunat avannarliit akornanni naliissitaanermut aamma meeqqanut inuusuttunullu suliniuteqarnerannut iliuusissianut naleqqiullugit.

Puljea inunnit ataasiakkaanit, kattuffinnit, suliffeqarfinnit, ilinniarfinnit aamma allanit Issittumi  ineriartortitsinermik suliaqarusuttunit qinnuteqarfigineqarsinnaavoq. Suliniut minnerpaamik nunanik avannarlermiunik pingasunik suleqateqassaaq, taakkuninnga nuna ataaseq Nunani Avannarlerni issittumi nunaassaaq. Tamatuma saniatigut suliniummi suleqatit arlallit Nunat Avannarliit avataaneersut nunanit issittormiuneersut suleqatigineqarsinnaapput.

  • Suliniutip suleqatigiissutaasup nunani avannarlerni/issittuni aaqqissutissat pingaarnerutissavai (inuiaqatigiinni ataasiinnarni aaqqiissutissaanngitsut) aamma nunani avannarlermiut/issittormiut ataatsimoorfeqarnerannik ineriartortitsisut.
  • Suliniutit suleqatigiissutaasut Issittuni nunat immikkoortuini aamma sumiiffinni angusat ersarissut pilersittassavaat.
  • Suliniutit suleqatigiissutaasut ilisimasanik nutaanik aamma/imaluunniit peqatigiilluni suleqatigiilluni Issittumi ineriartortitseriaatsinik nutaanik nutaaliorfiusunillu pilersitsiffiussapput.
  • Suliniutit suleqatigiissutaasut nunap inoqqaavinik aamma nunami sumiiffinnni ileqquusumik piginnaasanik mianerinnissapput.
  • Suliniutit suleqatigiiffiusut nunat avannarliit ataatsimoorlutik nunani tamalaani sunneeqataanerannik patajaallisaaqataassapput.
  • Suliniut nunat avannarlermiut / issittormiut ataqatigiinnerannik misigisimanermik pilersitsissaaq/ineriartuissaaq
  • Suliniutip nunat avannarlermiut piginnaasaat unammillersinnaassusaallu pitsanngorsaavigissavai
  • Suleqatigiilluni suliniutit Nunani Avannarlerni tamani/Issittumi paasissutissiissutigineqarlutillu ersitsinneqassapput

Nunat Avannarliit Ministeriisa Siunnersuisoqatigiivisa ataatsimut suliaannut tulluartumik politikkikkut eqqartortagaannik atatitsinissamut, pilersitsinissamut ineriartortitsinissamullu suleqatigiinnermut tapiisarneqt aallaaviussaaq. Maanna Nunat Avannarliiit Ministeriisa Siunnersuisoqatigiivini politikkikkut eqqartorneqartartut uku allagaatit missingersuutigaat:

Nunat Avannarliit Ministeriisa Siunnersuisoqatigiivisa akornanni ataatsimut iliuusissiat:

  • Suliniutit aallartereerneqarsimasut
  • Suliniuteqarfiit allat aalajangersimasumik suliniutaat, allaffissornikkut aqutsinerat imaluunniit ataqatigiinnermut atortulersuutit