NAPA-mi sulisut: Ivaana Olsvig Brandt
NAPA-p sunik suliaqarnera ilarpassuasi nalugunanngilaat, kisianni kikkuuvugut? NAPA-mi nunanit avannarlernit sisamanit — Kalaallit Nunaannit, Danmarkimit, Norgemit Finlandimillu — maanna sulisoqarpoq. Ullumikkut aaqqissuussinermut ataqatigiissarisutut ilinniartoq Ivaana Olsvig Brandt.
Ivaana Danmarkimi Odensemi inunngorpoq, tallimanik ukioqarlunili Nuummi najugaqarsimavoq. Københavnimi NEXT-imi aaqqissuussinermik ataqatigiissaarisutut ilinniarpoq. Maannakkut NAPA-mi ilinniarpoq misilittagaqalerniarluni. NAPA-mi decembarimi 2024-mi aallartippoq.
NAPA-mi suliassat soqutigingaaramigit, NAPA-mi sulinini sinnattutut piviusunngortutut isigaa:
”Kulturi, attaveqatigiinneq kinaassuserlu uannut pingaaruteqartorujussuupput. Kalaallit Nunaata Nunallu Avannarliit suleqatigiinnerat paasiniarnissaa soqutigilluinnarpara. NAPA-mi aaqqissuussinermik suliaqartutut sulisinnaanera sinnattutut piviusunngortutut ippoq.”
Suliniutit pissanganartut nutaat
Ukioq pissanganartoq aallartittoq ilikkagaqarnartorpassuarnillu misigisaqarfiusoq Ivaana oqaluttuarpoq. Suliniutinut suliassanullu arlalinnut peqataavoq, soorlu Arctic Winter Games 2026-mut pilersaarusiornermut Allatta!-milu akuakkioqataasunik nunatsinni angalaneq. Allatta! tassaavoq atuakkiornikkut unammisitsineq sisamariaq ingerlanneqarsimasoq 2013-imi, 2015-imi, 2018-imi aamma 2024-mi. Ukiaru Allatta! nunatsinni angalassaaq.
NAPA-p pisortaa Susanne peqatigalugu Ivaana Arctic Winter Gamesimut kulturikkut aaqqissuussinissamut pilersaarusiorpoq. Arctic Winter Games Whitehorsemi Canadamiittumi marsimi 2026-mi ingerlanneqassaaq.
Ivaana sulianik taakkuninnga marlunnik aallartitsinissamut qilanaarpoq.
“Arctic Winter Games 2026-mut Allatta!-mullu piareersarnerisa nanginnissaat qilanaareqaara!”
Ivaana qujamasuutigalugu NAPAp allaffia nutaamik isikkoqalerpoq — toqqorsiviit torersarpai, sapinngisani tamaat atortussanngortitsivoq, qatanngutinilu NAPA-milu sulisut peqatigalugit allaffik kusanartunngorlugu nutarteripput.
Ivaana pillugu paasisaqarnerugit
Ivaana sulinngiffeqarnermini pisuttuartarlunilu qasuersaartarpoq. Ivaana aamma assigiinngitsunik soqutigisani ukkatarigalugit nuannarai:
“Nipilersukkanik nuannarisaqartorujussuuvunga, akunnerpassuit atorsinnaavakka nipilersukkat saqqummersinneqartut misissorlugit, nipilersortartut nutaat tusarnaartarpakka Beyoncéllu tusarnaartitsinera soqutigilluinnartarpara. Filmit tv-milu aallakaatitassiat misissoqqissaartarpakka, sapanngarissullu pinnersaatit nutaaliorfiginiartarpakka, naak sapanngarissunik katersugaateqartarnera aqussinnaanngikkaluarlugu. Soqutigisakka immaqa ingasaruluunngillat, kisianni nuannaraakka.”
