Inuulluaqqusineq qujanerlu!
Malin Corlin, NAPA-mi maanna ukiut 2,5-it missaanni sulisimasoq allorialerpoq inuunerlu nutaaq aallartillugu. Ilaquttanimi ilagalugit Bornholmimut nuulerpoq, NAPA-lu majip naanerata missaani qimassallugu. Taamaattumik NAPA-mi sullissisimanera pillugu qutsavigaarput inuulluaqqullugulu!
Malin ukiut sisamangajaat ilaquttanilu Nuummi najugaqarsimapput. Maanna Bornholmimut nuuttussanngorput inuunerlu nutaaq aallartillugu. Suliniutinik aqutsisutut sulisimavoq aamma Info Norden Kalaallit Nunaat suliffigisimallugu. Matumani Info Nordenip suliassaata pingaarnerit pingasuusut ilaannut saaffiginnissutit akisarsimallugit.
– Info Norden Kalaallit Nunaat nunani avannarlermiunut innuttaasunut, Kalaallit Nunaannik ilisimasaqarnerorusuttunut paasissutissiisarfiuvoq. Tassani nunanit avannarlermiunit allani Kalaallit Nunaat pillugu apeqqutit akisarpagut. Nunat Avannarliit sinneri pillugit kalaallit innuttaasut apeqqutaat Info Nordenimut naleqquttumut nassiunneqartarput, ukunani allaffiit arlaannut Danmark, Sverige, Norge, Island, Finland, Savalimmiut imaluunnit Åland. Ataatsimoorluta Nunani Avannarlernit 2021-mi apeqqutit 4232-t akisimavagut! Oqarpoq Malin.
Info Nordenip suliassaata pingaarnerit ilaat alla ingerlaavartuuvoq. Tassami paasissutissiisarfiup nittartakkakkut quppernerit 41-t akileraarutit, sulinissamut akuersissutit, meeqqanik paarsisarnermik aaqqissuussineq aamma peqqinnissaqarfimmi nakorsiarsinnaaneq il.il. pillugit allaaserisanik nutartarpaat. Kalaallit Nunaat pillugu allaaserisaq nuannerineqarnerpaaq tassaavoq ”Kalaallit Nunaanni suliffissarsiorneq” tulliulluni ”Kalaallit Nunaanni inissaqarneq”. Kalaallit Nunaanni suliffeqarneq pillugu inuit aamma saaffiginninnerpaasarput.
Suliassat pingaarnerit pingajuat tassaavoq nunat avaannarliit killingini aporfinnut tunngasoq. Tassami Nunat Avannarliit iluanni nunamut allamut nuunniarluni ajornartorsiummik naapitaqaraanni taava?
– Info Nordenimi nunani avannarlermiut innuttaasut qanimut attavigisaratsigit, taava nunat avannarliit akornanni killingini aporfiit suussusilersinnaavagut. Taakku Nunani Avannarlerni Siunnersuisoqatigiit nunat killingini aporfiit pillugit allattoqarfiannut nalunaarutigisarpagut, taakkulu politikerinut ingerlateqqittarpaat. Info Norden tassaavoq nunani avannarlerni nunat killingini aporfinnik siullerpaalluni ”tusagaqartartoq”. Tamanna assut torraavoq, oqarpoq Malin.
Malin taamaatippat NAPA-p siunnersuisuata Pauliina Oinonenip siunissami Info Norden suliarilissavaa. Info Nordenip suliarinerata saniatigut Malin aamma suliniutinik aqutsisuuvoq. Tassani NAPA-mi suliniutit angisuut mikisullu aaqqissuuttarpai.
– Maannakkorpiaq allannermik unammisitsinerup Allattap sisamassaa piviusunngortinniarsarivara. Suliaralugu assut pissanganarpoq! Tassami suliniutinik aqutsisoq periaatsinik, suleqatissanik, aningaasaateqarfinnik, peqataasussanik kajumissutsiminillu suleqataasunik tamakkerlugu isiginnissinnaassuseqartariaqassaaq. Aaqqissuussilluarsinnaaneq aamma inunnik attaveqarluarsinnaaneq iluaqutaapput. Tassami nalunartoqartarpoq. Sisoraqatit tassaalluarsinnaavoq meeqqat atuakkiat pillugit suliniutivit piviusunngortinniarnissaanik ikiuisussaq.
