Nunat Avannarliit Issittumut Tapiissuteqartarfiat 2025-2027
Qinnuteqarnissamut killigititap tullia tassaavoq marsip 17-at 2025
Issittumi Suleqatigiinnermut Tapiissuteqartarfiup taaguutaa Nunat Avannarliit Issittumut Tapiissuteqartarfiannut allanngortinneqarpoq.
Nunat Avannarliit Issittumut Tapiissuteqartarfianni malitassaq tassaavoq Issittumi inuiaqatigiit patajaatsut aamma nukittuut. Issittumi innuttaasut patajaassusermik, siuariartornermik, aningaasaqarnermik aamma siumukarnermik qulakkeerinniffiginissaannut patajaatsuunissamik pisariaqartitsiffiuvoq.
Nunat Avannarliit Issittumut Tapiissuteqartarfiat avataanit qinnuteqartunut, ataasiakkaanut suliffeqarfinnullu sammivoq aamma Nunani Avannarlerni Issittumilu najukkami aallaaveqartunut tapersersuisuuvoq.
Suna angussavarput?
Suliniummi Nunat Avannarliit Ministeriisa Siunnersuisoqatigiivisa Takorluugaata tapersersorneqarnissaa siunertarineqarpoq. Nunat Avannarliit 2030-mi nunap immikkoortuini nunarsuarmi piujuartitsiffiunerpaallunilu kattusimanerpaanissaa takorluugaavoq.
Nunat Avannarliit Issittumut Tapiissuteqartarfiat taamaattumik immikkut inuiaqatigiinnik patajaatsunik nukittuunillu nunat avannarliit suleqatigiinnerisigut aamma Avannaamiunit-Avannaamiunut Issittumi suleqatigiinnikkut qulakkeerinninnissaq ukkatarineqarpoq.
Nunat Avannarliit Issittumut Tapiissuteqartarfiata anguniagaa tassaavoq:
- Issittumi kinguaariit akimorlugit najukkani inuiaqatigiinnik orniginartunik aamma inooqatigiinnikkut attanneqarsinnaasunik ineriartortitsinermut toqqaannartumik tapersersuineq
- Najukkami inuussutissarsiornikkut ineriartornermik aamma Issittumi aningaasaqarnikkut atajuartussamik siuariartornermik tapersersuineq
- Mingutsitsinngitsumik nukissiornermut allannguinermut siuarsaanermut aamma nunap immikkoortortaani atajuartussamik aningaasaqarnikkut kaaviiaartitsinermut toqqaannartumik tapersersuineq
Nunat Avannarlernit aamma issittormiut suleqatigiinnerat
Suliniutip issittumi aamma nunani avannarlerni aallaaveqarnera qulakkeerniarlugu, nunat avannarlernit minnerpaamik pingasunik suleqatigiilluni suliniummi suleqateqartuaannassaaq. Tassa imaappoq: Kalaallit Nunaat, Island, Norge, Sverige, Danmark, Finland, Savalimmiut imaluunniit Åland.
Tamanna issittumi suleqatissamik ataatsimik imaluunniit arlalinnik Nunat Avannarliit avataaniittunik ilaneqarsinnaavoq, aqutsisutut suleqataasoq nunanit avannarlerneerpat.
Ukiumut 500.000 DKK tikillugit qinnuteqartoqarsinnaavoq
Nunat Avannarliit Issittumut Tapiissuteqartarfianni ukiumut 500.000 DKK tikillugit piffissami sivisunerpaamik ukiuni pingasunit qinnuteqartoqarsinnaavoq. Taamaattumik suliniutinik sivisunerusumik suleqatigiissutigineqartunik aamma attaveqarfinnik pilersitsinissaq periarfissaavoq.
Suleqatigiinnermut Tapiissuteqartarfik 2030-mut takorluuukkatsinnut tassaasumut Nunat Avannarliit 2030-mi piujuaannartitsinerpaanngornissaannut aamma akuliutsitsinerpaanngornissaannut takorluukkamut taperseeqataassaaq.
Issittumi nunat avannarliit suleqatigiinnerannik siuarsaanissaq anguniagaavoq, issittumi avatangiisit, aningaasaqarneq aamma inooqataanikkut pissutsit pillugit ilisimasaqarnerulernissaq anguniarlugu.
Suleqatigiinnermut Tapiissuteqartarfiup Issittumi unammillernartut aamma pisariaqartitat piviusumik aaqqiiffiginissaannik suliaqartartut aqqutissiuuttarpai. Tamanna atassuteqaatit ataatsimiittarfiillu ingerlattuarnissaannut aamma pilersittuarnissaannut tunngavissaqartitsilersarpoq, taakkulu sumiiffinni naleqquttuni nuttartarnermut, akuliutsitsinermut aamma misilittakkanik avitseqatigiinnermut taperseeqataasarput.
Annerpaamik ukiut 3-t angullugit suliniutinut ingerlasussanut ukiumut 500.000 DKK-inik qinnuteqartoqarsinnaavoq. Qinnuteqarfissaq kingullerpaaq tassaavoq ulloq 15. februar.
9. januar 2024-mit webinar
Apeqqutit pillugit paasisaqarnorurusuppit imaluunniit apeqqutissaqarpit? Issittumi Suleqatigiinnermut Tapissuteqartarneq pillugu webinarimik video takuuk. (Video tuluttuujuvoq).
13. januar 2023-mit webinar
Apeqqutit pillugit paasisaqarnorurusuppit imaluunniit apeqqutissaqarpit? Issittumi Suleqatigiinnermut Tapissuteqartarneq pillugu webinarimik video takuuk. (Video tuluttuujuvoq).
Issittumi Suleqatigiinnermut Tapiissuteqartarfik
2024-mi qinnuteqartunut tamanut qujanaq!
Qinnuteqarnissamut killissaq tulleq tassaassaaq martsip 17-iat 2025-mi – paasissutissat annertunerusut quppernermi matumani nalunaarutigineqarumaarput.
Issittumi Suleqatigiinnermut Tapiissuteqartarfiup inuit ataasiakkaat, kattuffiit aamma Issittumi piujuartitsinermik ineriartortitsinermut iluaqutaasussanik suliniutillit tapiiffigisarpai.
Malittarisassatut pingaarnerpaatut nunat avannarlermiut pingasut suliniummut suleqataasassapput (Kalaallit Nunaat, Island, Norge, Sverige, Danmark, Finland, Savalimmiut aamma Åland). Taakkuninnga suliniummut aquttuulluni suleqataasoq nunat avannarliit arlaanneersuussaaq. Aammattaaq Issittumit nunamit/nunap immikkoortuanit suleqataasussaq minnerpaamik ataasiussaaq.
Nunat Avannarliit avataaneersumik issittormiunik ataatsimik allamik imaluunniit arlalinnik allanik suleqataasut ilaneqarsinnaapput (Issittumi Siunnersuisoqatigiinni naalagaaffiit issittormiut).
