Nunat avannarliit Sisimiuni suleqatigiittut: NAPA-p Arctic Sounds Festival tapersersorpaa
Arctic Sounds Sisimiuni ukiumoortumik nipilersornermik festivalertitsisarpoq, tassani Kalaallit Nunaannit, Nunanit Avannarlerneersunit, Issittumit nunarsuarmilu sumiiffinnit allanit tusarnaartitsisarput. Sapaatip akunnerani festivalimi nipilersorneq, aaqqissuusinernik, workshoppit allallu sammineqassapput – ilaatigut NAPA-p nammineq aaqqissuussaa – Sisimiuni nunami alutornartumi.
Festivalip Kalaallit Nunaata nunallu allat akornanni nipilersorneq malunnartinniarlugu aammalu pinngorartitsinerup teknikkikkullu piginnaasat iluanni suleqatigiinnissamut misilittakkanillu avitseqatigiinnissamut inissaqartitsivoq. Taamaaliorniarluni festivalip inuit ataatsimoortittarpai kalaallit nipilersortarfiat uummaarissoq pillugu attaveqaqatigiinnissamut paasissutissiinissamullu. Ukioq manna eqqumiitsuliortut Savalimmiuneersut, Sverigemeersut/Iranmeersut Danmarkimeersullu nunatsinneersut nipilersortartut peqatigalugit takutitsissapput.
Arctic Sounds Festivalip anguniagai nunani avannarlerni naleqartitanut naapertuupput
NAPA-p Kulturimut tapiissuteqartarnermigut festivali tapersersorpaa. NAPA-p tapiissuteqartarnerani suliniutit nunani avannarlerni issittumilu-avannarlerni suliaqartut, soorlu inuit ataasiakkaat kattuffiillu, ataavartumik suleqatigiinnerannik tunngaveqartut aningaasaliiffigineqartarput – festivalilu taamaaliortarpoq. Festivali aallartinneraniilli eqqumiitsuliortut nunanit assigiinngitsuneersut ataatsimoortittarpai, taamaalillunilu sivisuumik suleqatigiinnissamut tapersersuineq tunngavissiinerlu ajornarunnaartinneqarlutik.
NAPA-p aamma eqqumiitsuliortut festivalimut peqataasut suliniutillu aaqqissuussat tapersersorpai. Ukioq manna NAPA-p assersuutigalugu niviarsiaqqanut suiaassutsinut pituttorsimanngitsunullu ulluni tallimani workshoppertinnissaannut aningaasaleeqataavoq, tassani nipit qaamanerillu atorneqartussat aamma tusarnaartitsinerit erinarsoqatigiillu nipilersugaat meeqqanut inuusuttunullu sammitinneqassapput. Ukiuni siuliini NAPA-p ilaatigut Nordic Remix, nipilersukkanik oqaluttualianik kulturikkut suleqatigiinnermik siunertalik, aningaasaleeqataaffigaa.
NAPA Festivalimi
Ukioq manna NAPA-p pingasunngornermi apriilip 17-ianni School of Rocks-imi nal. 14.00-15.30 aaqqissuussivoq. NAPA’p siunnersortaa, Pipaluk Lykke, festivalimut peqataasut soqutiginnittut tamarmik qaaqquai, NAPA’p tapiisarfii pillugit tusarniaanissamut, aammalu qanoq qinnuteqarsinnaanersut:
“NAPA-p tapiisarfii marluk Arctic Sounds Festivalimi saqqummiussinissaa qilanaaraa. Nunani avannarlerni suleqatissarsiorusuttut kulturinillu assigiinngitsunik pingaartitsisut tamarmik tikilluaqquneqarput. Qinnuteqarneq tapiissutillu pillugit allallu apeqqutigineqarsinnaapput. Illoqarfimmi peroriartorfinni nunanit tamalaanit piorsarsimassutsikkut suliaqartut naapinnissaat qilanaaraara.”
NAPA Suialaa Arts Festival aamma Alianait Arts Festival peqatigalugit aaqqissuussamut suleqatigiipput, taamaattumik aggerit issittumi sammisassat pillugit tusagaqarusukkuit!