Malin suliniutinut sammisunik sulisuaannarsimavoq. Danmarkimi nunanilu allani spejderit suliniuteqarfigalugit sivisuumik suliffigisimavai, oqarporlu tamassuma suliniutinik aqutsisutut aqqutissiuussimagaat. Aamma nunat avannarlermiuuneq nuannaraa.
– Uanga nammineq qallunaaq-svenskeq-norskiuvunga, taamaattumik skandinaviarmiuissuuvunga. Taamaattumik NAPA suliffigissallugu pissusissamisoorsimavoq. Kalaallit Nunaanniinninni Skandinaviap avataani Nunat Avannarliit assut ilinniarfigisimavakka. Assigiinngissutsit pillugit isikka uisinneqarsimapput – aamma nunat avannarliit peqataatitsinerorusuttut suliaqarfigisinnaasimallugit assut nuannersimavoq, Malin naggataarluni oqarpoq.
Nutaarsiassat takunngitsoorpigit?
Issittormiut sammiviliiffiat aamma nunani avannarlermiut nipaat Arctic Soundsimi Sisimiuni
NAPA-p Kalaallit Nunaanni nipilersornikkut pikialaaqatigiinnermi annerpaami Arctic Sounds Festivalimi Sisimiuni pisumi workshoppertitsinerni, attaveqarfeqalerfiusuni nunanilu avannarlernit nipinik tusarnaartitsinerni peqataaneranit oqaluttuaqArctic Sounds 2021 aprilimi sapaatip akunnerisa naanerini marlunni ingerlanneqarpoq. Kalaallit issittormiullu nipilersortartut eqqumiitsuliortullu Sisimiuni nipilersorneq, nipilersoqatigiinneq aamma nipilersornikkut piginnaasalinnik paarlaateqateqarneq ataatsimoorutigaat. Tusarnaartitsinernut tamarluinnarnut isissutissat nunguissimaneranni – tusarnaariarnissamut
Maanna Issittumi Suleqatigiinnermut Tapiissuteqartarfimmut qinnuteqartoqarsinnaalerpoq
1. december Nunani Avannarlerni Ministerit Siunnersuisoqatigiivisa issittunut aningaasaateqarfia ammarpoq. Ulloq 13. januar NAPA Issittumi Suleqatigiinnermut Tapiissuteqartarfik pillugu webinarertitsissaaq. Issittumi Suleqatigiinnermut Tapiissuteqartarfimmut ukiumut qinnuteqarnissaq maanna ammarpoq. Qinnuteqartussat nutaat qinnuteqareersimasullu aningaasaliiffigineqarnissamut maanna nittartakkatsigut qinnuteqarsinnaalereerput. Qinnuteqarnissamut piffissaliussaavoq ulloq 15. februar 2023. Aamma ullorsiutinni ulloq 13. januar nal. 10.00
Nordjobb aqqutigalugu Nunani Avannarlerni suliffissarsiorit!
18-it 30-llu akornanni ukioqarpit? Islandimi naasorissaasoqarfimmi, Norgemi cafémi, Savalimmiuniluunniit receptionistitut imaluunniit Finlandimi Laplandimi takornarianut takornariartitsinermik sulilernissat takorloorsinnaaviuk? Nordjobb suliffimmi misilittagaqalernissamut nunallu allat ilinniarnissamut periarfissatsialaavoq. Nordjobbimik suleqateqarnermi nunami avannarlermi allami inuuneq qanoq ittuunersoq misigissavat. 1985-imiilli ukiut 40-t ingerlaneranni Nordjobbi inuusuttunut katillugit 30.000-init amerlanerusunut piffissap ilaani suliffittaartitsisimavoq!
NNK 25.-28. maj piareersarneqalereerpoq
Nuuk Nordisk Kulturfestival 2021 anersaartorfiullunilu siunissamut qaamanerusumut tikkuussisutullusooq issimavoq. Eqqumiitsuliortut kulturilerisullu assigiinngitsorpassuit oktoberip naanerani Nuuk tikeraarsimavaat. Ullut sisamat ingerlaneranni inuit 2.500-t missaat ullut 4-t ingerlaneranni ornigussimapput. Nunarsuarmit tamaneersut eqqumiitsuliortut kulturilerisullu 200-t saqqummersitsivinni nipilersorfinnilu allanilu 15-ini aliikkusersuillutillu saqqummiisimapput. Kommuneqarfik Sermersuup kulturimut immikkoortortaqarfiata festivali kingulleq aaqqissuuppaa, isumaqarpullu