Indigenous Fashion Week Toronto 2022-mut qinnuteqaqqusineq
Indigenous Fashion Week Toronto (IFWTO) ukiup tullissaanut sapaatip akunnerata ataatsip ingerlanerani ilusilersuineq, eqqumiitsuliorneq il.il. pillugit sammisassaqartitsinissamut qinnuteqarnissamut ammaassipput. Nunap inooqqavi ilusilersuinermik, eqqumiitsuliornermik il.il. suliaqartut qinnuteqarnissaminnut kaammattorneqarput. Aamma kultureqarnermut Naalakkersuisoqarfik peqataanissamut qinnuteqarfigineqarsinnaavoq.
Indigenous Fashion Week Toronto (IFWTO) tassavoq ukioq allortarlugu nunat inoqqaavinit mutit, assassukkat aamma annoraaminernit sanaarineqartartut pillugit festivali, tassani nutaaliaanerpaat saqqummersinneqartarput. IFWTO-mi nunarsuarmi nunat inoqqqaavisa pilersittagaat nalliuttorsiutigineqartarput – mutit eqqumiitsuliallu saqqummeriaasii aamma nunat inoqqaavisa ilisimasaat, inooriaasii aamma oqaluttuarisaanerat tunngavigalugit aallaavillit nalliuttorsiutigineqartarlutik. IFTWO Indigenous Artsimit, aningaasannanniutaanngitsumik ingerlatsiffiusumit nunap inoqqaavinit aaqqissuunneqartarpoq, taakku orniguttut takuniaasullu nunat inoqqaavinit eqqumiitsuliortunit ilusilersuisunillu eqqumiitsulianik kulturikkullu pikialaarnernik misigisassaqartittarpaat.
Ilusilersuisut, eqqumiitsuliortut aamma kulturilerisut nunap inoqqaavi kaammattorneqarput festivalimut peqataanissaminnut qinnuteqaqqullugit. Qinnuteqarfissamut killissarititaavoq 14. maj 2021, qinnuteqarnerlu canadamiut 20 dollariat akiliutissaavoq.
Namminersorlutik Oqartussani Kultureqarnermut Aningaasaliissutit qinnutigineqarsinnaapput, taamaaliortoqarsinnaavoq qaaqqusissummik pisimagaanni aamma aaqqissuussamut peqataanissamut uppernarsaammik pisimagaanni (qinnuteqartut Kalaallit Nunaanni aalajangersimasumik najugaqartuussapput). Qinnuteqareernermi Kultureqarnermut Naalakkersuisumit agguaanneqassapput, qinnuteqaatit tamaasa nalilersoriarlugit. Kultureqarnermut aningaasaliissutit qinnuteqarnermi akiliut akilersinnaanngilaat.
Find ansøgningsskemaet og mere information her
Læs mere Kulturmidlerne på Sullissivik.gl
Nutaarsiassat allat
Qinnuteqarnissamut piffissarititaasup tullia tassaavoq januarip 15-at
NAPAp Kulturimut Tapiisarfia ukioq 2023-mi aningaasaliissutissatut immikkoortitarisimasai nungupput. Taamaalilluni aamma qinnuteqarneq, decembarip 15-iat nallertinnagu qinnuteqarfiusussaagaluartoq taamaatinneqarpoq. Kulturimut Tapiisarfimmut soqutiginnittoqarsimaqaaq. Inuit amerlasuut NAPA atorluarnikuuaat, tamannalu pillugu qinnuteqartorpassuarnut tamanut qujarusuppugut. 2024-mi aningaasanik agguaasseqqinnissatsinnut qilanaarpugut, qinnuteqarnissamut piffissarititaasoq tullia pissaaq januaarip 15-ianni. 2024-mi 3.000.000 koruuninik Kulturimut Tapiisarfik aningaasaliissutissanik agguagassaqassaaq.
Issittumi Suleqatigiinnermut Tapiissuteqartarfimmut qinnuteqartarfik atulersinneqartoq!
Kalaallit Nunaata puljeap ingerlanneqarneranut akisussaaffik tigummaguli NAPA-p aamma Ilisimatusarfiup Issittumi Suleqatigiinnermut Tapiissuteqartarfimmut nittartagaq amma qinnuteqartarfik atulersippaat. Taamaalilluni suliniutit Issittumi piujuartitsinermik ineriartortitsinermik ukkatarinnittut maanna puljeamut qinnuteqarsinnaalerput. Issittumi Suleqatigiinnermut Tapiissuteqartarfimmik Kalaallit Nunaat ingerlatsinermik akisussaalissasoq 2. november 2021 naggataarutaasumik aalajangerneqarmalli NAPA aamma Ilisimatusarfik nittartakkap qinnuteqartarfiullu naammassinissaat ulapputigisimavaat. Taamaattumik assut
Attaveqaqatigiinnermi suleqataasoq ingerlariaqqilersoq
Bula Larsen NAPA-p allaffianit ilisarisimaneqarluarpoq. Tassami ukiuni 2000-mit 2004-mut NAPA-meereersimavoq. NAPA-mut uterusulluni eqqarsaatigisarsimallugu 2019-imi inuttassarsiuutaq takugamiuk qinnutigaa atorfininnissaminillu neqeroorfigitilluni. Taanna nangaassuteqarani akueraa. Maannalu Bulap inuulluaqqunissaanut piffissanngungajalerpoq, tassami Danmarkimut ungasinngitsumi nuulermat. Bula Kulusumi Kitaamiunik angajoqqaaqarluni inunngorsimavoq, Ilisimatusarfimmillu Oqaasilerineq, Atuakkialerineq Tusagassiutilerinerlu Bacheloriuffigalugit. Bula sumiuunerluni aperineqaraangami akisarpoq kalaalliuni.
NAPA-mi sulisut: Susanne Andreasen
NAPA-p sunik suliaqarnera ilarpassuasi nalugunanngilaat, kisianni kikkuuvugut? NAPA-mi nunanit avannarlernit sisamanit — Kalaallit Nunaannit, Danmarkimit, Norgemit Finlandimillu — maanna sulisoqarpoq. Ullumikkut pisortarput Susanne Andreasen ilisaritissavarput. Susanne Andreasen Danmarkimi Århus/Randersimeersuuvoq 2008-milu Nuummut nuuppoq. Aarhus Universitetimi isiginnaartitsinermik bacheloritut ilinniarsimavoq aamma aqutsinermik ilinniarsimalluni. Susanne NAPA-mi pisortatut 1. september