NAPA-p Kulturimut tapiisarfia
NAPA-p Kalaallit Nunaanni Nunanilu Avannarlerni kulturikkut inuuneq tapiisarfiit marluk aqqutigalugit tapersersorpai: Angalanermut tapiissutit aamma suliniutinut tapiissutit.
NAPA ukiumut kulturikkut suliniutinut 3 millionit DKK missaannik aningaasaliisarpoq.
NAPA-p Kulturimut tapiisarfiata nunani avannarlermiut imaluunniit issittormiut kulturilerisut akornanni pinngorartitsinikkut suliniutit suleqatigiiffiusut tapersersortarpai. Suliniutit meeqqanik inuusuttunillu peqataatitsisut suliaqartsitsisullu aamma piujuartitsinermik ukkataqartut immikkut ittumik aalluppagut. Kulturimut tapiisarfiup Nunat Avannarliit akornanni suleqatigiinnermik, pinngorartitseqatigiinnermik paarlaasseqatigiinnermillu suliniutaasut salliutittarpai.
Kulturikkut suliniutit angalanerillu imaattut tapiiffigisarpagut:
- Nunani avannarlermiut aamma/imaluunniit issittormiut kulturilerisut akornanni pinngorartitsinikkut suleqatigiinneq siuarsaane
- Meeqqanik inuusuttunillu peqataatsitsisut suliaqartitsisullu
- Issittormiunut tunngasut Nunani Avannarlerni kalaallit kulturilerisut aqqutigalugit siuarsaaffiginissaat
- Avatangiisitigut, isumaginninnikkut imaluunniit unammillersinnaanikkut piujuartitsisut
- Paasisaqarnerorusukkuit uunga attaveqarit:
- NAPA
- napa@napa.gl
Qinnuteqarniaruit Nunani Avannarlerni najugaqartuussaatit. Ingerlatsineq tapersersorneq ajorparput, kisianni kulturikkut inuunermik ingerlatsisut pioreersut tapersersortarpagut. Ingammik nunat avannarliit eqqarsaatigalugit nutaaliortut / nunani avannarlerni nutaamik suleqatigiiffiusut.
Inuuniutigalugu, ilaatigut inuuniutigalugu aamma inuuniutiginagu kulturilerisut tapersersortarpagut, aningaasaatittalu ilaat NAPA-p nammineq suliniutaanut atorneqartarput. Tassunga atatillugu nutaanik suleqateqalernissarput isumassarsitinneqarnissarpullu soqutigisuaarnnarparput.
Nunat Avannarliit tassaapput: Danmark, Sverige, Åland, Norge, Finland, Savalimmiut, Island aamma Kalaallit Nunaat. Tamatuma saniatigut suliniutit nunanut baltiskiusunut kiisalu nunanut kitaanut sanilitsinnut, Canadamut Alaskamullu qitiutitsisut NAPA-p tapersersortarpai.
Qinnuteqarneq
NAPA-mut suliniut aallartitsinnagu minnerpaamik qaammatit marluk sioqqullugit qinnuteqaatit nassiutissavat. 100.000 koruuninik imaluunniit sinnerlugit qinnuteqaatit siulersuisut nalilertarpaat. NAPA-p siulersuisui ukiumut marloriarlutik ataatsimeersuartarput – martsimi aamma augustimi – taamaattumillu qinnuteqaatit 100.000 koruuninik imaluuniit sinnerlugit qinnuteqaatit NAPA-mut kingusinnerpaamik 1. januar imaluunniit 1. juni nassiunneqareersimassapput.
Malugiuk, 100.000 koruunit sinnerlugit qinnuteqaatit kisimik siulersuisunit suliarineqartarput. Taakku ataallugit qinnuteqaatit NAPA-p suliarisarpai tiguneqarnerisalu kingorna sapaatit akunnerisa arfineq-pingasut iluanni akineqartarput.
Malugiuk
NAPA-mi kulturikkut suliniuterpassuarnut uagut qitiutitatsinnut tunngassuteqartut tapiiffigisarpagut, kisianni aamma kulturimut tunngasut allat suliniuteqarfiit NAPA-p Kulturimut tapiisarfianit aningaasaliiffigineq ajorpagut ukuusut:
- Peqatigiiffiit kattuffiillu ingerlanneqarnerat amigartoorutilluunniit
- Ilisimatusarnerit (taamaattorli pinngorartitsinermut tunngasut taperneqarsinnaapput)
- Suliniutit angalanerillu timersornermut tunngasut
- Suliniutit aalajangersimasumik piffissaligaanngitsut
- Suliniutit suliffeqarfiilluunniit aningaasatigut iluanaaruteqarnissamik siunertallit imaluunniit taperneqartumut iluanaaruteqartitsisussat
- Suliniutit naammassereersut, imaluunniit aallartereersut
100.000 kruunit ataallugit qinnuteqarniaruit, qaqugukkulluunniit qinnuteqarsinnaavutit – qinnuteqaqqinniaruit una piffissarititaasoq nallertinnagu qinnuteqassaatit: