NAPA-mi sulisut naapikkit: Bea Husum Terkildsen
Bea Husum Terkildsen NAPA-mi suliniutinik aqutsisutut siunnersortitullu nutaamik sulilerpoq. Creative Greenlandip ineriartortinneqaqqinnissaanut peqataassaaq, aamma Kalaallit Nunaanni eqqumiitsuliortunut kulturilerinermillu suliaqartunut periarfissanik pitsaanerusunik pilersitseqataassalluni. Takornariaqarnermi misilittagaqarpoq, aamma attaveqatigiinnermut, aaqqissuussinermut suliniutinillu siuarsaanermut immikkut isiginnittaaseqarluni.
Bea Qeqertarsuatsiaaneerpoq, Nuummi Danmarkimilu peroriartorsimalluni. NAPA-mi sulilinnginnermini Visit Nuuk-mi takornariaqarnermik ornigassallu ineriartortinneqarnerannik suliaqarsimavoq.
Maanna misilittakkani atorfimmi nutaami atorluarniarpai. Suliniutinik aqutsisutut suliassaasa pingaarnerit ilagaat suliniutinik katersinissaq ineriartortitsinissarlu, Kalaallit Nunaanni eqqumiitsuliornermik kulturilerinermillu suliaqartunut piviusumik iluaqutaasumik.
Eqqumiitsuliortunut kulturimillu suliaqartunut atugassarititaasunik pitsaanerusunik pilersitsineq
Beap suliassami annersaa Creative Greenlandimut attuumassuteqassaaq. Suliniutip Kalaallit Nunaanni eqqumiitsuliortut kulturilerinermillu suliaqartut periarfissaat nukittorsassavai, piginnaasanik ineriartortitsinikkut, siunnersuinikkut ersarinnerulersitsinikkullu.
Creative Greenlandip ilaatut Bea iinkubatorimik ingerlatsinissamut (aaqqissuussamik aallartitsisartunut inuussutissarsiutinullu nutaanut suliniut ikiorsiisarfik) neriartortitseqataassaaq, tassanilu pikkorissarnerit, siunnersuinerit allallu neqeroorutit eqqumiitsuliornermik nutaaliornernillu inuussutissarsiuteqartunut katersorneqassapput. Suliassai ilaatigut tassaassapput ataqatigiissarnissaat qulakkiissallugulu paasiuminartuunissaat orniginartuunissaallu.
“Eqqumiitsuliortuugaanni pingaarnerpaamik suliassaq tassaavoq eqqumiitsuliornermik ingerlatsinissaq. Kisianni eqqumiitsuliornermik inuuniuteqarnissaq kissaatigigaanni aamma ulluinnarni suliassarpassuit ingerlanneqartarput allaffissornikkullu suliassarpassuaqartarluni. Eqqumiitsuliortut sakkussaannik, ilisimasanik attaveqaatinillu pisariaqartitaannik peqalernissaannut peqataarusuppunga.”
Isumassarsianit periarfissanut piviusunut
Beap qilanaaraa Creative Greenlandimi suliniutit aallartinnissaat. Ingammik qilanaarivaa Kalaallit Nunaat angalaarfigissallugu, eqqumiitsuliortunut periarfissat pillugit paasissutissiissalluni nunalu tamakkerlugu eqqumiitsuliortut kulturilerinermillu suliaqartartut naapinnissaat.
Inuttut naapinnerit Creative Greenland pillugu amerlanerit ilisimasaqalernissaannut iluaqutaassapput, aamma Kalaallit Nunaanni eqqumiitsuliornermik kulturilerinermillu suliaqartut assigiinngitsunik pisariaqartitaat pillugit Beap paasinninnerunissaanut periarfissiissallutik.
Beap attaveqatigiilersitsisinnaaneq, aaqqissuussisinnaaneq suliniutinillu siuarsaasinnaaneq nukittuffimisut isigai. Taakku atorlugit isumassarsiat piviusunngortillugit neqeroorutinngortissavai, nassaariuminartut, paasiuminartut atoruminartullu.
“Suliniutit taakkununnga pilersinneqarsimasunut apuussinnaanerannut peqataasinnaallunga neriuutigaara, NAPA-llu Kalaallit Nunaanni kulturilerinermik nukittorsaanermik suliaata ineriartortuarnissaanut siuariartuaarnissaanullu tapersersuisinnaallunga. Angisuunik takorluugaqarnissaq ajornanngilaq,” Bea qungujulluni oqarpoq.
