Nunat Avannarliit Killiit Ulluat 2025: Paasissutissat eqqunngitsut siunissamilu innuttaasut oqartussaaqataanerat oqallisigineqassapput
Ullumikkut nutaarsiassanik eqqunngitsunik, teknologiimik suliffeqarfissuaqarfiungaartunik silassorissuusianillu ulikkaartoqartillugu qanoq ililluta ammasumik tatiginnittumillu oqartussaassuseqarneq qulakkeersinnaavarput? Oqaluttuat ilumoortut ilumuunngitsullu immikkoortissinnaanngikkutsigit oqallinneq qanoq ingerlassava?
Paasissutissat
Ulloq
23.09.2025
Nal.
16:30 – 18:00
Sumi
Katuaq
Imaneq 21
3900 Nuuk
Suussuseq
Isumasioqatigiinneq
Inuiaqatigiit mikisut nunarsuarmi teknologiimik soqutigisaqartunit piffissami tatineqarfiusumi, aammalu inuit attaveqaqatigiittarfiini paasissutissiinerlunnissamut sunniiniarnernullu atorneqarneranni, Nunat Avannarliit Ministeriisa Siunnersuisoqatigiivi, NAPA, Nunat Avannarliit Killiit Siunnersuisoqatigiivi Naalakkersuisullu siunissami oqartussaaqataanerup oqallisiginissaanut qaaqqusipput. Immikkut ilisimasallit, tusagassiortut politikerillu paasissutissat eqqunngitsut aamma nunani avannarlerni killerni innuttaasut oqartussaaqataanerat pillugit oqaloqatigiinneranni peqataagit!
Aaqqissuussineq qallunaatut ingerlanneqassaaq kalaallisut nutserisoqarluni.
Pilersaarut
Tikilluaqqusineq ilisarititsinerlu: Unni Kløvstad, Nunat Avannarliit Ministeriisa Siunnersuisoqatigiivini immikkoortortaqarfimmi pisortaq.
Ammaanersiornermi oqalugiartoq: Kim Kielsen, Nunat Avannarliit Killiit Siunnersuisoqatigiivisa siulittaasuat.
Aallaqqaasiuisoq oqallinnermilu aqutsisoq: Signe Ravn-Højgaard, Ph.D., Digital Infrastruktur-imi isumalioqatigiissitami pisortaq.
Sammisamut oqallittussat:
- Irene R. Jeppson, KNR-imi Nutaarsiassaqarnermut pisortaq
- Nivi Olsen, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
- Aviaq Fleischer, Ilisimatusarfimmi adjunkti.
- Elfa Ýr Gylfadóttir, Islandimi tusagassiuutinut ataatsimiititaliami pisortaq.
Isumasioqatigiinneq naammassippat Katuami tamanut ammasumik ilassinnittoqassaaq, imeruersaatissanik kulturikkullu sammisaqartitsisoqassalluni.
Nutaarsiassat takunngitsoorpigit?
NAPA-p kulturimut tapiisarfianut nutaamut qinnuteqaat siulleq tigusimavaa
NAPA nutaamik nittartagartaarpoq nutaamillu Kulturimut tapiisarfimminut qinnuteqartarfittaarluni. Nittartagaq nutaaq atulerniariartoq qinnuteqaat siulleq takkuppoq: Ilulissani Maniitsumilu meeqqanik inuusuttunillu pinngorartitsinikkut workshoppertitsineq pillugu qinnuteqaat. Qinnuteqartarfiup nutarsarneratigut NAPA-mut qinnuteqarneq ajornannginnerulerpoq. NAPA-p nittartagartaavani ilaatigut suliniutit taperneqarsimasut pillugit atuartoqarsinnaavoq aamma nammineq qinnuteqaatissamut isumassarsiortoqarsinnaalluni. Oqaatsit soorunami pingasut atorlugit atuartoqarsinnaavoq: Kalaallisut, skandinaviamiusut tuluttullu.
Inuulluaqqusineq qujanerlu!
Malin Corlin, NAPA-mi maanna ukiut 2,5-it missaanni sulisimasoq allorialerpoq inuunerlu nutaaq aallartillugu. Ilaquttanimi ilagalugit Bornholmimut nuulerpoq, NAPA-lu majip naanerata missaani qimassallugu. Taamaattumik NAPA-mi sullissisimanera pillugu qutsavigaarput inuulluaqqullugulu! Malin ukiut sisamangajaat ilaquttanilu Nuummi najugaqarsimapput. Maanna Bornholmimut nuuttussanngorput inuunerlu nutaaq aallartillugu. Suliniutinik aqutsisutut sulisimavoq aamma Info Norden
Nordplus allaffissornikkut qullersaqarfiata Kalaallit Nunaanni siullerpaamik ataatsimiisitsinerannut NAPA aamma Namminersorlutik Oqartussat qaaqqusisuupput
Ulluni 12 – 15. juni Nordplus’ip allaffissornikkut qullersaqarfiata ilinniagaqarneq nuttarnerlu pillugit suleqatit attuumassutillit Kalaallit Nunaanni ataatsimeeqatigissavai. Nordplus, Nunani Avannarlerni Ministerit Siunnersuisoqatigiivisa ataanni suliniut, nunani avannarlerni nunanilu baltiskiusuni ilinniartitaaneq pillugu patajaallisaanermik ineriartortitsinermillu pingaarutilimmik inissisimavoq. Programmi ilinniartitaanermi suliniutinut assigiinngitsorpassuarnut aningaasaliisarpoq tapersersuisarlunilu, matumani ilinniagaqarnerup nalaani paasisassarsiorluni angalanerit, ilinniarnermut
Ikaarsaarneq – Arctic Winter Games 2026
Ikaarsaarneq isiginnaagassiaavoq timikkut aalanermik nipilersornermillu imalik, Katuap inersuaaqqaani marsip tallimaani takutinneqassaaq Nuuk Snow Festip ingerlanneqarneranut atatillugu. Isiginnaagassiaq AWG-mi Canadami Whitehorsemi takutinneqassaaq. Isiginnaartitsinermi kalaallit kulturikkut kinaassusiat, anersaakkut ittunik pingaartitsinerat allanngorsimanerallu sammineqarput – isiginnaartitsisartut inuusuttut nipaat, aalaneri eqqumiitsuliornerillu atorlugit oqaluttuarineqartut. Isiginnaartitsisut:Uilu JakobsenNikku KanuthsenAyla LarsenSmilla VahlZoe Løvestrøm Ilitsersuisoq:Varna Marianne