NAPA – Nunat avannarliit Kalaallit Nunaanni piorsarsimassutsikkut attaveqaataat attaveqarnermut akisussaasumik sulisussarsiorpoq
Saqqummiillaqqissuuit aammalu Nunani Avannarlerni tamarmi issittumit isiginnittaatsinik saqqummiussisarusuppit?
Nordisk Ministerrådip ataani nunat avannarliit akornanni attaveqaataavugut anginngitsoq, kajumittunik sulisoqarluta, suleqatissarsiorlutalu!
Suliassat pingaarneq tassaavoq kikkunnut uagutsinnut attuumassuteqartunut tikillugit attaveqartassasutit kiisalu attaveqaatit atorlugit attaveqartassallutit. Nittartagarput napa.gl aamma nittartakkatigut inuit naapittarfiini attaveqaativut akisussaaffigissavatit kiisalu Kalaallit Nunaanni nunallu avannarliit sinnerini tusagassiorfiit attaveqarfigisassavatit. Ima attaveqarsinnaassuseqassaatit issittumit isiginnittaatsit, eqqumiitsuliorneq, kulturi oqaatsillu Nunani avannarlerni tamatani takuneqartassallutik siammarterneqassallutillu.
Taakku saniatigut annikitsunik suliassaqassaaq, soorlu Nordplusimut – ilinniartitaanikkut suleqatigiiffimmut – attaveqaatitut atuutissaatit.
Illit jjartorpatsigit:
- Attaveqarnermut, kulturimik saqqummiinermut aamma/imaluunniit tusagassiortutut sulinermut misilittagaliuguit
- Atortunik CMS-inik, ajornanngippat WordPressimut misilittagaqaruit
- Tusagassiorfinnut tunngasunik misilittagaqaruit
- Inunnut attaveqarnermut pikkorissuuguit
- Attaveqarnermut, kulturimik saqqummiinermut, aamma/imaluunniit tusagassiortutut sulinermut misilittagaqaruit
- Tamatigoortumik inunnut isiginnittaaseqaruit kiisalu oqaluttuanik nuannersunik oqaluttuarnermik nuannarisaqaruit
- Kulturinik tamalaanik paasinnittuuguit kiisalu kalaallisut, tuluttut minnerpaamillu nunat avannarliit oqaasiisa arlaannik ataatsinik piginnaasaqaruit
Kalaallit Nunaanni kulturikkut inuunermik ilisimasaqarneq iluaqutaalluassaaq, immikkulli piumasaqataanngilaq.
Neqeroorutigaavut:
- Piginnaasat naapertorlugit akissarsiaqartitaaneq
- Sulinermi atugassarititaasut ataatsimut isigalugit pitsaasut eqaatsullu, soorlu:
- Sapaatit akunnerannut marloriarluni angerlarsimaffimmiit sulinissamut periarfissaq
- Oqarasuaat angerlarsimaffimmilu internetsimut akiliunneqarneq
- Akiliunneqarluni sungiusaatinik atuisinnaatitaaneq
Atorfik sapaatit akunnerannut akunnerni 40-ni suliffiuvoq.
Atorfik 2026-mi juulip aallaqqaataani imaluunniit tamatuma kingorna piaarnerpaamik atorfiniffigineqarsinnaavoq.
Qinnuteqaat, taavalu ilinniakkatigut suliffeqarnikkulu aqqusaarsimasat (CV) kiisalu paasissutissat attuumassuteqartut allat kingusinnerpaamik 2026-imi juunip ulluisa 15-ianni tigoreersimassavavut, taakkulu ataatsimoortillugit uunga nassiunneqassapput: susanne@napa.gl
Qinnuteqartut takkuttarneri naapertorlugit oqaloqatiginninnerit ingerlattarpavut.
Sukumiinerusumik paasisaqarusuppit? Apeqqutissaqaruit uunga allariannguarit: Susanne Andreasen susanne@napa.gl imaluunniit uunga sianerlutit +299 588849. Uani uagut pilluta sukumiinerusumik paasisaqarsinnaavutit napa.gl
Nutaarsiassat takunngitsoorpigit?
Nunatsinni agiartartut Nunat Avannarlermiut
Nunanit Avannarlernit agiartartut, Unison Strings nunatsinni workshoppertitsillutillu tusarnaartitsisarsimapput – NAPAp kulturimut tapiisarfianit taperneqarlutik. 2014-imiilli agiarnermik festivalip Unison Strings Festival – Greenland, ukiut tamaasa nunanit avannarlermiunit nipilersortartut kalaallit, savalimmiormiut, islandimiut qallunaallu agiarnermik ilinniartut aamma inuuniutigalugu agiartartut ulluni 10-ni Kalaallit Nunaanni sungiusarnertalimmut tusarnaartitsinertalimmullu festivalimut qaaqqusarpai. 2018-imi festivali
Pisimasunik oqaluttuarneq (Storytelling)
Nunani Avannarlerni Pinngortitaq pillugu Oqaluttuat (Nordiske Naturfortællinger – Nordic Nature Narratives) Nunani Avannarlerni kinguaariit kulturillu akornanni inuit namminneq oqaluttuaannik pinngortitarlu pillugu isiginneriaasiannik sammisaqarpoq. Kalaallit Nunaanni, Norgep Avannaani Danmarkimilu 2021-miit 2022-mut ingerlanneqassaaq. Pinngortitap inuunitsinnut sunniutai aamma piujuartitsilluni ineriartuineq ilinniarfigineqarneranni suliniut aqqutigalugu Naalagaaffiit Peqatigiit nunarsuaq tamakkerlugu anguniagassatut
Nunani Avannarlerni suleqatigiinneq ataatsimoorlunilu ineriartortitsineq siumut aqqutaavoq
Nunani Avannarlerni Ministerit Siunnersuisoqatigiviisa Issittumi ineriartorneq, siuariartorneq aamma pigissaarneq suli ukkataraat. Immikkut tapiisarfikkut Nunat Avannarliit Issittumut Tapiisarfiat (NAP Nunani Avannarlerni Ministerit Siunnersuisoqatigiviisa Issittumi Kalaallillu Nunaanni suliniutit ukiuni 30-ni aningaasaliiffigisarsimavai. Tapiisarfimmut qinnuteqarnissamut killiuvoq ulloq 15. februar. Nunat Avannarliit Issittumut Tapiisarfiat (NAP), Nunani Avannarlerni Piorsarsimassutsikkut Attaveqaat/NAPA-mit ingerlanneqartoq,
Creative Business Academy Greenland novembarip 23-ani aallarniineq
Nunatsinni kulturerput immikkuullarippoq, nunatsinnilu pinngorartitsisartut pikkorissorpassuupput. Soorlu ilusilersuisartut, eqqumiitsuliortartut, atisaliortartut, filmiliortartut aamma nipilersortartullu. Inuussutissarsiutigalugu kulturilerisut aamma pinngorartitsisut niuernermut ilippanartut atorluarneq ajorpagut. Tamanna NAPAp allanngortikkusuppaa. Taamaammat niuernermik ineriartornermut tunngasumik kulturilerisunut pinngorartitsisunullu ilinniarfik pilersipparput. Inuussutissarsiutigalugu kulturilerisut pinngorartitsisullu ineriartussagunik, taava pisariaqartitaat tunngavigalugit suliaq ingerlasariaqassaaq. Creative Business Academy novembarip