Bea sulinngiffimmini: Ilaquttat pinngortitarlu qanillugit
Bea sulinngiffeqaraangami ilaquttani peqatiginissaanut piffissarujussuaq atortarpaa. Nammineq ilaqutaaraqarpoq aamma ilaquttaminut amerlasuunut qanittumik attaveqarluni. Akulikitsumik naapittarput nereqatigiittarlutillu. Tamatigut pinngortitamut angalasarput, nunami pisuttuartarlutik imaluunniit aalisariarlutik.
Atuakkat nipilersornerlu aamma Beap inuunerani immikkut inissisimapput. Oqaluttualiat atuartarpai, oqaluttualiallu silarsuarmut allarluinnarmut matumik ammaasinnaanerat nuannarisarlugu.
“Atuakkat silarsuarnut allanukartikkaangannga nuannareqaara. Nipilersornerlu aamma taamaaliorsinnaavoq. Erinnat nipilersuutillu nipaat sumiiffimmut allamut ingerlatissinnaasuaannarsimavaannga.”
Naggataatigut Beamut aperaarput kalaallit oqaasiini oqaaseq nuannarinerpaasaa suunersoq.
Anaana. “Oqaasiuvoq uummatinnut qanittorujussuaq.”
Nutaarsiassat takunngitsoorpigit?
Nunat Avannarliit Issittumut Tapiisarfiat pillugu webinari
(Malugiuk: Webinari tuluttut ingerlanneqarpoq.) Nunat Avannarliit Issittumi suliniutaat (NAP) pillugu paasisaqarnerugit – tapiisarfik nunani avannarlerni issittumilu suleqataasut suleqatigiinnerannik tapiissuteqartarpoq, inuiaqatigiit nukittorsarneqarnissaat, piujuartitsisumik mingutsinngitsumillu ineriartortitsinissaq Issittumilu inuiaqatigiinnik nukittuunik uummaarissunillu siunertaralugu. Webinaarimi minutsini 35-ni sivisussuseqartumi matumani uku sammineqarput: Qinnuteqaat sunik imaqassava Qinnuteqarnermi suut eqqaamasariaqarpigit Nalilersuineq qanoq ingerlanneqartarpa
Nunat Avannarlermioqatigiinni inuusuttunut aningaasaateqarfik
DUF – Dansk Ungdoms Fællesråd – 1940-kkunnili inuusuttut tamat oqartussaaqataanerannut ataatsimoornermullu ineriartortitsinissaanut soqutigisaqalersimavoq. Tassannga suliniut Nordens Unge i Bæredygtige Fællesskaber – NUBF – pilersinneqarsimavoq, avannarlermioqatigiit inuusuttai nutaatut ataatsimooqatigiinnermut nukittorsaanissaminnut periarfissinneqarsimallutik. NUBF-ip piujuartitsinermik tunngaveqarluni ataatsimooqatigiinnissamut kulturikkullu suniutinut peqataatitaqarnisamut Nunat Avannarliit akimorlugit suliniuteqartuuvoq inuusuttullu periarfissinniarlugit aningaasaliissuteqarsinnaasunik pilersitsisimallutik.
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu
Nordplus allaffissornikkut qullersaqarfiata Kalaallit Nunaanni siullerpaamik ataatsimiisitsinerannut NAPA aamma Namminersorlutik Oqartussat qaaqqusisuupput
Ulluni 12 – 15. juni Nordplus’ip allaffissornikkut qullersaqarfiata ilinniagaqarneq nuttarnerlu pillugit suleqatit attuumassutillit Kalaallit Nunaanni ataatsimeeqatigissavai. Nordplus, Nunani Avannarlerni Ministerit Siunnersuisoqatigiivisa ataanni suliniut, nunani avannarlerni nunanilu baltiskiusuni ilinniartitaaneq pillugu patajaallisaanermik ineriartortitsinermillu pingaarutilimmik inissisimavoq. Programmi ilinniartitaanermi suliniutinut assigiinngitsorpassuarnut aningaasaliisarpoq tapersersuisarlunilu, matumani ilinniagaqarnerup nalaani paasisassarsiorluni angalanerit, ilinniarnermut