Aaqqissuussaaneq qinnuteqarnermullu periaaseq
Nunat Avannarliit Suleqatigiinnermut Ministeriisa siunnersuisoqatigiivi (MR-SAM)aningaasaateqarfimmut akisussaanerpaapput, Nunani Avannarlerni Issittunut siunnersuisartut ataatsimiititaliaat (NRKA – den Nordiska rådgivningskommittén för Arktis) aningaasanik agguaassisarnermut allattoqarfiup innersuussinera tunuliaqutaralugu akisussaasuuvoq.
Allaffeqarfik Nunani Avannarlerni Piorsarsimassutsikkut Attaveqaat / NAPA-p (ingerlatsineq aamma siunnersuineq) aamma Ilisimatusarfik – Kalaallit Nunaata Universitetia (qinnuteqaatit suliatigut naliliiffigineri).
Periaaseq
- NAPA-p qarasaasiakkut qinnuteqartarfiatigut qinnuteqaatit nassiunneqartarput. Qarasaasiakkut qinnuteqartarfikkut qinnuteqaatit kisimik suliarineqartarput. E-mailikkut qinnuteqartoqarsinnaanngilaq. Akissummik inaarummik qinnuteqarnerup qaammatit arfinillit kingorna paasisaqarnissat naatsorsuutigineqarsinnaavoq.
- Qinnuteqaat Ilisimatusarfimmit naliliisartut nalilersortarpaat, taakkulu sammisaq pillugu suliatigut piginnaasallit nalilersuineri tunngavigalugit allattariarsornikkut nalilersuinerit suliarisarpaat.
- Qinnuteqaat NRKA-mut tapiissuteqartussamut innersuunneqartarpoq, (NRKA ukiumut ataasiarluni tapiissuteqartarpoq).
- Suliniutit aningaasaliiffigineqartut aningaasaliiffigitinneq pillugu allagarsissapput qinnuteqartarfimmi uani «QUPPERNERA”. Qinnuteqartup aningaasat tunniunneqannginneranni aningaasaliiffigitinneq akuerissavaa.
- Aningaasaliiffigitinneq agguarlugu akilerneqartarpoq:
- Isumaqatigiissutip atsiornerani 60 % tunniunneqartarput
- Nalunaarusiap nassiunnerata kingorna sinneruttut 40 % tunniunneqartarput
- Ukiut arlallit ingerlasuni suliniuteqartoqartillugu ukiut tamaasa qinnuteqaqqittoqartassaaq kiisalu ukiumoortumik nalunaarusiortoqartassalluni. Suliniut annerpaamik ukiut 3-t sivisussuseqarsinnaavoq.
- Suliniutip naammassinerata kingorna qaammatit minnerpaamik 3-t qaangiutsinnagit nalunaarusiaq nassiunneqassaaq. Suliniutit ukiut arlallit ingerlasut ukiut tamaasa nalunaarutip ilaanik nassiussisassapput.
Qinnuteqaatit suliatigut naliliiffigineqarneri
Ilisimatusarfik – Kalaallit Nunaanni Universiteti atituumik, issittumi suliatigut ilisimasalinnik naliliisartunik inuttalersuissaaq, taakkulu ukuussapput:
Ph.d-mik Ilisimatuut arfinillit, minnerpaamik issittumi ilisimatusaatit makku ilisimasaqarfigissavaat:
- Issittumi kulturimik oqaatsinillu ilisimatusarneq
- Issittumi pinngortitamik ilisimatusartut, matumani peqqissuseq aamma silap pissusaanik ilisimatusarneq ilanngullugu
- Issittumi aningaasaqarneq aamma inuiaqatigiilerineq pillugu ilisimatusarneq
- Issittumi ingeniøreqarneq- aamma teknologi pillugu
- Ilisimatusarneqimatuujunngitsut sisamat, ukuninnga suliassaqarfinnik suliaqartut:
- Issittumi inuussutissarsiorneq aamma aallartisaaaneq
- kulturilerinermi suliassaqarfik
- Aningaasaqarneq aamma suliniutinik aqutsineq
Inuup ataatsip suliassaqarfiit qulaani taaneqartut suliaqarfigisinnaavai, ilisimatusarnerit aamma ilisimatusaataanngitsut.
Naliliisut
Ilisimatuut:
- Anne Merrild Hansen
- Aviaja Hauptmann
- Gestur Hovgaard
- Aili Lage Labansen
- Christian Koch Madsen
- Lars Poort
Inuiaqatigiinnut inuussutissarsiornikkullu sinniissut:
- Naleraq Eugenius
- Søren Würtz
- Arnakkuluk Kleist
- Jakob Nitter