Kattuffik UNLEASH nunarsuarmi suliniaqatigiiffiuvoq Nunani Avannarlerni aallaaveqartoq. Nunarsuarmi tamarmit inuusuttut piginnaasallit peqataasinnerisigut piujuartitsilluni ineriartortitsinermi anguniagassat pillugit nutaaliasunik aaqqiissutissanut isaaffik pingaarneq pilersinniarlugu suliaqarpoq.
August 2022-mi UNLEASH-ip Nuummi nutaaliornermut misileraavik ingerlappaa, nunat avannarliit issittullu ukkataralugit inuusuttut 200-t peqataasoralugit. Kalaallit Nunaanni Nutaaliornermut misileraaviup siunertarai nunat avannarliit issittullu akornanni suleqatigiinnik pilersitsinissaq, misilittakkanik avitseqatigiittarnissaq aamma sapaatip akunnera ataatsimik sivisussusilimmi nutaalianik piujuartitsisunik aaqqiissutissanik pilersitsiniarneq.
Kalaallit Nunaanni Nutaaliornermut misileraavik marts 2022-mit september 2022-p tungaanut ingerlanneqarpoq.
Issittumi suleqatigiinnermut tapiissuteqartarfiup suliniutinik piujuartitsisumik ineriartortitsinermut, Naalagaaffiit Peqatigiit Nunarsuarmi anguniagaanni qulequttani sisamani pingaarnerusuni allaaserineqarsimasunut atatillugu iluaqutaasussanik tapiisarpoq.
NUNARSUAQ Kalaallit Nunaanni Nutaaliornermut misileraaviup ilaagaa avatangiisit pillugit aaqqiissutissat oqallisiginissaat.
INUIT Suliniutip Kalaallit Nunaanni najukkami inuiaqatigiit tapersersorlugillu qitiutippai, najukkami suliniummik piginnittoqarnissaanik qulakkeerinninnikkut aamma Kalaallit Nunaannut Issitumullu tulluartuuneratigut. Suliniutip kalaallit kulturiat oqaluttuarisaanerallu qitiutippai peqataasut kalaaliunngitsut ilinniartinnerisigut. Tamanna nunarsuarmit tamanit alapernaassutsimik kulturilu pillugu avitseqatigiinnissamut kajumilersitsivoq.
PIGISSAARNEQ Suliniutip nutaaliorneq aallartisaanerlu Nutaaliornermut misileraavimmi ilikkagassatut qitiutippai.
PEQATIGIINNERIT Nunat killingisa akornanni peqataasut suliffeqarfiillu assigiinngitsut suleqatigiinnerat Nutaaliornermut misileraavimmut pingaaruteqarpoq aamma pingaarnertut ingerlanneqarluni.
Suliniut pillugu paasisaqarnerorusukkuit NAPA – Nunani Avannarlerni Piorsarsimassutsikkut Attaveqaat attavigisinnaavat Napa@napa.gl.
Nutaarsiassat takunngitsoorpigit?
ALLATTA! 4.0-mut ersinartulersaarlutit oqaluttuat oqaluttuariuk
Allalluni unammitsitsineq Allatta! maanna ukiami aallartilerpoq, unammisitsinermi inuusuttut atuakkiornermut ilippanaatiminnik sammisaqarsinnaapput. Tassani oqaluttuat ersinartulersaarutit sammineqassapput. NAPA, Nunani Avannarlerni Piorsarsimassutsikkut Attaveqaatip Kalaallit Atuakkiortut peqatigalugit allannermik unammisitsinermik ”Allatta!-“mik, qallunaatut ”Lad os skrive!” isumaqartumik unammisitsissapput. Unammisitsinermi inuusuttut 15-25-t akornanni ukiullit peqataasinnaapput. Kalaallisut, qallunaatut tuluttulluunniit allattoqarsinnaavoq. Allatta!-mut qulequtaq pingaarneq
NAPA juulimi aasaanerani sulinngiffeqassaaq
Kulturimut tapiisarfimmut qinnuteqartunut NAPA-mi, Nunat Avannarliit Piorsarsimassutsikkut Attaveqaatimi sulisut juulimi aasaanerani sulinngiffeqassapput. Tamanna isumaqarpoq juulimi qinnnuteqaatinik suliarisinnaanngilavut. Suliniutit aggustimi septembarimiluunniit ingerlanneqassappat taava innersuutigaarput qinnuteqaatit kingusinnerpaamik juunip 15-ianni nassiunnissaa, taamaalilluni qinnuteqaatit juunimi suliarineqarsinnaaniassammata. Sulinngiffeqarnerup kingorna qinnuteqarsinnaanermut killissarititaq tulliuttoq tassaavoq aggustip 15-iat. Qinnuteqaatisi tigunissaat qilanaaraarput aasarsiorluarisilu. Apeqquteqaruit
Creative Business Academy International Weekend taamaatiinnarneqarpoq
Ajuusaarutigalugu nalunaarutigerusupparput NAPA-p Creative Business Academy – International Mentor Weekend, nunanit tamalaanit peqataaffigineqartussaasimagaluartup apriilip naanerani pisussatut pilersaarutaagaluartoq taamaatitsiinnartariaqaratsigu. Taamaattoqalerneranut pissutaasoq tassaavoq pilersaarutaanngitsumik aaqqissuussamut aningaasartuutit annertuallaalerneri. Taamatut nalunaartariaqarnerput ajuusaarutigaarput, sapinngisarpulli tamaat iliuuseqaraluarluta allatut aaqqiissutissarsisinnaanngilagut. Aaqqissuussamut tapersersuinersi soqutiginninnersilu qujamasuutigaavut, ajuusaarpugullu maannakkut ilimagisasitut iliorsinnaannginnatta. Ingerlateqqiguk Nutaarsiassat takunngitsoorpigit?
ALLATTA! Inersimasunut: PIFFISSALIUSSAQ KINGULLEQ NOVEMBARIP 30-AT
Inersimasunut allannermik unammisitsineq, Allatta! Inersimasunut, siullermik ingerlanneqartumut peqataarusuttut kingusinnerpaamik novembarip 30-anni nassiussisussanngorput. Ajugaasup eqqugassai: 59.000 kr. Ajugaaniunnermut peqataarusuttut pikkorissaasuat, Sørine Steenholdt, septembarip 28-anni naggammik pikkorissaalluni workshoppertitsissaaq. Workshoppertitsineq ingerlanneqassaaq toqqaannartumik ALLATTA! Inersimasunut facebookiata qupperneratigut. NAPA, Nunani Avannarlerni Piorsarsimassutsikkut Attaveqaatip, Kalaallit Atuakkiortut, atuakkanillu saqqummertitsisarfik Arctic Media peqatigalugit