NAPA – Nunani Avannarlerni Piorsarsimassutsikkut Attaveqaat Info Nordenimut ullup affaanut suliniutinut suleqatissarsiorpoq (Inuttassarsiuuteqqitaq)
Nunat tamalaat akornanneersut pillugit suliaqarfiusuni avatangiisini uummaarissuni sulerusussuseqarluarpit, aamma nunat killingisa akornanni paasissutissiisarnermik suliniutinullu aqutsinermut suliaqarnermik piginnaasaqarluarpit? Taava Info Norden Kalaallit Nunaat pillugu suliniutinut suleqatitut atorfik, Nuummi NAPA-p allattoqarfianiittoq qinnutigiuk, sulilerfiussaaq 1. januar 2025.
Info Norden aamma suliassat pingaarnerit pillugit
Info Norden tassaavoq NAPA-p digitalimik paasissutissiisarfia, intra-nordisk (nunat avannarliit akornanni) nuuttarneq pillugu sullissiviusoq. Info Norden nunani tulliuttuni nassaassaavoq Danmark, Finland, Savalimmiut, Kalaallit Nunaat, Island, Norge, Sverige aamma Åland. Info Norden nunat avannarliit akornanni nuuttarneq, sulineq aamma ilinniagaqarneq kiisalu suliffimmik aallartitsineq ingerlatsinerlu pillugit paasissutissiisarpoq, kiisalu nunat avannarliit akornanni qinnuteqartarfiit pillugit qarasaasiakkut onlinemik paasissutissiisarluni aamma inunnut ataasiakkaanut qanimut ilitsersuisarluni uku oqaatsit atorlugit kalaallisut, svensk, dansk, finsk, norsk, islandsk aamma tuluttut engelsk.
Info Nordenip suliassai immikkut ittumik piginnaatitsissummi allaaserineqarsimapput aamma akisussaaffinnut pingaarnernut tulliuttunut agguataarneqarsinnaallutik:
- Paasissutissiinermik suliaqarneq internettikut aamma inuit naapillugit ilitsersuineq
- Nunat killingisa akornanni aporfiit pillugit suliaqarneq, ilaatigut nunat akornanni aporfiusinnaasut pillugit NAPA-p allattoqarfianut nalunaaruteqartarnernik ilaqarpoq kiisalu Grænsehindringsrådet aamma suleqataasut attuumassutillit allat ikiorlugit
- Attaveqarfinnik ineriartortitsineq akileraartarneq, socialsikring (napparsimalersinnaanermut, suliffissaarussinnaanermut, erninermut il. il. atatillugu sillimmasiineq/ullormusiaqarneq), suliffeqarneq, ingerlaqqiffiusumik ilinniagaqarnerit pillugit attuumassutilinni oqartussani suliamut ilisimasalinnik akisussaaffeqartumik attaveqarfinnik ineriartortitsineq attassiinnarnerlu
- Info Norden pillugu paasissutissiisarneq aamma avammut nittarsaassineq
- Allattoqarfiup iluani suliassat, Info Norden pillugu ineriartortitsinermut allaffissornikkullu ingerlanneqarneranut tapersiisumik
Info Norden Nunani Avannarlerni Ministerit Siunnersuisoqatigiivinit aningaasalersorneqarpoq aamma nunani avannarlerni suleqatigiinnermut ministerit akisussaaffiisa ataanniilluni.
Info Norden pillugu paasisaqarnerorusukkuit takuuk www.norden.org/info-norden
Illit pillutit
- Paasissutissiisarnermik naleqquttumik misilittagaqarneq
- Nunat avannarlerni imaluunniit nunat tamalaat akornanni suleqatigiinnermik aamma nuttarneq pillugu suliaqarsimanermik misilittagaqarneq iluaqutaassaaq, kisianni piumasaqaataanngilaq
- Nammineersinnaassuseqarlutit aamma suleqatigiinni sulinissamut piginnaasaqarputit
- Suliniutinik aqutsinermut aamma internettikkut sulisarnissamut attaveqarfinnullu attaveqarnissamut misilittagaqarputit
- Suleqatiginnikkusuttuuvutit, sullarillutit aamma avatangiisini ulapaarfiusuni sulinissaq nuannaralugu.
NAPA-p allattoqarfiani atorfininnissamut piumasaqaataavoq nunani avannarlerni naalagaaffiit ilaanni innuttaanissaq. Aammattaaq kalaallisut, skandinaviamiut oqaasiannik ataatsimik aamma tuluttut oqalussinnaallutillu allassinnaassaatit.
Neqeroorutigaagut
Suliffik pissanganartoq, sulinermilu avatangiisit ineriartorfiusut ilinnut neqeroorutigisinnaavagut. Nunani avannarlerni tamani suleqateqassaatit aamma Nunani Avannarlerni attaveqarfinnut pingaaruteqartunut attaveqassallutit. Atorfimmut atatillugu Nunani Avannarlerni angalasoqartarpoq.
Atorfik ullormut affarmut suliffiuvoq (sapaatip akunneranut akunnerit 20-t) sumiiffimmi atugassarititaasut tungavigalugit aamma ukiunut sisamanut piffissami killiligaalluni, sivitsorneqarnissaalu periarfissaqarluni. NAPA – Nunani Avannarlerni Piorsarsimassutsikkut Attaveqaat, Nuummiittoq suliffiuvoq.
