Tarnima Nammatai // The Wounds of Our Soul atuaganngorpoq
Isiginnaartitissut saqqummersitsinerlu Tarnima Nammatai nunatsinni assut nuannarineqarluni angalaarsimavoq. Maanna atuagaq Tarnima nammatai // The Wounds of Our Soul // Jeg Bærer Min Sjæl saqqummerpoq.
Immikkoortut pingasusut, isiginnaartitsissut, saqqummersitsineq aamma atuagaq immikkut tamarmik inuuneqarput, kisianni aamma imminnut atallutik. Atuagaq angalaarnernut ilaassaaq aamma atuarfinnut, kulturip illorsuinut, katersugaasivinnut il.il. tunineqarumaarluni. Taamaalilluni suliniut maanna pingasunik immikkoortoqalerpoq, suliniut aallaqqaataaniilli Gukki Nukap aamma isiginnaartitsisarfiup pisortaata Hanne Trap Friisip suliarisimavaat.
Isiginnaartitsissut
Isiginnaartitsisarnermik suliaqartartup freezeProductionip isiginnaartitsisarfiup pisortaa Hanne Trap Friis siuttoralugu isiginnaartitsissut Tarnima Nammatai suliarisimavaa. Isiginnaartitsissut Nuummi kingornalu Kujataani upernaami 2021-mi takutinneqarpoq, maannalu ukiami illoqarfinni Nuup avannaaniittuni isiginnaartitssutigineqaqattaarsimalluni, assorsuaq nuannerineqarluni. Kingusinnerusukkut Skandinaviami nunarsuullu sinnerani takutinneqarumaarpoq.
“Isiginnaartitsissut sakkortuvoq aamma inunnut amerlanernut ajorunnaariartornermut sunniuteqaqataalluni kusanarlunilu. Isiginnaartitsissut inuppassuarnit isiginnaarneqarsimavoq. Kinguaassiutitigut atornerluineq, asanninneq neriunnerlu pillugit isiginnaartitsissutaammat upalungaarsimasartut suleqatigilluarsimavagut. Inuimmi ilai isiginnaareerlutik oqaloqateqarnissaminnik pisariaqartitsisarput. Angalaarnerput tamaat timersortarfiit katersortarfiillu ulikkaartut isiginnaartitsivigisarsimavagut, assorsuaq attortinnarpoq” oqarpoq Hanne Trap Friis.
Saqqummersitsineq
Saqqummersitsisuupput Gukki Nuka, Paarma Brandt, Rasmus Lyberth aamma Jokke Rosing. Gukki Nukap assilialiai sakkortuut kinguaassiutitigut atornerluinermut tunngapput, taanna meeraalluni atornerlunneqarsimavoq. Eqqumiitsuliortarnera kingullertitsinini pissutigalugit nakkaattunnginnissaanut pissutaasimavoq, oqarsimavorlu “Eqqumiitsuliornerup kingunerlutsitsini pissutigalugu nakkaattunnginnissaanut annaassimagaani, taamatullu inuunera annaallugu”. Gukki Nukap mobilini atorlugu assiliisarpoq kingornalu aaqqissuuteqqittarluigit. ”Amerput aqqutigalugu eqqaamasagut pilersarput. Eqqaamasat pilluarnartut kingulerutsitsisartullu”, oqarpoq Parma Brandt, pingasunik eqqumiitsulianik peqataasoq. Jukke Rosing assilisaminik peqataavoq Rasmus Lyberthillu eqqumiitsuliai uuliamik qalipagaallutik. Saqqummersitsineq Katuami upernaakkut 2021 saqqummersinneqarpoq, angalanermullu ilaasimalluni.
Atuakkamik saqqummersitsinermut atatillugu NAPA-mi ilassinninnermut qaaqqusissineq 28. oktober nal. 12-13
Atuagaaqqamik saqqummersitsinermut atatillugu NAPA aamma Teater freeProductions NAPA-p inaani Katuami sisamanngorneq 28. oktober nal. 12-13 ilassinninnermut qaaqqusipput. Tamulugassaqalaarumaarpoq imeruersaatissaqarlunilu.
Isiginnaartitsissutip nipilersuutaasa ilaanik Rasmus Lyberth nipilersuusiortorlu Hans-Ole Amossen nipilersulaarumaarput, oqaasertaanillu Karina Møller, Klaus Geisler aamma Nukakkuluk Kreutzmann atuffassilaarumaarlutik.
Atuagakkamik aaqqissuisuuvoq Tupaarnaq Rosing Olsenip, ilusilersuisuullunilu Nina Spore Kreutzmann. Saqqmmersitsineq aamma NAPA-p initaani saqqummersinneqassaaq.
Isumaginninnermut Aqutsisoqarfik, Killiliisa, maligassiuisut aamma isiginnaartitsisarfimmik eqqumiitsuliortunillu suleqateqarneq
Isumaginninnermut Aqutsisoqarfiup 2018-imiilli Naalakkersuisut kinguaassiutitigut atornerluineq pillugu periusissiaa – Killiliisa / Lad os sætte piviusunngortippaa. Tassunga atatillugu Isumaginninnermut Aqutsisoqarfiup isiginnaartitsinermik ingerlatsisartoq freezeProductions Tarnima Nammatai” / Jeg Bærer Min Sjæl pillugu isumaqatigiissuteqarfigaa.
