Nordjobb aqqutigalugu Nunani Avannarlerni suliffissarsiorit!
18-it 30-llu akornanni ukioqarpit? Islandimi naasorissaasoqarfimmi, Norgemi cafémi, Savalimmiuniluunniit receptionistitut imaluunniit Finlandimi Laplandimi takornarianut takornariartitsinermik sulilernissat takorloorsinnaaviuk?
Nordjobb suliffimmi misilittagaqalernissamut nunallu allat ilinniarnissamut periarfissatsialaavoq. Nordjobbimik suleqateqarnermi nunami avannarlermi allami inuuneq qanoq ittuunersoq misigissavat. 1985-imiilli ukiut 40-t ingerlaneranni Nordjobbi inuusuttunut katillugit 30.000-init amerlanerusunut piffissap ilaani suliffittaartitsisimavoq!
2004-miilli inuusuttut 42-t Kalaallit Nunaanneersut nunanut avannarlernut allanut suliartorsimapput. Assersuutigalugu Savalimmiunut, Danmarkimut, Finlandimut Norgemullu. 2025-mi manna tikillugu inuit marluk Finlandimut Savalimmiunullu aallarsimapput – sulilu amerlanerusut inissaqartinneqarlutik! NAPA-p Kalaallit Nunaanneersut nunanut avannarlernut allanut angalanissaannut ikiortarpai angalanermut tapiissutinik 3.000 koruuninik.
Nordjobb.org-imi pisortap Bo Nylanderip kalaallit inuusuttut kajumissaarpai:
”Nordjobb ukiuni 40-ni kalaallinut inuusuttunut angalanissamut, sulinissamut nunallu avannarliit sinnerini misigisassarsiornissamut ajornannginnerulersitsisarpoq. Unnuiffissanik, allaffissornikkut suliassanik nunamilu allami suliffittaaqqaarnerup nuannersumik pissanganartumillu ingerlanissaanik ikiuisaratta.“
Nunani avannarlerni EU-milu innuttaassuseqaruit, 18-it 30-llu akornanni ukioqaruit svenskisut, norskisut imaluunniit qallunaatut naammaginartumik oqalussinnaaguit qinnuteqarsinnaavutit. Nordjobbip nunani avannarlerni allani piffissami aalajangersimasumi suliffissarsiorninni, ineqarnissamik, kulturikkut sunngiffimmilu sammisassaqarnissamut neqeroorutinut pissanganartunut tunngasunik, aamma inuttut normumik (soorlu cpr-nr.), akileraarutinut uppernarsaatinik aningaaserivimmilu kontumik pilersitsinissamut ikiorsinnaavaatit.
NAPA, Nunani Avannarlerni Piorsarsimassutsikkut Attaveqaat, piareersarluarnissaq kaammattuivoq. Assersuutigalugu nunanut avannarlernut allanut angalanissamut passimik pissarsinissaq.
Nunanut allanut nuunnermut tunngasunik apeqqutissaqaruit aamma Info Norden, Nunat Avannarliit Ministeriisa Siunnersuisoqatigiivisa ataani paasissutissiivik, iluaqutigisinnaavat: https://www.norden.org/da/info-norden
Nordjobb pillugu atuarnerugit qinnuteqarillu: https://www.nordjobb.org/kl/
Nutaarsiassat allat
Eqqumiitsuliorneq kulturilu piujuartitsinissamut siuarsaaqataasinnaapput
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund (IA) Nuuk Nordisk Kulturfestivalimi oqalugiarpoq. Pinngortitaq inunniit anginerusoq eqqaasippaa. Uagullu inuusugut iliuuseqanngikkutta nunarsuarput piuneerukkiartorumaartoq Kalistat aamma oqarpoq. Kulturi iliuuseqarnissatsinnut periarfissiisinnaavoq. Nunat Avannarliit Ministeriisa Siunnersuisooqatigiiffiat maajip 26-iani 2023 Nuuk Nordisk Festivalimi ”Nunat Avannarlerni piujuartitsineq/mingutsitsinnginnerunissaq: Eqqumiitsuliorneq kulturilu siuarsaasut?” pillugu aaqqissuusivoq. Tassunga
“Issittoq akimorlugu suleqatigiinneq” oqallinnermi oqariartuut pingaarnerpaavoq
Issittormiunit sinniisut Nuummi katersuupput innuttaasut upalungaarsimanerannut, ujaasinermut annaassiniarnerlu (SAR) aamma Issittumi suleqatigiinnerup ataqatigiissaarinerullu pingaaruteqassusiannut tunngasunik oqallinnernut marlunnut peqataajartorlutik. Aaqqissuussinermi Nunat Avannarliit Killiit Ulluat aamma Nunat Avannarliit Issittumut tapiisarfiata ukiunik 30-nngortorsiorneranik nalliuttorsiornermut atatillugu ingerlanneqarpoq. Oqallinnermi peqataasussat: Lars Borris Pedersen – Qamutit SAR, Nuummi teamlederi Iddimanngiiu Bianco – Kalaallit
Workshop: Kalaallit Nunaanni eqqumiitsuliornermik kulturimillu suliaqartunik ataqqinnittumik suleqateqarneq
Kalaallit Nunaanni najugaqarpit, eqqumiitsuliornermillu kulturimilluunniit suliaqarpit? Workshopimut peqataagit. Tassani Kalaallit Nunaata avataaneersut maani eqqumiitsuliornermik kulturimillu suliaqartunik suleqateqarusukkaangamik suut ilisimassagaat ataatsimoorluta oqaasertaliissavagut. Kalaallit Nunaat pillugu soqutiginninneq annertusiartorpoq. Tamanna suleqatigiinnernut nutaanut suleqatigeeriaatsinullu nutaanut pissanganartunik periarfissiivoq. Peqatigisaanik suleqatigiinnerit qanoq pilersinneqartarnissaat ingerlanneqartarnissaallu piumasaqaateqarfigineqarput. Taamaattumik suleqatigiinnissamut pitsaasumut tunngavissanik ataatsimoorussanik ineriartortitserusuppugut.
Atuakkiortunik oqaloqateqarneq – Niviaq Korneliussen aamma Johanne Lykke Holm
Nunani Avannarlerni Siunnersuisooqatigiit atuakkiortunut nersornaasiuttagaannut 2021-mut atatillugu atuakkiortut innersuussaasimasut oqaloqatigiissapput. Pingasunngorneq 5. maj nal. 14 (kalaallit piffissaat) Niviaq Korneliussenip svenskeq innersuussaasimasoq Johanne Lykke Holm oqaloqatigissavaa. april Nunani Avannarlerni Siunnersuisooqatigiit nutaamik nangeqattaartuliaani livestreami atorlugu Nunani Avannarlerni Siunnersuisooqatigiit atuakkiortunut nersornaasiuttagaannut atuakkiortut innersuunneqarsimasut atuakkiortutut oqaloqatigiittassapput. Sapaatip akunneri tamaasa