Aaqqissuussaq pillugu atuarnerugit: https://www.facebook.com/napagl
Arctic Sounds Festivali pillugu atuarnerugit: https://www.arcticsounds.gl/
Nutaarsiassat takunngitsoorpigit?
Nunat Avannarliit Siunnersuisoqatigiit 74-issaa ataatsimiigiartut
Novembarip aallaqqaataaniit sisamaata tungaanut Helsinki, Finlandimi ataatsimiisitsisoqassaaq, tassanilu Doris J. Jensen aamma Mariane Paviassen peqataassapput. Ataatsimiisitsisoqarnermullu atatillugu Nunat Avannarliit Siunnersuisoqartigiivisa nersornaasittagaat novembarip aallaqqaataani aamma pissapput. Sessioni, nunat avannarlerni politikkikkut oqallitsitsineq annerpaaq, Helsinkimi, Finlandimi novembarip aallaqqaataaniit sisamaata tungaanut ingerlanneqassaaq. Nunat Avannarliit Siunnersuisoqatigiivisa ilaasortai 87-it, nunani avannarlerni
NAPA eqqumiitsuliornermut kultoorimullu suliniutinik 520.000 koruuninik aningaasaliivoq
NAPA-p, Nunani Avannarlerni Piorsarsimassutsikkut Attaveqaatip siulersuisui februaarimi aalajangerput suliniutit tallimat immikkuullarittut aningaasaliiffiginiarlugit. NAPA-p Kulturimut Tapiisarfia eqqumiitsuliornermi kulturikkullu suliniutit arlallit meeqqanut inuusuttunullu, piujuartitsinermut aamma issittormiut sammiviliiffiat tunngassuteqartut aningaasatigut annertuumik tapiiffigineqarput. Qinnuteqaatinik tunniunnissamut piffissaliussaq 1. februar 2024 qaangiutinngitsoq NAPA qinnuteqaatinik pitsaasunik amerlasuniik tigusivoq, tamanna nunatsinni nunanilu avannarlerni
Kalaallit Nunaanni inuusuttunut immakkut-angalanermi-isumannaatsuuneq pillugu suliniut naammassingajalerpoq: Puttaqutit kiapequtit atortarnissaannut pikkorinnerusariaqarpugut
Nappaat tunillaassuuttoq atuukkaluartoq, NorSafe aamma Imarsiornermik Ilinniarfik nunatsinni meeqqat atuarfiini angajullernut immakkut-angalanermi-isumannaatsuuneq pillugu pikkorissartitsinernik iluatsitsilluarsimapput. Ukiut pingasut ingerlanerini suliniutaasimasoq Kalaallit Nunaanni Nunanut Allanut Naalakkersuisoqarfimmit aamma Nunani Avannarlerni Ministerit Suinnersuisoqatigiivinit qallunaat nunani avannarlerni siulittaasuuserannut atatillugu aallarnerlugu suliniutigisimasaat naammassingajalerpoq. Suliniut marlunnik siunertaqarsimavoq – nunani avannarlerni imarsiornermik ilinniarfinni
Suliniut tapiiffigineqartoq: Kalaallit Nunaanni meeqqat naammagittaalliortarfiata pilersinneqarsinnaaneranik misissuineq
Meeqqat pisinnaatitaaffii pillugit Kalaallit Nunaanni sullissivik MIO 2024-miit 2025-mut Kalaallit Nunaanni meeqqat naammagittaalliortarfeqarnissaanik pilersitsinissamut periarfissanik misissuivoq. Nunavumi, Islandimi Danmarkimilu assingusunik ingerlatsivinnik oqaloqateqarneq paasisassarsiorlunilu tikeraarneq tunuliaqutigalugu MIO 15-inik inassuteqaateqarpoq, nunatsinni taamatut pilersitsinissamut qanoq atuutilersinneqarsinnaanersoq pillugu. Inernerit tunngaviusumik allakkiami aamma naatsumik politik briefimi katersorneqarput, tassani takuneqarsinnaavoq naammagittaalliornermut