NAPA-p meeqqat inuusuttullu Qeqertarsuup Tunuani naapinniarai
NAPA Qeqertarsuup Tunuanut piffissami 3. juni – 18. juni 2021 angalassaaq.
NAPA-p atuarfiit ilaanni meeqqat inuusuttullu kiisalu ilinniartitsisut nunani avannarlerni periarfissaat pillugit oqaluttuutissavai kiisalu meeqqat sinnattui pillugit workshoppertissallugit.
Innuttaasut piumasut kulturimik suliniutaat aamma NAPA-p kulturimut tapiisarfia pillugit katersortarfinni siunnersussavai.
NAPA-p ammasumik siunnersuisarfia Tamassa innuttaat piumasut kulturilerinermik suliniuteqartut imaluunniit suliniuteqarniarlutik pilersaaruteqartut qinnuteqaateqarnissaannik, missingersuusiornissaannik aamma nunani avannarlerni suleqatissarsiornissaannik il.il. katersortarfinni siunnersorsinnaavai. Ataani takuuk illoqarfinni qaqugu katersortarfinniissasugut:
Ilulissat 3. – 6. juni
Ammasumik siunnersuineq Tamassa, Atuarfik Mathias Storchip aulaani tallimangorneq 4. juni nal. 18.00-20.00
Qasigiannguit 6. -8. juni
Ammasumik siunnersuineq Tamassa, Qasigiannguit katersortarfiani ataasinngorneq 7. juni nal. 18.00-20.00
Aasiaat 8.-10. juni samt 13.-15. juni
Ammasumik siunnersuineq Tamassa, Aasiaat katersortarfiani marlunngorneq 8. juni nal. 18.30-20.00
Qeqertarsuaq 10. -13. juni
Ammasumik siunnersuineq Tamassa, Qeqertarsuup katersortarfiani sisamanngorneq 10. juni nal. 18.00 – 20.00
Kangaatsiaq 15.- 18. juni
Ammasumik siunnersuineq Tamassa, Kangaatsiap katersortarfiani sisamanngorneq 17. juni nal. 18.00 -20.00
Nutaarsiassat allat
Qaanaamit Qaqortumut saqqummersitsineq: Atuakkiornermi inuusuttut nipaat oqaluttualiani ataatsimoortuni saqqummersinneqarput
Arfininngorpat Kalaallit Nunaanni atuakkialerinermi pisoq malugisarialimmik pisoqassaaq, NAPA-p suleqatit allat peqatigalugit, oqaluttualiat ataatsimoortut asseqanngilluinnartut iliuusissami Allatta! inuusuttunit piukkunnaatilinnit arfinilinnit allanneqarsimasut avammut saqqummersissammagit. Qaammatit arlallit tunniusimalluarlutik allareersut inuusuttut piginnaasaqarluartut qaqutigoortut nunatsinni atuakkialerinermut tunniussassaat ilanngullugit nuannaaqaluta ilisaritissavagut. Oqaluttualiat katersat taakku pinngorartitsinermut piginnaasaqarnerisa, oqaluttuallaqqinnerisa aamma pikkorinnerisa inerneraat, uagullu
NAPA eqqumiitsuliornermut kultoorimullu suliniutinik 520.000 koruuninik aningaasaliivoq
NAPA-p, Nunani Avannarlerni Piorsarsimassutsikkut Attaveqaatip siulersuisui februaarimi aalajangerput suliniutit tallimat immikkuullarittut aningaasaliiffiginiarlugit. NAPA-p Kulturimut Tapiisarfia eqqumiitsuliornermi kulturikkullu suliniutit arlallit meeqqanut inuusuttunullu, piujuartitsinermut aamma issittormiut sammiviliiffiat tunngassuteqartut aningaasatigut annertuumik tapiiffigineqarput. Qinnuteqaatinik tunniunnissamut piffissaliussaq 1. februar 2024 qaangiutinngitsoq NAPA qinnuteqaatinik pitsaasunik amerlasuniik tigusivoq, tamanna nunatsinni nunanilu avannarlerni
Allatta!-mik ajugaasimasoq Nunani Avannarlerni Siunnersuisoqatigiit 2021-mi atuakkiortunut nersornaasiuttagaannik nersornaasigaavoq
Nunani Avannarlerni Siunnersuisoqatigiit atuakkiortunut nersornaasiuttagaat siullermeertumik atuakkiortumut kalaallimut tunniunneqarpoq, novemberip aappaani Niviaq Korneliussen nersornaasiinermut ajugaammat. Isiginnaartitsisarfik Københavnimiittoq nipaaruteqqammilerpoq. Tina Dickow Helgi Jónsson, Vocal Linelu peqatigalugit ”Hjertestorm” appisimaareerlugu scenemit ingerlaqqammerpoq. Scenip saneraaninngaanniit Naalakkersuisut siulittaasuat Múte Bourup Egede Lagmandilu Bárður á Steig Nielsen, sassarput pissanganersuaqalerporlu. Savalimmiormioq kalaalerluunniit
NAPA Avannaanut paasisitsiniaalluni angalavoq
NAPA Avannaanut piffissami 24. august – 8. september 2021 angalavoq. NAPA-p meeqqat, innuttaasullu nunani avannarlerni periarfissaat pillugit oqaluttuutissavai, aamma meeqqat sinnattui pillugit workshoppertittassallugit. NAPA aamma nunani avannarlerni qinnuteqarfissat pillugit Tamassa aqqutigalugu ammasumik siunnersuisassaaq. Kiisalu innuttaasut nunani avannarlerni nuunnissamut, sulinissamut, suliffeqarfimmillu aallartitsinissamut aamma ilinniariarnissamut periarfissat oqaluttuarissallugit.