Nunat Avannarliit Issittumut Tapiissuteqartarfiat qinnuteqaativit imarisaanut aalajangersimasunik piumasaqaatitaqarpoq. Immikkoortut tamarmik ilanngunneqarnissaat isumagissavat. Qinnuteqaatinik naliliinermut tamarmik atorneqartarput:

• Suliniummut nassuiaat, siunertamik ersarissumik aamma suliniummik sullinniakkanik nassuiaasoq. Suliniummut nassuiaammi suliniummi suna anguniarnerlugu oqaasertalissavat. Aammattaaq suliniutinni allannguineq suna pilersikkusunnerlugu nassuiassavat.
  Malugiuk: annerpaamik quppernerit pingasuussapput.

• Missingersuut, aningaasartuutissanik tamarmiusunik siulittukkannik aamma ilimagisannik ersarissumik takussutissiissaaq. Isertitassat naatsorsuutigisatit aamma allassavatit, nammineq aningaasaliinerit ilanngullugu.
  Malugiuk: Nunat Avannarliit Issittumut Tapiissuteqartarfiani allaffissorneq pisuni immikkut ittuni taamaallaat ilanngunneqartarput aamma aningaasaliissutit pissarsiarineqartut 10% qaangissanngilaat. Aningaasanit pissarsiarineqartunit akissarsiat 50% qaangissanngilaat.

• Suleqatigiinnermut suliniummullu peqataasut, suliniummut peqataasut ilisaritikkit aammalu sooq taakku peqataanersut erseqqissarlugu.
  Suliniummut suleqataasunut/eqimattanut imaluunniit suliffeqarfimmi aqutsisunut, suliffeqarfissuarnik angisuunik suleqateqartunut tamanut CV-t.
  • Suleqatigisanut naapertuuttunik piginnaasalinnik suleqatigiinnissamut isumaqatigiissut.

• Piffissamut pilersaarut, suliniutivit ingerlaneranut piffissamut takussutissaq Suliniut qaqugu aallartissanersoq naatsorsuutigaajuk, aamma qaqugu naammassineqassava. Qaqugu suna iliuuserissallugu naatsorsuutigaajuk.

• Attaveqaqatigiinneq aamma paasissutissiinissamut pilersaarut, suliniutivit qanoq attaveqaqatigiissutiginissaanut paasissutissiissutiginissaanillu nassuiaaqqissaartoq, paasisaqarnerugit: attaveqaqatigiinnermut paasissutissiinissamullu pilersaarut (annerpaamik qupperneq ataaseq)

Aningaasaliiffigineqaruit

Aningaasaliissutit 75 %-ii suliniutip aallartinnerani akilerneqassapput, aammalu suliniutip naammassineqarnerata kingorna nalunaarusiamik tunniussereeruit 25 %-it akilerneqassapput.