Qitittartoq Maliina Jensen ilaatigut NAPA-mit taperneqarluni nalinginnaasumit allaanerusumk avatangiiseqarluni qitinnermik Kate Lawrence peqatigalugu takutitsisimavoq, Nuummilu innuttaasut tupigusutsissimallugit.
Julip naanerani seqinniinnarani kiaannanngilaq, kisianni aamma tupinnaannartumik misigisassaqarsimavoq, tassa Maliina Jensenip qitinnermik suliniutini Dans over Hovedet, kalaallisut ima nutserneqarsinnaavoq qutsissumi qitinneq Kate Lawrence qiteqatigalugu ingerlassimavaa.
Grønlandsbankip iigaani kujammut sammisumi inuit biilit unittarfiannit qitittut quleriiaat arlalittut qutsitsigisumi qitittut tupinnaannartumik qitittut isiginnaarsinnaasimavaat.
Maliinap studiomi qitittarneq silami qitinninngortikkusussimavaa, isiginnaartitsisarfimmit annillugu illoqarfimmilu silami takusassianngorlugu, illup ilusaanut tulluussarlugu, inuillu saneqquttut tupigusutsillugit.
Qitinneq ulluni 28.-31. Juli ingerlasimavoq, Maliina Jensenimit Grønlandsbanken suleqatigalugu aaqqissuunneqarsimalluni.
Dans over Hovedet – en danseinstallation som får dig til at kigge op ukuninnga taperneqarsimavoq NAPA-Sermeq Fonden, Nunatta Isiginnaartitsisarfia, GNC Aps. aamma Vertical Dance Kate Lawrence.
Nutaarsiassat allat
NAPA juulimi aasaanerani sulinngiffeqassaaq
Kulturimut tapiisarfimmut qinnuteqartunut NAPA-mi, Nunat Avannarliit Piorsarsimassutsikkut Attaveqaatimi sulisut juulimi aasaanerani sulinngiffeqassapput. Tamanna isumaqarpoq juulimi qinnnuteqaatinik suliarisinnaanngilavut. Suliniutit aggustimi septembarimiluunniit ingerlanneqassappat taava innersuutigaarput qinnuteqaatit kingusinnerpaamik juunip 15-ianni nassiunnissaa, taamaalilluni qinnuteqaatit juunimi suliarineqarsinnaaniassammata. Sulinngiffeqarnerup kingorna qinnuteqarsinnaanermut killissarititaq tulliuttoq tassaavoq aggustip 15-iat. Qinnuteqaatisi tigunissaat qilanaaraarput aasarsiorluarisilu. Apeqquteqaruit
NAPA-p Kulturimut Tapiisarfianut Kalaallit Nunaannit tapiissutinik qinnuteqartut amerliartortut
2018-imiilli siullermeerluni NAPA-p Kulturimut Tapiissuteqarfianut qinnuteqartut nunatsinneersut Nunat Avannarlernut allanut sanilliullugit amerliartorsimapput. Tamanna ineriartorneq Kalaallit Nunaanni eqqamiitsuliornermik kulturimillu inuussutissarsiuteqartut akornanni ineriartorluartutut takussutissaavoq, NAPA-llu kulturikkut inissisimalluarnera aamma takussutissaavoq. 2023-mi NAPA, Nunani Avannarlerni Piorsarsimassutsikkut Attaveqaat Kulturimut Tapiissuteqarfianut qinnuteqaatinik katillugit 156-inik tigusaqarsimavoq. Qinnuteqartunit 156-iusunit 86-it Kalaallit Nunaanni najugaqarput,
Issittormiut sammiviliiffiat aamma nunani avannarlermiut nipaat Arctic Soundsimi Sisimiuni
NAPA-p Kalaallit Nunaanni nipilersornikkut pikialaaqatigiinnermi annerpaami Arctic Sounds Festivalimi Sisimiuni pisumi workshoppertitsinerni, attaveqarfeqalerfiusuni nunanilu avannarlernit nipinik tusarnaartitsinerni peqataaneranit oqaluttuaqArctic Sounds 2021 aprilimi sapaatip akunnerisa naanerini marlunni ingerlanneqarpoq. Kalaallit issittormiullu nipilersortartut eqqumiitsuliortullu Sisimiuni nipilersorneq, nipilersoqatigiinneq aamma nipilersornikkut piginnaasalinnik paarlaateqateqarneq ataatsimoorutigaat. Tusarnaartitsinernut tamarluinnarnut isissutissat nunguissimaneranni – tusarnaariarnissamut
Nunani Avannarlerni kalaallisut oqaloqatigiinnerit: Politikki
Eqqumiitsuliortut atugaasa pitsanngorsaaviginissaat anguniarneqarpoq, kisianni suut tamarmik aningaasaliiffigineqarsinnaanngillat, taama oqarpoq kulturimut naalakkersuisoq, Peter P. Olsen. Oqaloqatigiinneq takuuk imaluunniit tusarnaaruk. NAPA sapaatit akunnerini aggersuni Nunani Avannarlerni kalaallisut oqaloqatigiinnerit saqqummiukkumaarpaai. Immikkoortumi uani kulturimut naalakkersuisoq Peter P. Olsen, Inuit Ataqatigiineersoq oqaloqatigissavarput. Ilisarititsineq Qineqqusaartoqartillugu kulturilerisut eqqumiitsuliortullu qanoq pingaaruteqartiginerat atugaasalu