Naggataatigut Ivaana aperivarput oqaaseq sorleq nuannarinerpaaneraa:
“Asasara”
Ivaana attavigiuk
Aaqqissuussinerit pillugit Ivaanamut saaffiginnissinnaavutit. Aaqqissuussinissamut isumassarsianik nutaalianik imaluunniit suleqatigiinnissamut periarfissanik apeqquteqarunik, Ivaana pilersaarutinik, ataqatigiissaarinermik isumassarsianillu ineriartortitsinermik, kulturi aqqutigalugu inuit ataatsimoortitsinissaannut iluaqutaasunik, tapersersuisinnaavoq.
Ivaana kalaallisut, qallunaatut tuluttullu attavigisinnaavat.
+299 24 12 96
Nutaarsiassat takunngitsoorpigit?
Issittumi Suleqatigiinnermut Tapiissuteqartarfik agguaassivoq: Kalaallit Nunaanni piujuartitsinermik suliniutit tapiiffigineqarput
Nunat avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, nunat avannarliit Issittumi nunallu allat iluaqutissaannut suleqatigiinnermik siuarsaanissamik siunertalik, suliniutinut pissanganartunut arlalinnut aningaasaliissuteqarsimavoq, ilaatigut Siu-Tsiu-mut aamma MIO-mut. Nunat Avannarliit Ministeriisa Siunnersuisoqatigiivisa Issittumi Suleqatigiinnermut Tapiissuteqartarfiat, NAPA-mit – Nunat Avannarlerni Piorsarsimassutsikku Attaveqaatimit aamma Ilisimatusarfimmit aqunneqartoq, ukioq manna suliniutinut 22-nut aningaasaliissuteqarpoq.
Inuusuttut piginnaanillit ilippanaatitik pituussaarpaat, Kalaallit Nunaanni nutaalianik isumassarsiaqarlutik
Inuusuttut 200-t sapaatip akunnerani Nuummi katersuussimapput Issittuni unammillernartut misigisartakkagut nutaalianik aaqqiissutissarsiorniarlugit. Qassutit immap naqqaniittut suli aalisartut, qaqeqqinneqarnerlu ajortut. Sumiiffinni ilinniarfissanik amigaateqarneq. Illoqarfiit nunaqarfiillu imminnut ungasissut. Tassaapput Kalaallit Nunaanni unammilligassatta ilaat. Unammilligassat, inuusuttut 200-t issittormiut nunanilu avannarlermiut nutaalianik aaqqiissutissarsiorlugit suliaqarfigisimavaat. Nunarsuarmi aningaasarsiutaanngitsumik suliniaqatigiiffiup, Unleaship, Nuummi ulluni
Kalaallit inuusuttai Nordjobbi aqqutigalugu suliartorusuttut amerleriangaatsiarsimasut
Assi: Siunissami kalaallit nordjobberit immaqa Geirangerimi, Norgemi saqisuusinnaapput. Nordjobb tassaavoq inuusuttunut 18-30-nik ukiulinnut, nunat avannarliit ilaanni allami ukiup ingerlanerani sulerusuttunut, neqeroorut. Kalaallit Nunaannit Nordjobbimut qinnuteqartartut amerleriangaatsiarsimapput. Nordjobb tassaavoq inuusuttunut 18 aamma 30-nik ukiulinnut, piffissami aalajangersimasumi nunat avannarliit ilaanni suliartorusuttunut, neqeroorut. Nordjobbi Nunani Avannarlerni tamani
Kalaallit Nunaanni kulturikkut eqqumiitsuliornermillu inuussutissarsiuteqartut pisariaqartitaannik misissuineq
Nunatsinni kulturerput nukittullunilu assigiinngitsorpassuarnik tunuliaqutaqarpoq – kisiannili tamatumani sinaakkutit pisariaqartitat periarfissallu pillugit ilisimasat killeqarput. Taamaattumik NAPA 2023-mi pisariaqartitanik misissuinermik aallartitsivoq, taannalu tunngavigalugu kulturikkut eqqumiitsuliornermillu suliaqartut suliffeqarfiillu niuernikkut periarfissaat nukittorsarneqassapput. 2023-mi aamma 2024-mi NAPA apeqqutinik immersugassamik, kalaallisut, qallunaatut tuluttullu pissarsiarineqarsinnaasumik, katersuivoq. Inuit katillugit 170-it misissuinermi peqataapput.