NAPA TUNU-mi
NAPA-p sulisui marluk assilialiortartoq Gudrun Hasle ilagalugu november 2020-mi Tasiilamukarput. Tasiilami inuusuttut namminneq kulturilerinermik suliarisinnaasatik pillugit aningaasaateqarfitsinnut qinnuteqarnissaannik ikiorusussimavagut ilitsersorusullugillu aamma sinnattui pillugit titartaasikkiartorsimallugit. Inuusuttut kulturimut illuanni IGDLO-mi atuisut inuusuttut naapisimaarsimavagut. Amerlanerit meeqqat atuarfiannik naammassinnissimapput, ilinniaqqinnissaminnillu suli pilersaaruteqarsimanatik.
Ullut marluk ingerlanerani inuusuttut ilagaagut, nunanilu avannarlerni ilinniagaqarsinnaanermut suliartorsinnaanerannullu (ass. Nordjobberisut) periarfissat pillugit saqqummiiffigisimallugit. Aamma NAPA-p kulturimut tapiisarfianut qinnuteqarnissamut atatillugu suliniutinik aaqqissuutaqarsinnaanerannik oqaluttuussimavagut.
Ullut marluk ingerlanerani inuusuttut ilagaagut, nunanilu avannarlerni ilinniagaqarsinnaanermut suliartorsinnaanerannullu (ass. Nordjobberisut) periarfissat pillugit saqqummiiffigisimallugit. Aamma NAPA-p kulturimut tapiisarfianut qinnuteqarnissamut atatillugu suliniutinik aaqqissuutaqarsinnaanerannik oqaluttuussimavagut.
Angut inuusuttoq terminalarbejderinngorusuttoq
Unnuit aappaanni Gudrun Hasle inuusuttut kulturimut illuani IGDLO-mi sinnattui pillugit workshoppertitsivoq. Gudrunip eqqumiitsuliamini ”assilialiani pisariunngitsuni aamma oqaaseqatigiinni oqaatsit naatsut atorlugit aamma misigissutsit annertuut ersersittarpai.” (Nuuk Kunstmusem)
Gudrunip saqqumeereernerani inuusuttut sinnattutik titartarlugillu qalipappaat, sinnattut annertuut mikisullu. Aalisariummiit, Hollywoodimi nammineq atip ulloriamut allanneqarnissaanit TERMINALARBEJDERINNGORNISSAMUT.
Sinnattut piviusunngortinniartarneri
Inuusuttut kulturimut illuani sulisut ilaata angutip inuusuttup qalipataa takuaa, ornillugulu sinnattua pillugu oqaloqatigalugu. Taassumalu sinnattuata oqaloqatigiissutiginerani sinnattuata piviusunngortinniarnissaa pillugu ikiorniarlugu neqeroorfigaa.
Kingorna Majoriamukarsimapput tassani terminalarbejderinngorniassaguni ingerlariaqqilluni ilinniagaqarnissamut qanoq periarfissaqarnersoq pillugu siunnersorti oqaloqatigisimallugu. Paasitinneqarsimapput Majoriami atualerluni karakteriminik pitsanngorsinnaasoq.
Inuusuttut ataasiakkaat piginnaasaannik patajaallisaaneq
IGDLO-mi sulisoq ilinniartitsisutut ilinniagaqarsimavoq Tasiilamilu Alivarpimi ukiut 2-t sulisimalluni.
Inuusuttut kulturimut illuanni IGDLO-mi perorsaasutut suliassaraa “inuusuttut ataasiakkaat /atuisut pisariaqartitaasa takunissaat aamma piginnaasaannik patajaallisaanissaq, taamaasillutik pitsaanerpaamik inuuneqarsinnaaleqqullugit. Uangalu takusinnaasattut atuisoq una ilinniagaqalernissaminik piareersimalersimavoq, neriunnarlunilu naammassinnikkumaartoq, taamaattuminguna ikiorniarsimagiga,” oqarpoq Magnus Kristiansen, Inuusuttut kulturimut illuanni IGDLO-mi sulisoq.
NAPA-p sinnattut pillugit workshoppertitsinermini angutip inuusuttup sinnattuanik piviusunngortitsiniaaqataasinnaanini nuannaarutigaa.
IGDLO-mi sulisup angut inuusuttoq Majoriami aallartinnginnerani matematikkimi qallunaatullu piginnaasaanik nutarterlugit eqqaaniarnissaanik ikiorniarlugu neqeroorfigaa. Taamaattumik ilinniagaqarnissamut siunnersortilu isumaqatigiissimapput angut inuusuttoq ullut 14-ini tulliuttuni nal. 8.00 IGDLO-mukartassasoq kaffilioriartorluni ullormilu suliassanik ikiuukkiartorluni, taava sulisup ilaatigut matematikkimi qallunaatullu atuartittarniarsimavaa.
Kikkut angusimavagut:
Atuarfiit: 17-it
Atuartut: 346-t
Ilinniartitsisut: 118-it
Kulturilerisut: 17-it
Tamassa: 39-t
Illoqarfiit nunaqarfiillu: 36-t 71-iusunit
* Illoqarfiit nunaqarfiillu amerlassusaat uannga pissarsiaraagut Naatsorsueqqissaartarfik
