Arctic Winter Gamesimut piginnaasanik takutitsinermut misilitsinnerit aallartipput
Arctic Winter Gamesimut piginnaasanik takutitsinermut misilitsinnerit aallartissimalerput. Tasiilami inuusuttut 21-t inuusuttunut kulturip illuani peqataapput. Maanna tamanut piginnaasanik takutitsinermut misilitsinnerit digitaliusut aallartipput.
Arctic Winter Games 2024 Alaskami martsip qaammataani ingerlanneqassaaq. Kalaallit Nunaannit nunanillu peqataatitsisunit tamanit kulturimik takutitsillutik sinniisunik peqataatitsisoqassaaq, inuusuttut suliaannik isiginnaartitsisussanik. NAPA, kalaallit kulturilerinikkut ilanngussassaa pillugu maanna inuusuttunik arfinilinnik 14-19-inik ukiulinnik peqataasussarsiorpoq. Alaskamut angalareerpata kalaallit inuusuttut Islandimut Savalimmiunullu isiginnaartitsiartorlutik angalaassapput.
Tasiilami misilitsinnerit inuusuttunut kulturip illua aamma Eino Taunajik suleqatigalugit ingerlanneqarpoq. Inuusuttut 21 peqataapput ilaanissamut neriuuteqarlutik.
”Pikkugeqaara taama amerlatigisut piginnaasanik takutitsinermut misitsitsinermut peqataammata. Tamanna imminut tatiginninnermik upperinermillu pisariaqartitsivoq. Aamma naak maanngaanniit peqtaasussat marluinnaat nassaarineqartussaagaluartut tamassuma takutippaa piginnaassallit qanoq amerlatiginerat” oqarpoq Eino Taunajik, taassuma ulluinnarni Tasiilami inuusuttut suliaqarfigisarpai.
NAPA Tasiilami piginnaasanik takutitsinermut misilitsitsissalluni toqqarsimavaa inuusuttut Tunumeersut Kitaaneersullu Arctic Winter Gamesimut peqataanissaat qulakkeerumallugu Tasiilamit marlunnik peqataasussanik nassaarnissaq siunertaavoq. Inuusuttut sisamat sinneri peqataasussat, peqataarusuttut videomik 10. oktoberip tungaanut nassiussaatigut nassaarineqassapput.
Periarfissaqarputit
Inuusuttut tamarmik 14-19-ink ukiullit Arctic Winter Gamesimut peqataanissaminnut, aamma Nuummut, Alaskamut, Islandimut Savalimmiunullu angalanissamut periarfissaqarput. Peqataarusukkuit videokkut imminut ilisaritillutit immiusseriarlutit video nassiutissavait. Videot aallaavigalugit NAPA-p inuusuttut peqataasussat toqqassavai.
Ima peqataanissamut periarfissaqalissaatit
Videoliat 2-5 minutsinik sivisussuseqassaaq.
Tassani:
- Imminut ilisaritissaatit aamma sooq toqqassagitsit oqaluttuaralugu.
- Suna sinnattoraajuk? Illit ulluinnarni sulerisarpit? – Suna pikkoriffiginerlugu takutiguk!
- Nipilersortarpit? Erinarsortarpit? Qitinneq nuannaraajuk, eqaarsaarneq, aalanissat? Uaajeertarpit, tumerparpaartarpit, oqaluttuartartuuit imaluunniit quiasaarisartuuit?
Taava saqqummiutikkit takutillugit!
Video www.Wetransfer.com atorlugu uunga Kuluk@napa.gl nassiunneqassaaq kingusinnerpaamik ulloq 10. oktober nal. 20.
Illit videoliat Arctic Winter Games pillugu suliaqartunit taamaallaat takuneqassaaq.
Nassiussinissamut piffissami killigititaq ulloq 10. Oktober qaangiuppat, NAPA-mi Arctic Winter Games pillugu suliaqartut videot tamaasa isiginnaassavaat. Tamatuma kingorna nassiussisimasut ilaat apersorneqarumaarput peqataasussat toqqannginnerini.