Qinnuteqarnissat qilanaaraarput
Atorfik pillugu apeqqutissaqaruit attavigiuk Pisortaq Susanne Andreasen susanne@napa.gl imaluunniit mobilikkut +299 588849. Atorfininnermut atugassarititaasut pillugit paasissutissat pillugit attavigiuk hr@norden.org
Qinnuteqarnissamut killigititaq
Qinnuteqaat, CV aamma allagaatit allat naleqquttut , uatsinnut nassiunneqassapput kingusinnerpaamik 15. november aamma ataatsimut nassiunneqassallutik uunga www.norden.org/da/karriere.
Assigiinngisitaarneq
Peqataatitsilluni atorfinitseriaaseq atortarparput aamma inuit qanorluunniit tunuliaqutallit tamaasa qinnuteqarnissaannut kajumissaartarlugit. Assigiinngitsunik isiginneriaatsit, misilittakkat kulturillu pingaartippagut, aamma upperaarput nunani avannarlerni takorluukkagut anguniagassagullu angussagutsigit sulisut pikkorissut assigiinngitsunik inuunermi misilittagallit pingaaruteqarluinnartuusut.
NAPA – Nunani Avannarlerni Piorsarsimassutsikkut Attaveqaat suliffeqarfiuvoq kulturileriffik Nunani Avannarlerni Ministerit Siunnersuisoqatigiivisa ataanniittoq. Nunani Avannarlerni Ministerit Siunnersuisoqatigiivisa takorluugaannut, Nunat Avannarliit 2030-mi nunarsuarmi peqataatitsinerpaaffiussasut piujuartitsiffiunerpaaffiusussallu pillugit tarkoluugaannut tapersersuillluta sulivugut.
Nutaarsiassat takunngitsoorpigit?
Issittumi Suleqatigiinnermut Tapiissuteqartarfik Kalaallit Nunaata tiguaa
10 millionit danskit koruunii. Tassa Nordisk Rådgivningskomité for Arktis (NRKA)-p Issittumi piujuaannartitsinermik suliniuteqartunut ukiumut agguaattagassai. Pulje ammasoq ukiumut aalajangerneqartassaaq, aningaasartassaviillu decemberimi aalajangiunneqartassapput. Issittumi Suleqatigiinnermut Tapiissuteqartarfik Kalaallit Nunaata 2024-p tungaanut tigussagaa Nunani Avannarlerni Siunnersuisoqatigiit 73-issaannik ataatsimeersuarneranni Nunat Avannarliit Ministeriisa aalajangerpaat. Kalaallit Nunaata Nunat Avannarliit Suleqatigiinnerannut Naalakkersuisuata
Karsi imaaruppoq
NAPA ukiup kingulliup ingerlanerani 2,8 millionit koruuninik agguaassisimavoq, maannalu aningaasaliissutissat nungupput. Taamaalilluni aamma tapiissutisinissaq, decembarip 15-iat nallertinnagu qinnuteqarfiusussaagaluartoq pisinnaajunaarpoq. NAPA ukioq kingumut qiviarlugu naammagisimaarinnippoq. Tunillaassuuttoqarnera pissutigalugu sukaterinernik killilersuinernillu pisoqarsinnaanera ilimagineqarsinnaasarsimagaluartoq, kulturilerisut suliniutinik pissanganartunik suliaqartut aningaasanik taperneqarnissamik qinnuteqarsimasut amerlasimaqaat. Suliniutit annerpaat marluk, tassalu Nuuk International Film
Erniinnaq 15. februarinngussaaq!
Qinnuteqarnissamut killissarititaasoq 15. februar 2022 qanilliartorpoq, NAPA-llu aamma Ilisimatusarfiup paasissutissiinissamut qaaqquaatit: Piffissaq 18. januar nal. 10.00 Kalaallit Nunaanni / nal. 14.00 skandinaviami Ilisimatusarfiup auditoriaani takussaagut. Aggersinnaanngikkuit Facebookikkut streamerinermut peqataasinnaavutit. Aningaasaateqarfik pillugu apeqquteqarsinnaavutit, qanoq qinnuteqartarpat, qinnuteqaatit qanoq naliliiffigineqartarpat aamma qanoq ingerlaqqittoqarnissaa pillugu tusarfiginissaanut periarfissatsialassuuvoq. Qanorluunniit apeqquteqarsinnaavutit,
NAPA-p kulturimut tapiisarfianut nutaamut qinnuteqaat siulleq tigusimavaa
NAPA nutaamik nittartagartaarpoq nutaamillu Kulturimut tapiisarfimminut qinnuteqartarfittaarluni. Nittartagaq nutaaq atulerniariartoq qinnuteqaat siulleq takkuppoq: Ilulissani Maniitsumilu meeqqanik inuusuttunillu pinngorartitsinikkut workshoppertitsineq pillugu qinnuteqaat. Qinnuteqartarfiup nutarsarneratigut NAPA-mut qinnuteqarneq ajornannginnerulerpoq. NAPA-p nittartagartaavani ilaatigut suliniutit taperneqarsimasut pillugit atuartoqarsinnaavoq aamma nammineq qinnuteqaatissamut isumassarsiortoqarsinnaalluni. Oqaatsit soorunami pingasut atorlugit atuartoqarsinnaavoq: Kalaallisut, skandinaviamiusut tuluttullu.