Apeqqut: NAPA-p suliniutit qanoq ittut tapersersortarpai? 

Ak: NAPA-p kulturikkut tapiissuteqartarnini aqqutigalugu suliniutit nunani avannarlerni issittumilu suliaqartut akornanni suleqatigiinneri tapiisarpoq, taakkulu tapiisarfiup piumasaqaatinik ataatsimik amerlanerusunillu naammassinnissinnaapput. 

Siornatigut suliniutit tapersersorsimasavut uani takusinnaavatit. 

Apeqqut: Qinnuteqaammi ikiorneqarnissaq pisariaqartippara, kina attavigisinnaavara? 

Ak: NAPA-mit siunnersorneqarnissamut periarfissaqarputit. Qinnuteqannginnermi siunnersoqqusinnaavutit. 

Nittartakkatsinni attaveqarfigisinnaasatit takusinnaavatit. 

Apeqqut: Qinnuteqaatima sumut killinnera qanoq paasisinnaavara? 

Ak: Qinnuteqarnermut atortorissaarut GrantOne atorlugu qinnuteqarnerit malinnaaffigisinnaavat. https://napa.grant.nu/profile/#/login 

Siullermik GrantOne-mi atuisutut nalunaartariaqarputit.Qinnuteqaatit nassiukkukku eqqaamajuk GrantOne aqqutigalugu suliniutit qinnuteqaatilluunniit pillugit NAPA-mut attaveqaraangavit. Attaveqaqatigiinneq GrantOne atorlugu pitsaanerusumik ikiorsinnaassavatsigit. 

Apeqqut: Sooq qinnuteqaatima normua toqqortariaqarpara? 

Ak: NAPA ukiut tamaasa qinnuteqaatinik hundredelinnik tigusaqartarpoq, qinnutaasullu tamarmik eqqortumik ilisarnaateqarnissaat qulakkeerniarlugu qinnuteqaatip normua eqqortoq pisariaqartipparput. Taamaammat: Normut toqqoruk, qinnuteqaatit pillugu NAPA attavigigaangakku normoq ilanngussavat.   

Apeqqut: Qinnutera qanoq kikkunnillu nalilersorneqartarpa? 

Akissut: 

1) 50.000 koruunit ataallugit pisortaq 

2) 50.000 koruunit 100.000 koruunillu akornanni NAPA-p siulersuisuini siulittaasoq NAPA-milu pisortaq 

3) 100.000 koruunit 200.000 koruunillu akornanni NAPA-p siulersuisui 

Qanoq qinnuteqarsinnaanerit pillugu paasisaqarnerorusukkuit ugguuna tooruk. https://napa.gl/kulturimut-tapiisarfik/napa-p-kulturimut-tapiisarfia/qinnuteqarnissamut-killissarititaasut-aamma-periuseq/ 

Apeqqut: Kina Kulturikkut tapiissuteqartarnissamut piumasaqaatinik aalajangersaasarpa? 

Ak: NAPA kulturimut tunngasunik suliaqartuuvoq Nunani Avannarlerni Ministerit Siunnersuisoqatigiivisa ataaniittoq, kulturimullu tunngatillugu periusissiartik tunngavigalugu suliuaannarpoq. Kulturimut tapiissuteqarnissamut pilersaarutit tunngavigisassallu Kulturimut Ataatsimiititaliamit atorfilittanit akuerineqartussaapput. Nunani Avannarlerni Ministerit Siunnersuisoqatigiivi pillugu atuarnerugit. https://napa.gl/uagut-pilluta/nunat-avannarliit-siunnersuisoqatigiivi/ 

Apeqqut: Suliniut aallartitereernikuuara, aningaasanik qinnuteqarfigisinnaavara? 

Ak: Naamik, suliniutit aallartitereersimappat NAPA-mit aningaasaliiffigineqarsinnaanngilaq. 

Apeqqut: Suliniuteqarnissannut qanoq siusitsigisukkut qinnuteqartariaqarpunga? 

Ak: Naliginnaasumik suliniutit aallartinnissaat qaammatit pingasut sioqqullugu qinnuteqarsinnaavutit. Uani paasisaqarnerusinnaavutit: https://napa.gl/kulturimut-tapiisarfik/napa-p-kulturimut-tapiisarfia/qinnuteqarnissamut-killissarititaasut-aamma-periuseq/ 

Apeqqut: Kulturikkut suliniuteqarnissannut missingersuusiornermi NAPA-mit ikiorneqarsinnaavunga? 

Ak: Missingersuusiorneq qanoq allannissat pillugu siunnersuisinnaavugut. Allaffitsinnut pulaarnissannut, sianernissannut e-mailitsinnilluunniit nassitsinissannut tikilluaqqusaavutit. 

Nittartakkatsinni attaveqarfigisinnaasatit takusinnaavatit. https://napa.gl/uagut-pilluta/sulisut/ 

Apeqqut: NAPA-p missingersuusiornermut najoqqutassiaa qanoq atorsinnaavara? 

Ak: NAPA-p missingersuusiornermut najoqqutassiaa atorsinnaavat imaluunniit nammineq missingersuusiorsinnaavutit. NAPA-p missingersuusiornermut najoqqutassiaa najoqqutassiaannaammat, suliniummut tulluartumut allanngortissinnaavoq. Ikiorneqartariaqaruit saaffigisinnaavatsigut. 

