Naapitta – Let’s meet! NAPA Sorlak-lu Nuummi inuusuttunik saamit inuusuttut naapinnissaanut kulturikkut avitseqatigiinnissaannullu ujaarlerput
NAPA, Nunani Avannarlerni Piorsarsimassutsikkut Attaveqaat aamma Sorlak Dansk Ungdomsfællesråd peqatigalugu Saamit kulturikkut avitseqatiginissaanut suleqatigiipput.
Nuummi inuusuttunut periarfissatsialak. NAPA, Nunani Avannarlerni Piorsarsimassutsikkut Attaveqaat aamma Sorlak, Kalaallit Nunaanni meeqqat inuusuttullu siunnersuisoqatigiiffiat, Dansk Ungdoms Fællesrådi peqatigalugu Nuummi inuusuttut saamillu inuusuttut kulturikkut avitseqatigiinneq pillugu suleqatigiipput.
“Naapitta – Let’s meet!”-ip siunertarivaa kulturerput, Sámi-llu kulturiat ilinniarnerani nunap inoqqaavisa akornanni ilisimasaqalernerulernissaq attaveqatigiinnerulernissarlu.
Avitseqatigiinnermi neriuutigaarput suleqatigiinnermik pingaarutilinnik pilersitsinissaq, aammalu qulequttanik pingaarutilinnik eqqartueqatigiinnissaq – ilaatigut nunap inoqqaavisa pisinnaatitaaffii, inuiaqatigiinni unammillernartut aammalu silap pissusaata allanngoriartornera oqaloqatigiissutigineqarsinnaallutik.
Taamaammat Nuummi inuusuttunik kulturikkut avitseqatigiinnermut peqataarusuttunik ujaarlerpugut.
Peqataaniaruit 18-it 30-illu akornanni ukioqassaatit, Nuummi najugaqassaatit peqatigiiffimmullu kattuffimmulluunniit arlaannut attuumassuteqassallutit.
Ataatsimut Kalaallit Sámi-llu kulturiat ilinniarfigalugit misigisaqarfigissavagut, ilaatigut Nuummi katersugaasiviit, ornitassallu allat pulaartassallugit
Workshoppertitsissaagut, aamma suleqatigiinnik pilersitsinissamut piffissaqartoqassaaq. Projektinik ingerlatsineq aammalu tapiissutissanik qinnuteqartarneq pillugu saqqummiisoqassaaq
Sumi ingerlanneqassava: Inuk Hostels, nerisassaqassaaq ullaakkut, ullup qeqqanut unnukkorsiutillu. Peqataaneq akeqanngilaq. Peqataanissamut qinnuteqarnermut immersugassaq: ´Naapitta! – Let’s Meet!´-mut qinnuteqarneq
“Naapitta – Let’s meet!”-imi peqataanermi aamma “Ungetinget 2023”-i peqataaffigisussanngussavat. Taanna novembarip 10-niik 12-ianut Oslo, Norgemi ingerlanneqassaaq.
Tassani pisumi suleqatigiinneq, misilittakkanik avitseqatigiinneq, inuusuttut nunani avannarlerneersut amerlanerusut peqatigalugit ingerlanneqassaaq.
Ungetinget 2023-mut peqataaneq aamma akeqanngilaq, angalaneq unnuineq nerisassallu isumagineqarumaarput. Itisunerusumik paasisaqarnerorusukkaanni attavissat: karenol@hotmail.dk imaluunniit maannguaq@napa.gl.
Naapitta! – Let’s Meet! Dansk Ungdoms Fællesråd – DUF, Nunani Avannarlerni Piorsarsimassutsikkut Attaveqaat – NAPA taavalu SORLAK-miit aaqqissuunneqarpoq.
Nutaarsiassat takunngitsoorpigit?
Nunani Avannarlerni Siunnersuisoqatigiit nersornaasiuttagaannik nersornaaserneqarnissamik innersuussaasimasut naapikkit
Ulloq 14. April Nunani Avannarlerni Siunnersuisoqatigiit Atuakkiortunut nersornaasiuttagaannik nersornaaserneqarnissamik innersuussaasimasut atuakkiortut livestreamikkut oqaloqatigineqarneri nangeqattaartut nutaat aallartissapput. Sapaatit akunneri tamaasa atuakkiortut atuakkiaminni eqqartugaat soorlu inuunermi aniguineq, silanngajaarneq, attassuteqaatit, angalajumatussuseq, pisinnaajunnaarneq aamma allat atuakkiaminni allaaserisimasaat oqaluuserineqartassapput. Nersornaasigassatut innersuussat aamma atuffassisassapput. Ukioq manna atuakkiatik pillugit nersornaasigassatut innersuunneqartut Nunanit
Eqqumiitsuliorneq ataatsimoortitsisarpoq
Eqqumiitsuliorneq ataatsimoortitsisarpoq Eqqumiitsuliorneq kulturilu akiuussinnaanermut tunngatillugu oqallinnermi tamanna inerniliunneqarpoq. Ukioq manna NAPA-p Unnummi Kulturisiorfimmi internetikkut aaqqissuussivoq. Eqqumiitsuliortut kulturimillu aaqqissuussisut nunanit tamalaaneersut arfinillit qaaqquneqarput eqqumiitsuliornermut kulturimullu isiginnittaatsiminnik oqaluttuarinissaannut. NAPA-p pisortaa Susanne Andreasen internetikkut aaqqissuussinermut aqutsisuuvoq, oqaloqatigiinnerlu uani isiginnaarneqarsinnaavoq. Kuupik Kleist, politikeriusimasoq eqqumiitsuliortorlu misilittagaqarluartoq, aaqqissuussinermut peqataavoq oqaloqatigiinnerlu
Nunatsinniit nutaaliorlutik aallarniisut nunarsuaq tamakkerlugu aaqqisuukkami peqataasut
Bolt Lamar aamma Angunnguaq Larsen nunatsinneersut 4.-5. juni nunat assigiinngitsorpassuit peqataaffigisaanni aaqqissuussami Creative Business Cup-mi peqataapput. Creative Business Cup nunat tamalaaniit nutaaliornermik aallarniisut katerinnittarfiuvoq tassanilu aaqqissuussaq niueqatigiinnissamut attaveqaqatigiissinnaalernissamullu periarfissiisarpoq. Kalaallit Nunaat kulturilerinermut nutaaliornermut tunngasuni pikkorissut amerlapput. Taakkulu nutaaliortartuni ilaat aallarniisuupput inuussutigalugulu. Nunani allani niueqateqarnissaq attaveqaqateqarnissarlu
NAPA-p kulturimut tapiisarfianut nutaamut qinnuteqaat siulleq tigusimavaa
NAPA nutaamik nittartagartaarpoq nutaamillu Kulturimut tapiisarfimminut qinnuteqartarfittaarluni. Nittartagaq nutaaq atulerniariartoq qinnuteqaat siulleq takkuppoq: Ilulissani Maniitsumilu meeqqanik inuusuttunillu pinngorartitsinikkut workshoppertitsineq pillugu qinnuteqaat. Qinnuteqartarfiup nutarsarneratigut NAPA-mut qinnuteqarneq ajornannginnerulerpoq. NAPA-p nittartagartaavani ilaatigut suliniutit taperneqarsimasut pillugit atuartoqarsinnaavoq aamma nammineq qinnuteqaatissamut isumassarsiortoqarsinnaalluni. Oqaatsit soorunami pingasut atorlugit atuartoqarsinnaavoq: Kalaallisut, skandinaviamiusut tuluttullu.