Nunat Avannarliit Nuummi Kulturisioqatigiinnerat

Nunat Avannarliit Nuummi Kulturisioqatigiinnerat tassaavoq eqqumiitsuliornermik kulturimillu qanorluunniit ittunik nalliuttorsiutiginninneq – Nunat Avannarliit qiterpiaat ungasillugu, kisianni aamma nunat avannarlermiut suleqatigiinnerisa anersaavat qanilluinnarlugu. 2015-imili Nunat Avannarliit Nuummi Kulturisioqatigiittarnerini nunani avannarlerni suleqatigiinnerup iluani eqqumiitsuliorneq kulturilu qanoq annertutigisumik pitsaassuseqarluni suleqatigiiffiusarnersoq pillugu takutsitsiffiusarpoq.

 

Oqaluttuarisaanermi Nuuk Nordisk Kulturfestivalit sisamassaat ullut sisamat pinngorartitsinermik pisoqarfiusut nuannersullu Kalaallit Nunaata illoqarfiisa annersaanni ingerlanneqareerluni naammassivoq, tassani nipilersorneq, isiginnaartitsisneq, takusassiatut eqqumiitsulianik allarpassuarnillu pisoqarfioreerluni. Kulturilerinerup silarsuaani ukiut kingulliit takisimapput taarlutillu, kisianni Nuuk Nordisk Kulturfestival 2021 piffissaq eqqorlugu ingerlanneqarsimavoq aamma ajunngitsumik ingerlalluni, tassami killilersorneqarujussuarnerit qaangiutereersimammata.  Taamaattumik festivali assut pingaaruteqartumik ilinniarfiusimavoq.

 

NNK ’21-mi kalaallit eqqumiitsuliortut katillugit 97-sit aamma nunanit avannarlernit allanit 70-it peqataasimapput.

 

Nunat Avannarliit Nuummi Kulturisioqatigiinneranni sapaatip akunnerani  kulturilerinermi eqqumiitsuliornerit assigiinngitsorpassuartigut aaqqissugarpassuit saqqummiunneqartarput. Tusarnaariat isiginnaariallu ilaatigut misigisinnaavaat: Nipilersornerit, isiginnaartitsinerit, assilialiat, ataatsimeersuarnerit, saqqummersitsinerit, atuakkiat, workshoppit, kulturilerisut/eqqumiitsuliortut suliatik pillugit oqaluttuarnerat allarpassuillu.

 

Kalaallit Nunaat Nunanut Avannarlermiunut Issittormiut pillugit “igalaajuvoq”. Nunarsuarmi qeqertat annersaata inissisimanera pissutigalugu sorpassuit tupinnartut nuannersorpassuillu pisarput – aamma eqqumiitsuliat tupinnarluinnartut pinngorartarlutik.

 

Festivalip qitiusumik naleqartitai:

  • Nunani Avannarlerni suleqatigiinneq
  • Peqataatitsineq
  • Pinngorartitseqatigiinneq
 
Nuuk Nordisk Kulturfestival tulissaanik aasalernerani ingerlanneqassaaq!
 

Piffissap taamaalinerani aput aareersimassaaq kiatsikkiartuaarlunilu. Qaamanerulersimassaaq illoqarfimmilu inuit qiimmakkiartoqqilersimallutik; Nuuk aalaalussaaq.
Anorersuarfiusanngitsumi taamaalillunilu timmisartut kinguartooqataanngiffianni aamma innaallagissap qamittoorfiusannginnerani festivalip ingerlanneqarnissaa qilanaaraarput.

 

Avataanit tikeraartussarpassuit nunat avannarliit allaneersut eqqumiitsuliortut kulturilerisullu aasaanerani Nuummukarunik silaginera peqqutigalugu amerlanernik takuniaanissaminnut tusarnaariarnissaminnullu periarfissaqassapput.

 

Festivalip tullia ingerlanneqassaaq 25. – 28. maj 2023.

 

NAPA festivalip 2023-mi tulliani aaqqissuunneranut ingerlanneqarnissaanullu akisussaasuussaaq.

 

Festivali Kommuneqarfik Sermersuumit NAPA-millu pigineqarpoq. Nuummi kulturikkut suliffeqarfippassuit qanimut suleqatigisarpai, ilaatigut: Kalaallit Nunaata Kulturikkut Illorsua Katuaq, Nunatta Isiginnaartitsisarfia, Nuummi Eqqumiitsulianik Saqqummersitsivik, Nunatta AtuagaateqarfiaNuutoqaq – Illoqarfiup Katersugaasivia, Nunatta Katersugaavia allarpassuillu.

 

Nunat Avannarliit Nuummi Kulturisioqatigiinnerat pillugu atuarnerusinnaavutit uani http://www.nnk.gl/