Apeqqut: Aningaasartuutinik naatsorsuininni suut eqqarsaatigisariaqarpakka? 

Ak: Pilersaarusiornermut aningaasartuutit tamarmik missingersuummi ilanngunneqartariaqarput. 

• Angalanermut aningaasartuutit (assersuutigalugu angallanneq unnuisarnerlu)
• Ulluinnarni aningaasartuutit (nerisassat imigassallu)
• Atortut atortorissaarutillu (assersuutigalugu atortorissaarutit atisallu)
• Akissarsiat
• Ataatsimiinnerit aningaasartuutaat (assersuutigalugu ataatsimiittarfiup attartornera)
• Attaveqaqatigiinneq (assersuutigalugu naqitaaqqat nittarsaassinermullu naqitat)

NAPA-p missingersuusiornermut najoqqutassiaa uani atuarsinnaavat. 

Apeqqut: Kikkut suliniummut peqataatissavakka? 

Ak: Minnerpaamik ataatsimik Kalaallit Nunaanni najugaqartumik suleqateqartoqartariaqarpoq, taannalu minnerpaamik ataatsimik nunanit avannarlerneersumit Sverigemi, Norgemi, Danmarkimi, Finlandimi, Islandimi, Savalimmiuni Ålandimilu najugaqartumit suleqatigineqassaaq. 

Suliniummi kalaallit nunallu avannarliit suleqataatillugit nunanit allanit suleqateqarsinnaavutit.  

Nunani avannarlerni suleqatissarsiorninni ikiorneqartariaqaruit attavigisigut. 

Apeqqut: Nunani avannarlerni nuna ataasiinnaq suleqatigigaluarukku NAPA-mit tapiiffigineqarsinnaavunga?  

Ak: Naamik, suliniummi nunanit avannarlernit minnerpaamik marlunnit peqataasoqartariaqarpoq, aappaalu Kalaallit Nunaanni najugaqartariaqarpoq. 

Apeqqut: Sooq nunanit allaneersut suleqatigisariaqarpakka? 

 Ak: NAPA nunani avannarlerni suliniaqatigiiffiuvoq, najoqqutassiallu piumasaqaatillu Nunani Avannarlerni Ministerit Siunnersuisoqatigiivinit aalajangersarneqartarput. NAPA nunani avannarlerni suleqatigiinnermik siuarsaasarpoq. 

Nunat Avannarliit Ministeriisa Siunnersuisoqatigiivi pillugit paasissutissaqarpoq uani. 

Apeqqut: Nunani avannarlerni/kalaallini suleqatissassarsiorninni NAPA-mit ikiorneqarsinnaavunga? 

Ak: Aap, Nunani Avannarlerni, Issittumi Kalaallit Nunaannilu kulturikkut suliaqartunik NAPA attaveqarluartuuvoq.  

Nittartakkatsinni attaveqarfigisinnaasatit takusinnaavatit. 

Apeqqut: Suna pillugu NAPA saaffigisinnaavara? 

Ak: Kulturikkut tapiissuteqartarnissamut tunngatillugu ikiorusuttarpavut. Uku pillugit attavigisinnaavatsigut: 

• Missingersuusiornermut
• Pilersaarusiorneq 
• Suleqatissarsiorneq 
• Attaveqaqatigiinneq 
• Nalunaarusiaqarneq 
• Qinnuteqartarfik Grantone

 Nittartakkatsinni attaveqarfigisinnaasavut takusinnaavatit. 

Apeqqut: NAPAp ilisarnaataa sumi atorsinnaavara? 

 Ak: NAPA-mit tapiiffigineqaruit suliniutit pillugu, assersuutigalugu nittartakkatigut attaveqaqatigiittarfinni apersorneqarninniluunniit, NAPA eqqaajuartariaqarpat.  

Aammattaaq qinnuigissavatsigit suliniutit pillugu paasissutissat, soorlu nittartakkatigut imaluunniit naqitaaqqani, NAPA-p ilisarnaataa ilannguteqqullugu. 

Logo/NAPAp ilisarnaataa uani nassaarisinnaavat. 

Apeqqut: NAPA-p Kulturimut Tapiisarfik aqqutigalugu aningaasat qanoq amerlatigisut agguaattarpai?  

Ak: Ukiumut 2,450.000 koruunit missaat. Nunani Avannarlerni Ministerit Siunnersuisoqatigiivisa aalajangertarpaat ukiumut aningaasat qanoq amerlatigissanersut.  

Apeqqut: NAPA aqqutigalugu aningaasanik qinnuteqaruma allatut/allanit aningaasalersorneqartariaqarpunga?  

Ak: Naamik, tamanna piumasaqaataanngilaq. NAPA-muinnaq tapiissuteqarnissamut qinnuteqarsinnaavutit. Ilaatigut suleqatinit aningaasaateqarfimmillu allanit pissarsiatit siammarternissaannut iluaqutaasinnaapput taamaalillunilu aningaasanik pissarsinissat qulakkeerneruniassammat. 

Tapiisarfiit allat uani takusinnaavatit.