Periusissiamut ilaatillugu maligassiuisoqatigiit pilersinneqarsimapput, matumani Gukki Nuka, Heidi Møller Isaksen, Henrik Thomsen aamma Arnajaraq Joelsen ilaallutik. Periusissiami Isiginnaartitsissut Killiisami maligassiuisut ilaasa namminneq oqaluttuaannik ilaatigut tunngaveqarpoq. Aamma isiginnaartitsisut allataat tunngavigineqarput. Isiginnaartitsissummut Tarnima Nammatai Gukki Nuka isiginnaartitsinermik ingerlataqartoq freezeProductionsip pisortaa Hanne Trap Friis peqatigalugu suliniuteqartuupput.
Isiginnaartitsissut pillugu paasissutissat
Suliarinnittut: Gukki Nuka aamma Hanne Trap Friis.
Isiginnaartitsisartut: Klaus Geisler, Karina Møller, Rasmus Lyberth aamma Nukakkuluk Kreutzmann.
Nipimik ilusilersuisoq nipilersuusiortorlu: Hans-Ole Amossen (Karina Møller, Rasmus Lyberth , Kristoffer Jul Reenberg).
Qullilerisoq videomillu ilusilersuisoq: Naleraq Eugenius.
Scenografi: Naja Rosing-Asvid.
Ilitsersuisoq: Hanne Trap Friis.
Allannertat: Gukki Nuka, Heidi Møller Isaksen, Henrik Thomsen, Arnajaraq Joelsen, Karina Møller, Klaus Geisler, Nukakkuluk kreutzmann Rasmus Lyberhttp://Angalaarnermi oqaluttuaq atuarukth, Hanne Trap Friis aamma Marius Kristensen.
Nutaarsiassat allat
Issittut akiussinnaasuseqarluartut digitalimik akiuulluarsinnaasunik attaveqaasersuuteqarlutik aallartittarput
Digital Arctic Futures-isumasioqatigiinnermi Kalaallit Nunaanni Issittumilu siunissami interneti ukkatarineqarpoq Interneti Issittumi ulluinnarni pinngitsoorneqarsinnaajunnaarsimavoq. Kortimik akiliiinermut aamma e-boksimut, Netfliximut, piniarnermut uppernarsaatinut aamma Facebookikkut oqallinnermut atorneqartarluni. Kisianni pinngitsuuisinnaajunnaarnerup annertusiartornerani, aamma saassunneqariaannaaneq annertusiartorpoq. Qanoq pisoqassava, kabeli immakkoortoq ajoquserneqarpat, innaallagiaaruttoqarpat imaluunniit internetikkut ajoqusiiniarnerup inuiaqatigiinni atuuffiit pingaarutillit akornuserpagit? Apeqqutit taakku
Nunat Avannarliit Siunnersuisoqatigiit 74-issaa ataatsimiigiartut
Novembarip aallaqqaataaniit sisamaata tungaanut Helsinki, Finlandimi ataatsimiisitsisoqassaaq, tassanilu Doris J. Jensen aamma Mariane Paviassen peqataassapput. Ataatsimiisitsisoqarnermullu atatillugu Nunat Avannarliit Siunnersuisoqartigiivisa nersornaasittagaat novembarip aallaqqaataani aamma pissapput. Sessioni, nunat avannarlerni politikkikkut oqallitsitsineq annerpaaq, Helsinkimi, Finlandimi novembarip aallaqqaataaniit sisamaata tungaanut ingerlanneqassaaq. Nunat Avannarliit Siunnersuisoqatigiivisa ilaasortai 87-it, nunani avannarlerni
NNK 25.-28. maj piareersarneqalereerpoq
Nuuk Nordisk Kulturfestival 2021 anersaartorfiullunilu siunissamut qaamanerusumut tikkuussisutullusooq issimavoq. Eqqumiitsuliortut kulturilerisullu assigiinngitsorpassuit oktoberip naanerani Nuuk tikeraarsimavaat. Ullut sisamat ingerlaneranni inuit 2.500-t missaat ullut 4-t ingerlaneranni ornigussimapput. Nunarsuarmit tamaneersut eqqumiitsuliortut kulturilerisullu 200-t saqqummersitsivinni nipilersorfinnilu allanilu 15-ini aliikkusersuillutillu saqqummiisimapput. Kommuneqarfik Sermersuup kulturimut immikkoortortaqarfiata festivali kingulleq aaqqissuuppaa, isumaqarpullu
Kalaallit Nunaanni kulturikkut eqqumiitsuliornermillu inuussutissarsiuteqartut pisariaqartitaannik misissuineq
Nunatsinni kulturerput nukittullunilu assigiinngitsorpassuarnik tunuliaqutaqarpoq – kisiannili tamatumani sinaakkutit pisariaqartitat periarfissallu pillugit ilisimasat killeqarput. Taamaattumik NAPA 2023-mi pisariaqartitanik misissuinermik aallartitsivoq, taannalu tunngavigalugu kulturikkut eqqumiitsuliornermillu suliaqartut suliffeqarfiillu niuernikkut periarfissaat nukittorsarneqassapput. 2023-mi aamma 2024-mi NAPA apeqqutinik immersugassamik, kalaallisut, qallunaatut tuluttullu pissarsiarineqarsinnaasumik, katersuivoq. Inuit katillugit 170-it misissuinermi peqataapput.