Arctic Winter Gamesip kulturimut programmia ukunannga taperserneqarsimavoq Tips’ernermit Lotto’rnermillu aningaasat, Tapiissuteqarfik Sermeq, Eqqumiitsuliornermut Aningaasaateqarfik, Nuummi Najukkami Ataatsimiititaliaq, Nunani Avannarlerni Ministerit Siunnersuisooqatigiviisa VOLT-programmiat, Timersoqatigiit Kattuffiat aamma NAPA.
Nutaarsiassat takunngitsoorpigit?
Issittumi Suleqatigiinnermut Tapiissuteqartarfik pillugu webinari siulleq ingerlanneqarsimalerpoq
Nunani Avannarlerni Piorsarsimassutsikkut Attaveqaat / NAPA-p aamma Ilisimatusarfiup Issittumi Suleqatigiinnermut Tapiissuteqartarfik pillugu paasissutissiilluni ataatsimiinneq siulleq webinaritut ingerlappaat ulloq 18. januar 2022. Paasissutissiinermut peqataasut 70-it missaanniipput, ilaatigullu ukunanngaanneersuullutik Kalaallit Nunaat, Danmark, Norge, Finland aamma Island. Webinarimi tapiissuteqartarfik pillugu paasissutissiisoqarpoq, aamma peqataasut suliniutit pillugit apeqquteqarlutik. Apeqqutit NAPA-mit
NAPA kujataanut angalalersoq: Suliniutinnut taperneqarnissat pillugu naapitsigut
Eqqumiitsuliornermut kulturilerinermilluunniit suliniutimik pilersaaruteqarpit? Imaluunniit atuarfit nunat avannarlerni paarlaateqatigiikkusuppa? Taava maanna nunat avannarlerni taperneqarnissannut siunnersortinnissat periarfissaraat. Naapinnissamut attavigitigut. Septembarip aallartinneranni NAPA, Nunat Avannarlerni Piorsarsimassutsikkut Attaveqaat kujataani sumiiffinnut assigiinngitsunut atuarfiit qinnuteqarusuttunullu naapinniarlugit angalaartussaavoq. Peqatigiiffiit atorfeqarfiillu meeqqanut inuusuttunullu suliaqartartut naapikkusuppagut. Inuit ataasiakkaat assinganik suliaqartartut aamma naapikkusuppagut. Immaqa
Inuit aamma Sámi inuusuttaasaa siunissami suleqatigiinnerulissapput
Issittormiut akornanni inuusuttut misilittakkaminnik avitseqatigiipput suleqatigiilerlutillu, ataatsimoorfiusumik aamma siunissaminnik namminneq aqutsiffiulersumik Suliniut, Naapitta – Let´s meet! Septemberimi weekendimi siullermi ingerlanneqarpoq, tassani kalaallit saamillu inuusuttai Nuummi naapeqatigiipput Inuit aamma saamit kulturianni assigiinngissutsit assigiissutsillu misissorlugit. Weekendimi assigiinngitsunik sammisaqarput pulaartarlutillu kiisalu workshoppertoqarpoq saqqummiussisoqarlunilu, inuusuttunik siunissami suliniuteqarnissaannut aamma kulturit
Tarnima nammatai
Hanne Gukkilu 2018 aasaagaa Tivolimi naapimmata suliniut naalaatsornerinnakkut pinngorpoq. Eqqumiitsuliortut taakku marluk isumaqatigiipallapput arlaanik pilersitsisariaqarlutik. Isiginnaartitsinissamik isumassarsiaat erniinnaq pingasoqiusanngorluni ineriartorpoq, isiginnaartitsissut, saqqummersitsineq atuagarlu. ”Tarnima nammatai” isiginnaartitsissusiaavoq isiginnaartunut attaveqartoq. Isiginnaartitsissussap isiginnaartitsinermini inuttaaffissani ilikkareersimallugu isiginnaartitsiffissaminut iserpoq isiginnaariartorlu isiminik attaveqarfigilereerlugu. Qungujuppoq isiminillu ilassilluni, apererususulersitsilluni, ”ajunngik?” Isiginnaartitseqatissanili saakkamigit, isiginnaarianut